ياترى ليه مش بندرس التربية الاسلامية او الدينية ضمن مناهجنا ف الكلية

[أمــ هـنـد ــة الله]

ازيكم يا اعضاء المنتدى يارب تكونو بخير
ومبارك عليكم الشهر وعساكم من عواده
الموضوع اللى حابه اتناقش ونتناقش فيه كلنا
هوا غياب التربية الدينية عن منهجنا اللى بندرسه ف الكلية
وليه طول السنين اللى فاتت ابتداء من المرحلة الابتدائية لحد الثانوية بندرس مواد دينية ...ولما وصلنا للتعليم الجامعى اختفت هذه المادة الفرعية دائما
بجد اللى خلانى افكر انى اكتب موضوع زى ده هوا ان ثقافتى الدينية الى حد ما محدودة ولانى محتاجه انى اعرف حاجات ف الدين وكنت اتمنى ان مادة زى دى تتدرس لينا ولو تكون فرعية حتى ....الكلام لسه مش خلص لكن انا هكمل معاكو مناقشه
واحب اشكر كل اللى شجعونى على كتابة الموضوع دة لانى بصراحه كنت مترددة
يلا مستنية مشاركاتكم
والسلام عليكم ورحمة الله وبركاته
ف امااااااااااان الله
واتسحرو كويس

[pharmacistina]

ازيكم يا اعضاء المنتدى يارب تكونو بخير
ومبارك عليكم الشهر وعساكم من عواده
الموضوع اللى حابه اتناقش ونتناقش فيه كلنا
هوا غياب التربية الدينية عن منهجنا اللى بندرسه ف الكلية
وليه طول السنين اللى فاتت ابتداء من المرحلة الابتدائية لحد الثانوية بندرس مواد دينية ...ولما وصلنا للتعليم الجامعى اختفت هذه المادة الفرعية دائما
بجد اللى خلانى افكر انى اكتب موضوع زى ده هوا ان ثقافتى الدينية الى حد ما محدودة ولانى محتاجه انى اعرف حاجات ف الدين وكنت اتمنى ان مادة زى دى تتدرس لينا ولو تكون فرعية حتى ....الكلام لسه مش خلص لكن انا هكمل معاكو مناقشه
واحب اشكر كل اللى شجعونى على كتابة الموضوع دة لانى بصراحه كنت مترددة
يلا مستنية مشاركاتكم
والسلام عليكم ورحمة الله وبركاته
ف امااااااااااان الله

واتسحرو كويس

اتسحرنا من زمان الحمد لله .. الفجر اهو بيقول الله أكبر ..
كل سنة و انتي بخير و صحة و سعادة ..
موضوع ممتاز طبعا و مهم ..
عندك حق حال مؤسف .. و كلنا أعتقد كدة .. حتى لما كنا بندرس الدين كان لا يضاف للمجموع فكنا بنستهبل فيه و المدرسين ماكانوش بيشرحوه بجدية - الا قليل من المدرسين للأمانة كانوا كويسين في الدين أوي - و دة يا ستي من أهداف أمريكا .. لأن شايفين ان الدين بيزود الارهاب .. و طبعا احنا كدولة نامية بتاخد معونات و بتاكل من فلوس أمريكا لازم السمع و الطاعة .. ماذا و الا الشعب هيجوع .. مع ان الشعب جعان من زمان بالمعونات الأمريكية ولا من غيرها .. أمريكا حتى اتدخلت في التعليم المصري لدرجة انهم حذفوا قصة القدس .. مش عايزين الطلبة يعرفوا ماضيهم و ماضي صلاح الدين .. و طبعا دة عشان يطلعوا معندهمش احساس بالقضية الفلسطينية ..
تدريس التربية الاسلامية بشكل صحيح بينمي الالتزام لدى الأجيال و بيربي عزمهم ع الجهاد في سبيل الله .. و طبعا الدول العلمانية ( أمريكا و غيرها من دول أوروبا ) تكره ان الاسلام يقوى و يعز ..
أقول ايه بس أنا و الله حزينة على نفسي و على ضعف معلوماتنا الدينية بالشكل دة ..
لما كنا مسافرين أنا و أسرتي .. كنت بدرس الدين بشكل كويس و كان بيضاف للمجموع من 100 درجة زيه زي العربي زي العلوم .. يا خسارة على مصر كل شيء فيها بقى محطم .. بعد ما كانت جامعة الأزهر بيجيها ناس من كل حتة في العالم عشان تدرس أيام الشيخ الشعراوي مثلا ..
بصي يا هند .. في ظل الوضع الراهن المفروض احنا نطلع في الكتب الدينية .. نشوف البرامج الدينية اللي بتيجي ع القنوات الدينية ( الرحمة , الناس , العفاسي , و غيرها ) .. ما شاء الله مجموعة ممتازة من القنوات .. تابعي و اسمعي ..
و يا سلااااااااااااااااااااام على اذاعة القرآن الكريم .. الشيء الوحيد الحلو في الاعلام المصري .. في ناس مشغلاها جمبها باستمرار .. بترتبي البيت مثلا و انتي ودنك معاها هتسمعي أحلى أحاديث و شرحها و تسمعي قرآن و تسمعي ابتهالات و فتاوى و غيره .. هتبقي ممتازة في الدين .. ساعتها ابقي ادعيلي ..
أشكرك ع الموضوع

