اتحاد الطلبة!!!!.....رأيك ايه لازم تشارك خليك ايجابي........

[ABO El-DAHAB]

يا جماعة اتحاد الطلبة علشان يبقي احسن....... بجد لازم يكون بالانتخاب مش بالتعيين و من حقنا نختار الي يمثلنا.....
صح ولا ايه ؟؟؟؟؟؟؟؟؟؟؟؟؟؟؟؟؟؟؟؟؟؟

[MaHoRa]

ماهو بالانتخاب بس انت الي مش واخد بالك

هههههههههههههههههههههههههههههههه



مالناش دعوه بالسياسه

بس اقدر اقولك راي بصراحه انا الاتحاد مش بنسمعه عنه غير في دوره الكوره الي بيعملها

والحمد لله كتير خيرهم لغوها السنه الي فاتت باين

يشكروا

[ABO El-DAHAB]

thnx mahora for ur reply
ya reet ay 7ad yd5ol hna y2ol ra2yo
de 7aga 3adia 5als wla siasa wla enkalb ya3ny

[Alaa_Resala]

تفتكر انك لما تنتخب حد هيتعين؟؟

بغض النظر عن كيفية تعيين اعضاء الاتحاد

لكن هو فين دور الاتحاد؟؟
وفين ميزانية الاتحاد ومشاريعه؟؟

وفين مساعدة الطلبة عن طريق الاتحاد؟؟

انا مش شايفة ليه أي وجود أصلا ...الكلام ده من سنتين

عارفين مين هم اللى ماسكين الاتحاد...بس بيعملوا ايه

مش عارفة بصراحة؟؟

بالنسبة لنا كلنا ...الاتحاد ده شئ مجهول الهوية والنسب ومحدش عارف ايه دوره ولا بيحصل جواه ايه

[DoAa_RESALA]

اولا يا ريت محدش يزعل من كلامي

اتحاد الطلاب........زمان كنت بسمع عنه قبل حتى ما ادخل الكلية وكنت حاسة انه حاجة كبيرة اوي....ده يعتبر تمثيل للمجتمع السياسي داخل الجامعة.....ممثل عن الشعب بيطالب بكل حاجة الشعب محتاجها وبيحاول ينفذها وبنفس الطريقة ممثل عن الطلبة بيختاروه وينتخبوه علشان يشوف الطلبة محتاجة ايه ويحاول ينفذه......

ده اللي كنت متخيلاه لحد ما بدأت اسمع من ناس قرايبي ليهم اصحابهم في الاتحاد عن الواقع بتاعه وللأسف اتصدمت لأن كل الكلام طلع مختلف عن اللي كنت بتخيله تماماً
بس على الاقل حتى لما طلع مختلف كان لسه ليه دور في الكلية حتى لو كان مش كبير اوي اوي يعني
يكفي موضوع التعيين واللي بيحصل فيه بس دي مش غلطة الطلبة بصراحة والحق يقال..... يلا بقى ما علينا بس اللي يبقى غلطتهم ويتحاسبوا عليه المفروض دورهم اللي بيعملوه في الكلية
زي ما قلت حتى لما طلع الوضع مش زي اللي تخيلته...برضه كان في دور للإتحاد وكان بيعمل ولو حاجة واحدة مفيدة للطلبة أولا ثم ليهم هم ثانيا

إنما دلوقتي.....هو الاتحاد راح فين اصلا؟؟؟؟؟؟؟؟
مع احترامي لكل اعضاء الاتحاد, فين دورهم في اي حاجة؟؟ انا اعرف ناس في الاتحاد فقط لأنهم كام مرة كده يتعدوا حضروا الاجتماع اللي كان بيتعمل للأسر....غير كده كنت اكيد مش هعرفهم وانا متأكدة ان اغلب الطلبة ميعرفوش حد في الاتحاد إلا إذا كان حد من اصحابهم مثلا مع ان الاتحاد ده بيمثل الطلبة كلهم في اي مكان او اجتماع داخل او خارج جامعتنا

