الحلقة الخامسة Dr.Baher على كرسى الاعتراف

[Mohamed Al Gohary]

الحقيقه أنا وعدتكم إن الحلقة القادمة من كرسى الاعتراف هتكون حلقه غير عاديه .. وأنا وفيت بوعدى أهه .. وبقت حلقه غير عاديه لأن ضيفها غير عادى بالمره ..

هو الدكتور باهر علاء الدين أبو زاهر .. المدرس المساعد فى قسم العقاقير



من مواليد 21-3-1981 فى مركز بلقاس محافظة الدقهليه .. ومن هواياته القراءة والرسم ولعب كرة القدم ..

حصل على درجة البكالريوس فى العلوم الصيدله من كلية الصيدله جامعة المنصورة فى 8-8-2003

وحصل على درجة الماجستير فى العقاقير من كلية الصيدلة جامعة المنصورة فى 17-11-2007

شغل منصب المعيد بقسم العقاقير بكلية الصيدلة جامعة المنصورة فى الفتره من 9-12-2003 وحتى 30-1-2008

ثم شغل منصب مدرس مساعد بقسم العقاقير بكلية الصيدلة جامعة المنصورة منذ 31-1-2008 وحتى الان ..



بس معلش بقى يا دكتور المقدمه دى على راسنا من فوق .. لكن نحن الان مع حضرتك فى

كــــــــــــرســـــــــــــى الإعــــــــــــــــــــــتـــــــــــــــــــــــ راف

[Mohamed Al Gohary]

أهلا بك دكتور باهر .. واسمح لى أن ندخل إلى حياتك الشخصيه ونبتعد قليلاً عن الكلية ..

دعنا نبدأ بعائلة دكتور باهر ..

الوالد :





الوالدة :





الأخوان :





الأخوات :

ماذا تمثل العائلة لدكتور باهر :

ماذا تعنى الصداقه فى حياة دكتور باهر :

من أهم أقرب أصدقاء دكتور باهر :

لو حضرتك كنت مسافراً للقمر .. وعليك اصطحاب واحداً فقط .. فمن تختار ؟؟ ولماذا ؟؟

ماذا تمثل بلقاس لدكتور باهر :

دعنا نتحدث قليلاً عن دكتور باهر فى المراحل التاليه ..





المرحلة الإبتدائية :





المرحله الإعدادية :





المرحلة الثانوية :





الثانوية العامة :





إعدادى صيدلة :





رابعة صيدلة :





دكتور باهر المعيد :





دكتور باهر المدرس المساعد :

فلنتحدث مع دكتور باهر المدرس المساعد فى كلية الصيدلة ..

فى البداية لماذا اخترت كلية الصيدلة ؟؟

ثم لماذا قسم العقاقير ؟؟

هل تعرف أنه من الإقسام غير المحبوبة فى الكلية ؟؟ وفى رأيك ما السبب ؟؟

فى حياة كل منا .. أناس ندين لهم بالفضل لما وصلنا إليه من نجاح بعد الله سبحانه وتعالى ..

فلمن دكتور باهر يدين بالفضل له لما وصل إليه .. فى البيت وفى الكلية ؟؟

حدثنا أكثر عن رسالة الماجستير الخاصه بحضرتك ..

ما سر الحب الكبير لحضرتك من دفعة الفرقة الثانيه الحاليه منذ قيام حضرتك بشرح كورس النبات العملى لهم فى الفرقة الإعدادية ؟؟

ما سر اهتمام حضرتك بتحضير الكورسات على ملفات power point وبصور متحركه وألوان وغيره ؟؟

ما رأى حضرتك فى نظام الدراسة الإكلينيكية الموجود حالياً فى الكلية ؟

لو صدر قرار غداً من أى جهة مسئولة عن إلغاء مادة العقاقير .. ما هو رد فعل دكتور باهر ؟؟

لو طلبنا من حضرتك وصف لمادة العقاقير فى جمله واحده .. فماذا تقول ؟؟

ما هو رد دكتور باهر على من يصفونه بالغرور والتكبر ؟؟

هل لدكتور باهر مثل أعلى .. فى الحياة ؟؟ فى الكلية وهو طالب ؟؟ فى الكلية وهو معيد ؟؟

لو طلبنا من دكتور باهر المقارنة بين كلية الصيدلة وهو طالب فيها .. وكلية الصيدلة الآن فماذا يقول ؟؟

لنخرج من الكلية ونتحدث فى أشياء بعيدة عنها ..