============================




Gohary

[lost*soul]

هنودا

مرسى ع المووضوع الجرئ المهم ده

الاباء من الصغر بيعلمونا القران وحفظه

بندخل المدرسه نلاقيه ماده فرعيه عايزن ننجح فيها وخلاص ومش بنزاكر محتواها بالعكس بندخل الامتحان نكتب كلمتين متقرين ف راسنا وخلاص

هو المفروض تعليم الدين ما يختفى ابدا من حياتنا وندرسه من حضانه للجامعه لمحو الاميه باعتبار اننا دوله اسلاميه ندرسه ونعيش بيه ده الطبيعى

ليه اختلف الطببيعى؟؟؟؟؟؟؟؟؟ لاننا قصرنا وسكتنا ع تقصير غيرنا

كان لازم ارد ف الموضوع ده لما اصحى من النوم بس لانى شايفه الموضوع مهم قلت ارد فيه قبل مانام

ولو راسى دار بها شئ هقوله طبعا

تصبحى ع كل خير هنودا

[Dr.Mohamed]

ازيكم يا اعضاء المنتدى يارب تكونو بخير
ومبارك عليكم الشهر وعساكم من عواده
الموضوع اللى حابه اتناقش ونتناقش فيه كلنا
هوا غياب التربية الدينية عن منهجنا اللى بندرسه ف الكلية
وليه طول السنين اللى فاتت ابتداء من المرحلة الابتدائية لحد الثانوية بندرس مواد دينية ...ولما وصلنا للتعليم الجامعى اختفت هذه المادة الفرعية دائما
بجد اللى خلانى افكر انى اكتب موضوع زى ده هوا ان ثقافتى الدينية الى حد ما محدودة ولانى محتاجه انى اعرف حاجات ف الدين وكنت اتمنى ان مادة زى دى تتدرس لينا ولو تكون فرعية حتى ....الكلام لسه مش خلص لكن انا هكمل معاكو مناقشه
واحب اشكر كل اللى شجعونى على كتابة الموضوع دة لانى بصراحه كنت مترددة
يلا مستنية مشاركاتكم
والسلام عليكم ورحمة الله وبركاته
ف امااااااااااان الله

واتسحرو كويس

شكرا ليكى دكتوره/ هند بجد توبيك اكثر من رائع وموضوع جيد للنقاش المهم انا معاكى فى تدريس مادة التربيه الدينيه فى الكليه لكن من الواضح لينا أو بمعنى أصح المفروض علينا إن دا مش صحيح دا عشان تبقى عارفه المناهج دى أصلا مش بتاعتنا لكن دى طبعا من الخارج عنا طبعا انتى عارفه لهم الأمر فى الاول والاخر (الأمر لله طبعاً) لكن دا مخطط هموا ( عرفاهم") واضعينوه لينا للتنفيذ مش أكتر وعلى فكره إحنا منقدرش نلومهم إحنا نلوم حكومتنا والوزاره إلى سيباها لله كده ومطنشه على فكره هموا من مصلحتهم ينفذوا مخططهم لانم هدفهم الأسمى هو تحطيم بل والقضاء على الدين الإسلامى نهائيا

