أجهزة التشويش على الموبايل في الكلية !!! .... ليه كده ؟؟؟

[Anas]

السلام عليكم ورحمة الله و بركاته

كل عام و حضراتكم بخير بمناسبة بداية العام الدراسي الجديد

و يا رب يكون عام سعيد علينا جميعا و ربنا يوفقنا فيه الى ما يحبه و يرضاه

النهاردة ... و في اول أيام العام الدراسي

فوجئنا كلنا و احنا بنبص في موبايلاتنا .... ان مفيش شبكة !!!

أنا عن نفسي في البداية شكيت في الموبايل ... و قلت اكيد العيب منه

و بعدين شكيت في الشبكة نفسها ... قلت يمكن في صيانة أو حاجة زي كده

و لقيت كذا واحد بيسأل ... الشبكة راحت فيييين ... زي اعلان موبينيل بالضبط

لحد ما فقت على الخبر من اصحابي ... في أجهزة تشويش !!!

تشويش فييين ... و على اييييه ... و السؤال الأهم ... ليييييييه ؟

> الكلية ركبت اجهزة تشويش في المدرجات ... علشان الطلبة متنشغلش بالموبايلات أثناء المحاضرات

و علشان مش يزعجو الدكتور المحاضر أثناء الشرح

!!!!!!!!!!!!!!!

بجد قرار غريب جدا ....

طب ما الطلبة لو عاوزة تنشغل فعلا ... قدامهم الموبايل نفسه

في ألعاب و اغاني و فيديوهات و بلوتوث ... و كل حاجة نفسهم فيها

جت على الرنات يعني ؟؟؟؟؟

و بعدين ليه الكلية مش فكرت في أضرار الحكاية دي ؟؟؟

كلنا عارفين اننا احيانا بنتاخر في الكلية ... و الاهالي بتقلق على البنات " و احيانا الأولاد "

و في المحاضرات المتأخرة ده بيكون واضح جدا جدا ... من رنات و احيانا مكالمات جوه المحاضرة

و غير التاخير ... حد مثلا جايله مكالمة مهمة ضرورية جدا ... تتعطل مصالحه ليه ؟؟؟

المفروض على كده بقى ... يسجلو رسالة اللي يتصل من بره يسمعها

" عفوا ... الرقم الذي طلبته عنده محاضرة ... من فضلك اتصل بعد المحاضرة لو سمحت "

اللي اعرفه ان جهاز تشويش واحد بس يكفي الكلية كلها ... لكن اللي حصل غير كده خااااااالص

الكلية مركبة في كل مدرج جهاز ... يعني مفيش فايدة ... متحاولش

لأ و ايه ... الجهاز ده تأثيره ممتد لبره الكلية كمان ... مش داخل المدرجات و بس

يعني لا قدر الله لو حد حصل له حاجة جوه الكلية أو قريب منها ... يبقى هو اللي جابه لنفسه " حد قاله يتعب ؟ "

يا ريت بجد الكلية تعيد النظر في القرار ده ....

و يا ريت أسمع آرائكم ضروري جدا في الحكاية دي

في انتظار تشريفكم و ردودكم

سلام الى ذلك الحين

[..::ciZar_Resala::..]

أنا مبسوط جدا من القرار ده .. بصرف النظر عن الأضرار .. أهم حاجة إن مفيش دكتور هيعمل حجته الموبايل .. و يجيب الامتحان صعب .. و لا يسيبلنا المحاضرة و يمشى و يقول مشروحة

[Mohamed Al Gohary]

اعتقد انه جوه المدرجات بس .. لان انا الشبكه كانت موجوده فى الكليه كلها معايا النهارده عادى وجوه مبانى الكليه كمان ..

والموضوع مش مستاهل كل ده متيهالى ..

[NonY]

ايه دا
بجد معلومة غريبة اوى

انا حسيت انو فيلم جاسوسى لما قريت العنوان

فعلا لو كدا قرار مش حلو خالص لو كان الهدف يمنعوا الناس فى المحاضرة من الموبايلات
لأن اكتر حاجة بتزعج ف المدرج هى الأغانى
و كدا الناس عادى ممكن يشغلوا اى حاجة تعمل دوشة فى المدرج بردو
المكالمات بس هى اللى اتعطلت ..

و المكالمات دى احيانا فعلا بتكون مهمة اوى و يتكون قصيرة كمان ..
انا متفقة معاك يا دوك ف كل الى بتقوله
يا رب الموضوع دا يتلغى خالص

[wh_kaboo]

انا معاكم ان الشبكة جوة او برة الكليه حاجة مهمة امال احنا شيلين الموبايل ليه ؟؟؟؟؟
يعنى لو حد اتاخر او حد حصل له حاجة ايه الظروف ؟؟؟


طيب انا عندى سوال والسكاشن !!!!!!!!!!!!!!!

[Anas]

أنا مبسوط جدا من القرار ده .. بصرف النظر عن الأضرار .. أهم حاجة إن مفيش دكتور هيعمل حجته الموبايل .. و يجيب الامتحان صعب .. و لا يسيبلنا المحاضرة و يمشى و يقول مشروحة

ما قلنا في أغاني بتشتغل ... و بعدين الدكتور لو عاوز حجة علشان يصعب الامتحان
قدامه ألف طريقة و طريقة غير الموبايل

أنا معاك ان ده هيبقى مريح شوية للدكاترة
و ده كان واضح في المحاضرات النهاردة

بس ده مش مبرر أبدا انه يكون الحل بالطريقة دي أبدا

أنا عن نفسي بعمل الموبايل " offline‏ " أثناء المحاضرة
بس لو عاوز أتصل هتصل و أعمل اللي عاوزه

منور يا دوك بمرورك و ردك

[A H M E D]

أنا مبسوط جدا من القرار ده .. بصرف النظر عن الأضرار .. أهم حاجة إن مفيش دكتور هيعمل حجته الموبايل .. و يجيب الامتحان صعب .. و لا يسيبلنا المحاضرة و يمشى و يقول مشروحة

صح يا دكتور والله عندك حق

بس برضه القرار نفسه غريـــــــــــــــــــــــــــب

[Mohamed Al Gohary]

انا غالبا بعمل الموبايل سيلنت .. فى اى وقت مش عاوز صوته يطلع ..

بس برضه نرجع ونقول اننا مش متاكدين من الموضوع ده .. ولا انت متاكد ؟؟

[Dr.Mohamed]

القرار نفسه غريـــــــــــــــــــــــــــب

[Alaa_Resala]

أنا لاحظت فعلا انعدام الشبكة قرب مبنى المحاضرات

وفعلا زي ما قلت يا د/أنس

الأهالي كده هتقلق

ولو في خبر مهم مثلا أو حدث جلل وطارق...هيفضل مستني لحد ما يخرج من المدرج لا وكمان من مبنى الكلية كله

الموضوع ده أصبح سلاح ذو حدين:
هنستفيد من عدم مقاطعة المحاضرات برنات الموبايلات

بس على الجانب الآخر هنتبهدل في غياب الشبكات

المفروض على كده بقى ... يسجلو رسالة اللي يتصل من بره يسمعها

" عفوا ... الرقم الذي طلبته عنده محاضرة ... من فضلك اتصل بعد المحاضرة لو سمحت "

جامدة الحتة دي

وكل سنة وانتو طيبين