من هو دكتور باهر ؟؟

هل دكتور باهر متابع للرياضة ؟؟

متى سيتزوج دكتور باهر ؟؟

وأخيراً كى أترك المجال لأعضاء المنتدى

ماذا تمثل هذه الصورة لدكتور باهر ؟؟

[Mohamed Al Gohary]

طبعا كلنا عارفين النظام .. دكتور باهر يرد على أسألتى وبعدين اللى عاوز يسأله فى أى حاجه يتفضل .. دكتور باهر مستعد لأى أسأله وأعتذر عن التأخير الذى حدث بس كان غصب عنى والله

[د\بوسى ربيع]

حلقه اكترمن رائعه يا جوهرى وننتظر رد دكتو باهر قريبا باذن الله

[Sincerity]

اهلا بيك يا دكتور باهر الكرسى منور , وانتظر منى حبه اسئله كده بس بعد ما حضرتك تجاوب على اسئله دوك جوهرى ان شاء الله.

[wh_kaboo]

مرحبا بيك يا دكتور باهر الكرسى هينور بيك
فعلا انا بعد معرفتى بحضرتك حاسس انها هتكون حلقة غير عادية

[ميريت]

مستنين الرد بسرعة يادكتو رررررررررررررررررررررررررررررررررررررررررررررررررر رررررررررررررررررررررررررررررررررررررر

[Dr. Baher]

الحمد لله و الصلاة و السلام علي اشرف الخلق سيدنا و حبيبنا محمد عليه الصلاة و السلام

اشكر كل من ساهم في هذا الموضوع و شكرا علي اهتمام اخواني بي و بحياتي

اولا: اسمي باهر علاء الدين ابو زاهر ابراهيم
من اب علي المعاش حاليا و ام كذلك
للاسف ليس عندي اخوات و هذا جايز جعلني اجتماعيا بطبعي اي اصاحب اي نوع من الناس لاني كنت ارمم النقص في عدم وجود اخوة لي لكن كانت الصداقة عندي عبارة عن دواير يعني كل مجموعة في دائرة حولي تعرف قدرا من الخصوصية حتي نصل الي صديقي الروحي و هو د / سمير اما كمجموعة بدات من صغرنا الي اليوم فهم كلاتي
مهندس: محمد و هيثم
دكتور اسنان: علي
محاسب: حمادة
مدرس: محمد الدسوقي و محمد شمس

بس طبعا كان فيه في حياتي الدراسية ناس زي اخواتي بالظبط لا يمكن ان ننسي بعضنا منهم من عين معي معيدا زي د محمد الجمل و د محمد منصور و كل زميلاتي البنات من دفعتي حتي كنت بسميهم اخواتي الصغيرين

و في الدراسة كمان حب عمري الدراسي د بدير و د ايمن مشالي و د ايمن كمال و احمد يسري و طارق و د ميسرة (دكتور مش دكتورة) هههه ................ مش عايز انسي حد كانت كل الدفعة زمايلي لن تتخليلوا انا اقصد المعني الحرفي للكلمة يعني تقريبا عندي صاحب في كل بلد

انا لو مسافر القمر و كان دة شرط: علي وضعي الحالي هاخد والدتي طبعا

بلقاس بالنسبة لي هي بلدي و مسقط راسي يعني هية زي اي بلد في مصر لها مميزات و عيوب لكن للاسف العيوب اكتر لكن ستظل المكان الي انا صحيت يوم لاقيت نفسي فيه بس احب البلاد الي نفسي بالطبع مكة و المدينة يعني يا ريت اعيش هناك علي طول خصوصا في المدينة (دة حلم و هدف)

مراحل التعليم
الابتدائية: اجمل لحظات العمر و البرائة، مصدر البسمة عندما تاخذني اليها الذكريات
الاعدادية: مرحلة الشقاوة
الثانوية: مرحلة الفكر المستقل و احيانا التمرد
الاعدادية صيدله: مرحلة البدء يعني دي البداية
الرابعة: تحمل المسؤلية و مواجهة مجهول الاعتماد علي النفس بعدها