أسف على التطويل تقبلى مرورى

[أمــ هـنـد ــة الله]

اتسحرنا من زمان الحمد لله .. الفجر اهو بيقول الله أكبر ..
كل سنة و انتي بخير و صحة و سعادة ..
موضوع ممتاز طبعا و مهم ..
عندك حق حال مؤسف .. و كلنا أعتقد كدة .. حتى لما كنا بندرس الدين كان لا يضاف للمجموع فكنا بنستهبل فيه و المدرسين ماكانوش بيشرحوه بجدية - الا قليل من المدرسين للأمانة كانوا كويسين في الدين أوي - و دة يا ستي من أهداف أمريكا .. لأن شايفين ان الدين بيزود الارهاب .. و طبعا احنا كدولة نامية بتاخد معونات و بتاكل من فلوس أمريكا لازم السمع و الطاعة .. ماذا و الا الشعب هيجوع .. مع ان الشعب جعان من زمان بالمعونات الأمريكية ولا من غيرها .. أمريكا حتى اتدخلت في التعليم المصري لدرجة انهم حذفوا قصة القدس .. مش عايزين الطلبة يعرفوا ماضيهم و ماضي صلاح الدين .. و طبعا دة عشان يطلعوا معندهمش احساس بالقضية الفلسطينية ..
تدريس التربية الاسلامية بشكل صحيح بينمي الالتزام لدى الأجيال و بيربي عزمهم ع الجهاد في سبيل الله .. و طبعا الدول العلمانية ( أمريكا و غيرها من دول أوروبا ) تكره ان الاسلام يقوى و يعز ..
أقول ايه بس أنا و الله حزينة على نفسي و على ضعف معلوماتنا الدينية بالشكل دة ..
لما كنا مسافرين أنا و أسرتي .. كنت بدرس الدين بشكل كويس و كان بيضاف للمجموع من 100 درجة زيه زي العربي زي العلوم .. يا خسارة على مصر كل شيء فيها بقى محطم .. بعد ما كانت جامعة الأزهر بيجيها ناس من كل حتة في العالم عشان تدرس أيام الشيخ الشعراوي مثلا ..
بصي يا هند .. في ظل الوضع الراهن المفروض احنا نطلع في الكتب الدينية .. نشوف البرامج الدينية اللي بتيجي ع القنوات الدينية ( الرحمة , الناس , العفاسي , و غيرها ) .. ما شاء الله مجموعة ممتازة من القنوات .. تابعي و اسمعي ..
و يا سلااااااااااااااااااااام على اذاعة القرآن الكريم .. الشيء الوحيد الحلو في الاعلام المصري .. في ناس مشغلاها جمبها باستمرار .. بترتبي البيت مثلا و انتي ودنك معاها هتسمعي أحلى أحاديث و شرحها و تسمعي قرآن و تسمعي ابتهالات و فتاوى و غيره .. هتبقي ممتازة في الدين .. ساعتها ابقي ادعيلي ..
أشكرك ع الموضوع

اهلا اهلا يا دكتوره وبجد كلامك مظبوط والواحد اوكى يثقف نفسه بس مش ننسى اننا دولة اسلامية يعنى مفروض الدين يبقى اساس مش مادة فرعية وف الجامعه مش بتتدرس انا بس كان نفسى يحسسونا بأهميتها وبعمل اعتبار لكوننا دولة اسلامية

هنودا

مرسى ع المووضوع الجرئ المهم ده

الاباء من الصغر بيعلمونا القران وحفظه

بندخل المدرسه نلاقيه ماده فرعيه عايزن ننجح فيها وخلاص ومش بنزاكر محتواها بالعكس بندخل الامتحان نكتب كلمتين متقرين ف راسنا وخلاص

هو المفروض تعليم الدين ما يختفى ابدا من حياتنا وندرسه من حضانه للجامعه لمحو الاميه باعتبار اننا دوله اسلاميه ندرسه ونعيش بيه ده الطبيعى