حتى دورهم في الاسر....يفترض ان الاتحاد فيه لجنة للأسر الطلابية ومهمتها حسب اللي اعرفه التنسيق بين شغل الاسر ومساعدتهم لكن فين الكلام ده؟؟؟ معرفش

معلش كلامي شديد شوية بس فعلا الموضوع مضايقني من زمان وكمان بقى متجه للأسوء
ربنا يعدي انتخابات ((((( أو تعيين ))))) السنة دي على خير من غير خشب ولا حاجة

[ABO El-DAHAB]

اولا... مشكورين د/دعاء...د/آلاء لتفاعلكم.....و ايجابيتكم لان لو كلنا سلبيين يبقي هيبقي في ركود في الفكر كما هو الحادث الان فالماء المتحرك ..عذب يستفيد منه كل الناس... والماء الراكد... يتعفن و يفر الناس منه

[ABO El-DAHAB]

ثانيا .....لو الانتخابات بقت بالانتخاب (جملة غريبة!!!!!!!!)
مش هيبقي كدة الوضع خالص لان كل واحد ناجح حاسس بمسؤلية وشايف في نفسة ان هيبقي له دور

تفتكر انك لما تنتخب حد هيتعين؟؟

هو ده المفروض
و كل الاثار السلبية الي حضراتكوا ذكرتوها هتختفي بمجرد بدء فعالية اتحاد جديد منتخب من كل طلاب الكلية
واهو.... ادينا بنقترح حاجة كويسة.....الامر ليس في يدي
و شكرا مرة ثانية لكل من تفاعل ......

[ميريت]

انا متفقة معاكم لازم نرشح الطلبة اللى احنا شليفنهم مناسبين خاصة واحنا فى سنة ثالثة دلوقيى عرفنا كل زمايلنا تقريبا بس انا عايزة اقول ملحوظة وهى كلمة حق فى نفس الوقت انى انا اتعرضت لمشكلة موضوع الدواليب واللى ساعدنى هم اتحاد الطلبة اللى موجود دلوقتى وبشكل رائع ولكن لا ننكر ان فى سلبيات حيث انه لا توجد مشاركة من الاتحاد نهائيا بنشوفهم بس كل اول سنة وخلاص بس بجدددددددددددددددددددددددددددددددددددددددددددددددد ددددددددددددددد اللى عايز يبقى ايجابى لازم يروحهو ويسأل ازاى اشارك فى نشاط الاتحاد وحتى ازلى ارشح نفسى وطبعا ده لازم يكون فكره هو مش حد تانى ولو ده حصل انا اشك انادارة الكليةمكن تمتنع او حتى الاتحاد نفسه لانهم فى النهاية زملاء لنا

[om_elmasakeen]

أولا : جزاكم الله خيرا على طرح الموضوع لانه فعلا مهم

الاتحاد المفروض بيمثل كل الطلبة ويشارك في حل مشاكلهم ... لكن للأسف مش بنشفهم غير أول السنة ...وأحيانا بيتهربوا من مشاكل الطلبة .. في حين ان الأسر بتكون أسرع وأكثر ايجابية في التعامل مع مشاكل الطلبة ... و أوضح مثال موضوع تغيير جدول الامتحانات اللي مشفناش فيه أي فرد من الاتحاد

بس بجدددددددددددددددددددددددددددددددددددددددددددددددد ددددددددددددددد اللى عايز يبقى ايجابى لازم يروحهو ويسأل ازاى اشارك فى نشاط الاتحاد وحتى ازلى ارشح نفسى وطبعا ده لازم يكون فكره هو مش حد تانى ولو ده حصل انا اشك انادارة الكليةمكن تمتنع او حتى الاتحاد نفسه لانهم فى النهاية زملاء لنا

هو ده اللي أنا عملته السنة اللي فاتت ... رحت قدمت ورقي فعلا ..لكن نزلت قائمة المرشحين من غير اسمي... ومن غير أسامي كل المرشحين عدا طبعا الناس اللي اتعينوا

المشكلة ان كل اللي بيترشح اسمه مش بينزل في القائمة النهائية ... يا ترى ليه ؟؟

[ABO El-DAHAB]

شكرا ميريت علي تفاعلك و ايجابيتك