كمعيد هية مرحلة التحدي و بناء الذات
كمدرس مساعد هية مرحلة تكوين البداية لهدفي الاسمي و ماحدش يسالني عنه لانه سر و ما حدش يستغرب من البداية لتاني مرة لان البداية في اعدادي صيدلة كانت بداية لكوني معيدا و لكن البداية هنا هي بداية كوني باحثا يبحث عن كيانه العلمي و من ثم الانطلاق للهدف

اخترت كلية الصيدلة لانها كانت احسن الوحشين ......... عارف انتو هتستعجبوا بس دة كان زمان في البداية خصوصا ان رؤيتي اتغيرت اكثر من مرة من طيار رايح يقدم في الثانوية الجوية لمهندس الكترونيات و بعد ذلك اجبرت لان اختار بين طب و صيدلة في البداية ما كنتش بحب الاثنين فاخترت صيدلة لكن ساعتها حسيت ان ربنا جندني لهدف معين و كانت البداية لان افكر في الهدف دة

قسم العقاير: دخلته برده اجباري و لكن حدث تغير في فكرتي عنه ، دخلته اجباري لان كنت اخر واحد اتعين و ماحدش اختاره فدخلته و كنت مثلكم قلت ياخبر الغقاقير انا كدة مش نافع بس زس ماقلتلكم ان ربنا اختارلي حاجة تخدم الهدف فبدل ما اشتغل في العقاقير القديمة اشتغلت في التكنولوجيا الحيوية فاردت طموحاتي و اتولدت من خلال دة الفكرة للهدف

شفتم بقه يعني تقريبا نصف حياتي ( و عسي ان تكرهوا شيئا و هو خير لكم) و كان دة تاكيد من ربنا ان انا ماشي صح للهدف دة

طبعا انا مدين طول حياتي اولا (و ما توفيقي الا بالله) ربنا له الفضل عليه و مش كلام استهلاكي كتير جدا كنت افكر ان انا هافشل و لكن الاقي ربنا عاطيني مجاميع ما كنتش احلم بيها و لذلك باحس ان الايه (و كان فضل الله عليك عظيما) بتمسني مع انها نزلت في الرسول

من الاشخاص .............. امي ثم امي ثم امي ..................الي مالا نهاية يكفيني دعواتها و نظرة من قلبها كل يوم ................ لم يعيش من لم يذق نظرة القلب من امه ......صدقوني جربوها

في الكلية ......... بالامانة و حتي لا اكون ناكر للجميل كل فرد في القسم من اصغر عامل لاكبر استاذ و اخص بالذكر مشرفيي الافاضل ا.د صالح الشرقاوي ، ا.د مني زغلول ، د اماني مختار

و علي الجانب الاخر زمايلي المعيدين الاكبر و الاصغر يعني كلهم لاحسن انسي حد مع اني واثق ان انا مش هنساهم

رساله الماجستير بتدرس نبات الدخان و ما يستخرج منه من مواد فعاله و لكن الجانب المشرق فيها ان احنا توصلنا فيها بالتكنولوجيا الحيوية ان نكسر النيكوتين الموجود في مياة الابار بميكروب غير ضار للانسان و بذلك قضينا علي تلوث هذة المياة بالنكيوتين خصوصا لو مصانع الدخان كانت بالقرب من الابار و بعدين زي ما احنا عارفين النيكوتين بيذوب في الماء

حب الطلبة قد يكون اختبار ليه او نعمة و في كلتا الحلتين ربنا يستر لكي اعبر الاختبار او استطيع شكر النعمة

اما البور بوينت لاني مغرم بحاجة اسمها كمبيوتر و انا لما كنت طالب اتمنيت ان حد يعملنا كدة فعملته

مادة العقاقير هي اساس كلية الصيدله هي ام العلوم الصيدلية

لو اتلغيت هزعل جدا لان ما فيش صيدلة بلا عقاقير

لكن قبل ما الناس تقول ان انا مجامل و مش شايف الواقع تدريس الشكل اللائق بعملي او نظري العقاقير
يحتاج الي امكانيات طائلة حتي تستطيع ان تعمل في فصل المادة الفعالة من اي مصدر طبيعي (نبات حيوان حشرات عناكب بكتريا فطريات اسماك كائنات بحرية صخور ) شفتم بعد كدة تحليلها و اكتشاف شكلها الكيميائي و بعدين رؤية تاثيرها علي الانسان دة بجانب زراعة الانسجة النباتية او الحيوانية و بجانب التحولات البيولوجية ......الخ الموضوع كبير (مش بقلولكم هية ام الكليه)