ليه اختلف الطببيعى؟؟؟؟؟؟؟؟؟ لاننا قصرنا وسكتنا ع تقصير غيرنا

كان لازم ارد ف الموضوع ده لما اصحى من النوم بس لانى شايفه الموضوع مهم قلت ارد فيه قبل مانام

ولو راسى دار بها شئ هقوله طبعا

تصبحى ع كل خير هنودا

لالالالالا يا زوزووووو دا انتى مصحصحه ع الاخر وكلامك مظبوط وقولتى اللى عايزة اقولة اننا دولة اسلامية ف ازاى تغيب مناهج الدين عن دراستنا وخصوصا ف المرحلة الجامعية

شكرا ليكى دكتوره/ هند بجد توبيك اكثر من رائع وموضوع جيد للنقاش المهم انا معاكى فى تدريس مادة التربيه الدينيه فى الكليه لكن من الواضح لينا أو بمعنى أصح المفروض علينا إن دا مش صحيح دا عشان تبقى عارفه المناهج دى أصلا مش بتاعتنا لكن دى طبعا من الخارج عنا طبعا انتى عارفه لهم الأمر فى الاول والاخر (الأمر لله طبعاً) لكن دا مخطط هموا ( عرفاهم") واضعينوه لينا للتنفيذ مش أكتر وعلى فكره إحنا منقدرش نلومهم إحنا نلوم حكومتنا والوزاره إلى سيباها لله كده ومطنشه على فكره هموا من مصلحتهم ينفذوا مخططهم لانم هدفهم الأسمى هو تحطيم بل والقضاء على الدين الإسلامى نهائيا

أسف على التطويل تقبلى مرورى

[/center]

ابدا ولا تطويل ولا حاجه يا دكتور جزاكم الله خيرا على ردك وبجد كلكم ردودكم رائعه واسعدتونى

[wh_kaboo]

السلام عليكم ازيك هنوده ايه الاخبار
شكرا على طرح هذا الموضوع الاكثر من رائع
هوه فعلا دى حاجة مهمة جدا على الاقل يدرسونا الحاجات الى هتفدينا فى حياتنا سواء شباب او اباء وامهات
بس لا حياة فيمن تنادى
الدولة خايفة من المسلمين الصح اللى بيسموهم ارهابين ومتطرفين واحنا شايفين الحرب الصليبية اللى شغالة على الاسلام فى كل مكان يعنى مش عندنا بي
بس اهم حاجة ان احنا ما نسيبش نفسنا ولازم نعلم نفسنا من شيوخ ثقات مش اى حد وان شلء الله هبقى اتكلم عن استاذ كل الناس فاكراه حلو بس للاسف ليه غلطات كبيرة جدا
وزى ما قالت فارماسينيتا فيه قنوات كتير حلوة ومحترمة وهادفة بس لى يسمع وعايز بتعلم
ومرة تانية شكرا على التوبيك الرائع
وتقبلى مرورى

[Amira]

والله عندك حق يا هند فى كل كلمه كتبتيها يعنى بدل حقوق الانسان اللى ملهاش لازمه دى كانوا يدولنا حاجه تفيدنا وخصوصا ان التربيه الدينيه الاسلاميه دى تعتبر احسن من حقوق الانسان لان فيها حفاظ على حقوق الانسان على الاقل هنطبق اللى ربنا امرنا بيه
شكرا على الموضوع يا هند

[A H M E D]

طبعا دي أوامر عليا

وهي اللي مخلياه في التعليم الاساسي مبضافش

ربنا يهديهم

[Dr nour]

موضوع جميل ....................جزاكى الله خيرا عليها
ومش عارفه أقول شئ جديد بعد اللى اتقال
بس مصر فيها أوضاع كتير غلط............................والتعليم فى مصر وصل لأسوأ حالاته
تعليم فاشل ..........................ونظام أفشل
احنا دوله اسلاميه....................غير مهتمه بتدريس المنهج الاسلامى فى مراحل تعليمها
للأسف واللى بيضحكنى جدا على الحال اللى وصلنا ليه
انه فى الفتره الأخيره دارت بعض المناقشات عن تدريس شئ معين للطلاب..............وبدون ذكر ايه هو الشئ ده..............وبقت فى مناقشات وابداء الرأى
لكن مفيش حد فكر فى الموضوع اللى عرضتيه وعمل مناقشه جاده ليه
للأسف .......................مش عارفه احنا هنوصل لأيه بالحال اللى احنا فيه

