اليوم بنوفى بالوعد و......((قوللى يا با))..
وعدناكم بقصيده سياسيه من كتاباتى الاولى
واليوم باقدم لكم قصيده
((قوللى يابا.......!!!))
ويارب تعجبكم
كنت قاعد في أمان وسط العيال
شفنا على قناة أخبار عمليات اعتقال
سألني واحد منهم سؤال
قاللى يابا00000
اللي بشوفه دا حقيقة والا خيال
شايف نار 00
شايف رصاص عمال ينهال
والأطفال الصغار بيضربوا بالنبال
والأمر العجيب إنهم واقفين زى الجبال
صابرين ع المر وسوء الحال
بيزأروا في وش الظلم زى الأشبال
قوللى يابا00000
قوللى ليه بيدوسوا قدسنا بالنعال
قوللى ليه امتنا ساكتة ع الوعال
سؤال وجيه ياابني لكن00ماله اجابه0
سألني واحد تانى سؤال
قاللى يابا00000
شارون دا مثلنا بشر؟!!
دا اللي يقتل أطفال رضع
ماله وصف غير الحجر
ليه طفل برئ ينغدر
ودمه يروح هدر؟؟!
ليه دمانا حولينا تنهمر؟
وبايديه يقطع شجر؟؟! قوللى يابا00000
لامته هنقعد في ضل المطر
وقلوبنا بالحزن تنغمر؟؟!
ليه نسكت ونقول القدر؟
سؤال وجيه يابنى ..لكن ماله اجابه...
سألني واحد تالت سؤال
قاللى0000
شفت اللي حصل00؟!
من يومين قتلوا ياسين
وبكينا عليه شويه آآل زعلانين
دا الزعل مش بكلمه والا دمعتين
دا بعمل نحسه وتشوفه العين
والا شفت الرنتيسى000؟!
ازاى قتلوه 00غدروه
ويدوب ما عدى عليه أسبوعين
من تولى الحركة بعد ياسين
والآن التقى الحبيبين
في جنه الخالدين
وإحنا هنا قاعدين
والفرحة ماليه قلوب الملاعين
وشارون بيتوعدنا00000
بيهددنا بقتل التانيين!!
لكن حماس فيها ملايين
مهما انقتل منهم واحد0000والا اتنين
===============
مازال السؤال وجيها
وجارى البحث عن الاجابه
رد مع اقتباس