لكن كل دة علشان تعرفه صدقوني عايز كليه لهو فقط و لذلك بيذيد الحمل النظري علي العملي الذي يختزل في تشريح النياتات و الشكل الظاهري و شوية كيمياء بساط

من كان مغرورا فليقف و يسال لمن الارض التي تقله و السماء التي تظله و اماء الذي يشربه و الطعام الذي يرزقه و عندما يجيب ............... يتق الله في مخلوقاته و يعرف ان هناك ربا لم يقدره حق قدره و لكنه قادر عليه و ما استمهاله الا رحمة به لا لشئ بل لان الله كتب علي نفسه الرحمة

الصيدله الاكلينيكية هو برنامج جيد وليد يحتاج الي ان تقف الناس جانبه و يحتاج الي نظام لكن اذا و في كل بنوده فسيكون زخرا للكليه و لكن ادعوا الله ان لا يكون حظنا من اعمالنا قولنا

مثلي الاعلي في الدنيا هو امنيه وحلم فهم ثلاثة الرسول اولا و ابي بكر و عمر
في المهنة كتدريس: د محمد النجار

كليتنا علي ايامنا احلي طبعا مش تحيز لا انما لم نكن نشعر فيها بالغربة و بعدين الناس كانت ما بتزهقش ان تروح كنت تعرف الطالب اذا كان في اعدادي و له في تانية و له في رابعة كان فيه احترام ما بيننا و كنا بنخاف علي بعض و يا سلام لو حصل حاجة وحشة لحد كلنا نساندوا

بس اشهدلكم ان الانشطة الانسانية زادت في الفترة بتاعتكم

بالنسبة لباهر علاء الدين هوة انسان بسيط امنيته ان يرضي عنه الله و ان يكون خالص العمل

رانا شخص رياضي بلعب كورة كل يوم جمعة و اهلاوي و بحب في الله واحد اسمه محمد محمد محمد ابو تريكه

بالنسبة للجواز دة نصيب بس و الله بجد لسه لم اجد نفسي التي تسكن الي و اسكن اليها ودة مش غرور لا دي حاجة باذن الله ليقضي الله امرا كان مفعولا ......... يعني ممكن لما انوي السفر او اذا اتحدد ممكن اشرع في هذا الامر

بالنسبة للصورة دة كنزي الذي ليس بداخلي لا بداخل كل فرد في الصورة و هي معبرة يعني د هاني زي اخونا الكبير وسعنا حضنه و هو كذلك فهو من علمنا و سار بجانبنا و هو من كان يساندنا في الصعوبات فهو نعم المسخر من الله لنا ثم تاتي بقيتنا مع اننا لسنا من سن و احد لكن بدانا سويا اصدقاء علي الحب اجتمعنا مع اختلاف الاتجاهات و الافكار و التصرفات و السلوكيات فسبحان من وحد هذة الخلطة فهي صورة ليست علي الحائط انما هي في القلب

[Mohamed Al Gohary]

شكرا دكتور باهر على على سعة صدرك .. وننتظر مداخلات الأعضاء الكرام لحضرتك ..

[dr queen]

السلام عليكم ..

بعد فترة غياب رجعت للمنتدى ولقيت الموضوع الجميـــــــــــل جـــــــــــــــــــــــــدا ده ،
بجد مفاجئة جميله جدا يا د/ محمـــــــد..

انا حبيت بس أرحب بدكتور باهر على كرسى الاعتراف ويارب تعجبه الاسئله والمناقشه ..
وان شاء الله نتعرف عليه اكتر واكتر لاننا بنحبه فى الله ..

انا ماعنديش اسئله دلوقتى ..

بس انا حابه اقول لدكتور باهر كـــــــــــــــــــل سنــــــــــــــــة وحضـــــــــــرتك طيــــــــــــــــــب ،
وربنا يوفقك دايمــــــــــــــــــــــا لما فيه الخير ..

وشكـــــــــــــــــــرا ..