ولما وصلنا للتعليم الجامعى اختفت هذه المادة الفرعية دائما

فعلا للأسف كانت طول عمرها فرعيه....................علشان كدا طول عمرها موضع اهمال سواء من الطلبه أو المدرسين

[summer breeze]

ازيك ياهنوده ايه اخبارك موضوعك جميل جدا وبيطرح مساله من اخطر الحاجات اللي في مجتمعنا بصي ياجميل

نقطه سودا في التعليم عندنا اهمال التربيه الدينيه بصي لاخواتنا الصغيرين لما يبقى عندهم امتحان دين وعربي اليوم كله بيروح للعربي الدين مبيتفتحش بالكتير قوي هيروح يحفظ الحديث الوحيد المقرر حفظ ونص الايه اللي عنده وانتهينا على كده ليه لانه ببساطه مش محتاج اكتر من كده علشان يعدي في الماده وكمان الاستاذ قاله ذاكر يا بني دول لو مش عاوز تجيب ملحق دين هل ده يعقل ايام زمان مكنش فيه مدارس غير قليل قوي وكانت مقصوره على طبقه الاغنياء واولاد الذوات لكن الناس الغلابه كان عندهم الكتاب كانوا بيودوا اولادهم من وهما عندهم 4و5 سنين علشان يحفظوا القران كان اول علاه الطفل بالعلم هو المصحف هو كلام ربنا وده لاننا بفطرتنا بنحب دينا قوي واول حاجه بنحرص اننا نزرعها في اولادنا هو الدين بنعلمهم مبادئ الحلال والحرام الكذب والصدق والامانه احترام الكبير والعطف على الصغير لكن للاسف الطفل بيروح المدرسه يتبدل تفكيره تماما يلاقي الدين اللي بابا وماما بيكلموه عنه حاجه ملهاش اهميه المدرس بييجي الحصه ميشرحش ويرغي في التلفونات واخر 10 دقايق الايه من 5-10 حفظ وهسمع الحصه الجايه هو ده اللي التلميذ بيشوفه وللاسف بيكبر عليه انا شايفه ان دراسه ماده تربيه اسلاميه في الجامعه مش هتكون مجديه قد كده لاننا طول عمرنا بناخد فيه قشور لكن اللي انا شايفاه اننا المفروض ندرس دين كويس من ابتدائي وناخد فيه معلومات قيمه تعرفنا اكتر بتفاصيل دينا وشريعتنا ويبى فيه اهتمام زايد باختيار معلم الدين لانه لازم يكون شخص مؤهل وذو كفاءه وياريت لو المعلم ياخد دورات عن توصيل المعلومه بيسر وسهوله لعقل طفل عنده 8-9 سنين ولو تكون العمليه دي تحت اشراف الازهر تبقى احلى واحلى اما عن المرحله الجامعيه فبتهيالي يبقى احلى اننا ندرس ماده بتشرح الاعجاز العلمي قي القران وارتباطه بالماده العلميه اللي بناخدها وكمان حكم الشرع في كل جديد في العلم زي الاستنساخ مساله تاجير الارحام والحاجات دي واكيد علماء كبار زي د/ زغلول النجار وغيره كتير يقدروا يقوموا بالمهمه دي خير قيام انا شايفه بكده نقدر فعلا نحقق التكامل بين الماده العلميه والدين بتاعنا
نقطه خيره بالنسبه لموضوع المخططات ومش المخططات فالرسول الكريم قال الخير في وفي امتي الى يوم القيامه وعمر ماحاجه في الدنيا هتحول بينا وبين دينا هما يعملوا اللي عايزينه بس احنا دينا محفور جوانا وهنعلمه لاولادنا وللي بعديهم كمان
معلش ياهنوده اذا كنت طولت عليكي بس الموضوع عجبني وكان لازم اقول رايي فيه بامانه سلامي ليكي ولجميع الاعضاء