الكليه ايه هي......في عنيك وعنيا؟

**عايشه لسه** · 13-09-2008, 01:40 AM

بسم الله الرحمن الرحيم
زملائي وزميلاتي اللي خلصوا اعدادي ورايحين اولى (واي حد يحب يشرفني بمشاركته)
اولامبرووك لو انها متاخره حبتين
ثانيا بعدما قضيتوا سنه في الكليه جاوبوا بقى على الاسئله دي

:

هل انت مبسوط ولا متضايق في الكليه؟
ايه اكتر حاجه حبيتها في الكليه؟
ايه اكتر حاجه محبتهاش في الكليه؟
قول كلمه في كلمه واحده الكليه بتمثللك ايه؟

على فكره رايكم يهمني وانا كمان هقول رايي لوكان يهم حد

**Dr. Dody** · 13-09-2008, 01:46 AM

أهلا وسهلا منورة ياقمر

**loyalty** · 13-09-2008, 01:46 AM

هل انت مبسوط ولا متضايق في الكليه؟

الحمد لله على كل حال

ايه اكتر حاجه حبيتها في الكليه؟

أصحابي

ايه اكتر حاجه محبتهاش في الكليه؟

ممكن نقول طول وقت المحاضرات

قول كلمه في كلمه واحده الكليه بتمثللك ايه؟

أيام حلوة..وصعبه

**El_Daly** · 13-09-2008, 01:48 AM

بسم الله الرحمن الرحيم
زملائي وزميلاتي اللي خلصوا اعدادي ورايحين اولى (واي حد يحب يشرفني بمشاركته)
اولامبرووك لو انها متاخره حبتين
الله بارك فيكى

ثانيا بعدما قضيتوا سنه في الكليه جاوبوا بقى على الاسئله دي :
حااااضر
* هل انت مبسوط ولا متضايق في الكليه؟
مبسووووووووووط جدا

* ايه اكتر حاجه حبيتها في الكليه؟
انها كات هدف ليا والحمد لله فنستحمل بقى وخلاص

* ايه اكتر حاجه محبتهاش في الكليه؟
أسلوب الامتحانات
* قول كلمه في كلمه واحده الكليه بتمثللك ايه؟
جزء مهم من حياتى

على فكره رايكم يهمني وانا كمان هقول رايي لوكان يهم حد
طبعا رأيك يهمنا
وكفاية انك من دمياط

**Dr.Mohamed** · 13-09-2008, 01:48 AM

أولا شكرا ليكى على الإهتمام

هل انت مبسوط ولا متضايق في الكليه؟ والله يا دكتوره لسه مش قادر أحدد لكن إلى حد ما مبسوط
ايه اكتر حاجه حبيتها في الكليه؟ هيه مش حاجه واحده بس هى حاجات ومنها النظام كل شئ ليه سيستم معين فهمانى طبعا كمان الصحاب الجداد وإلى ممكن يكونوا أصدقاء بالمفهوم الصحيح للكلمه كمان الإحترام ودا مش هقلك إترام بجد من كل الناس من العامل للعميد
ايه اكتر حاجه محبتهاش في الكليه؟ بعض الدكاتره والتغطرس المعروف عنهم على فكره مش كلهم لأن فيه ناس محترمه جداً كمان إلى معجبنيش كثرة العدد فى السيكشن والمحاضره ودا أصعب شئ
قول كلمه في كلمه واحده الكليه بتمثللك ايه؟ My Future

**Yearning** · 13-09-2008, 02:00 AM

انا بجد مبسوطه اوي في الكليه دي كانت حلم عمري
اكتر حاجه حبيتها معمل الكيميا
واكتر حاجه اتخنقت منها معمل النبات
وفي كلمه واحده الكليه دي حياتي

**عايشه لسه** · 13-09-2008, 02:02 AM

اما عني انا مبسوطه بنسبة 50% ومش مبسوطه بنفس النسب
اكتر حاجه حبيتها ان المعيدين لما ينادوني في السكشن بيقولوا لي يا دكتوره
اكتر حاااجااات دايقتني1 _ ان بعض الدكاتره مكانوش قدرين ينزلوا في شرحهم لمستوانا العلمي كانوا عاوزيننا احنا اللي نطلع لهم
2_ملقتش اصحاب 3- المدرج وعيوبه هو نضيف لكن المراوح 3/4 مش شغالين والبروجكتر الضعيف
4_واسمي اللي مخليني في اخر سكشن اللي هو بتاع (من رقم كذا للاخر ) وهو كبير في العدد وغالبا يخلص متاخر
الكليه في حياتي بوتو (صحبتي الانتيم هندسة المنصوره) وشكرا

**لينات** · 13-09-2008, 05:21 PM

انا مبسوطة جدا انى دخلت صيدلة لان دا كان هدفى من البدايه *حبيت كل حاجه فى الكليه مع ان فى حاجات سلبية بس اكترها ايجابى*اكتر حاجة مش بحبها هى ان فى ناس كتير مش كويسين فى آه كتير كويس بس لاحظت برده ان فى كتير مش حلو *الكلية فى كلمة واحدة هى أملى

**Amira** · 13-09-2008, 09:07 PM

المشاركة الأصلية كتبت بواسطة عايشه لسه

بسم الله الرحمن الرحيم
زملائي وزميلاتي اللي خلصوا اعدادي ورايحين اولى (واي حد يحب يشرفني بمشاركته)
اولامبرووك لو انها متاخره حبتين

الله يبارك فيكى

ثانيا بعدما قضيتوا سنه في الكليه جاوبوا بقى على الاسئله دي

:oooook

هل انت مبسوط ولا متضايق في الكليه؟

انا الحمد لله مبسوووطه جداااا

ايه اكتر حاجه حبيتها في الكليه؟

اصحابى وسكاشن الكيميااااا

ايه اكتر حاجه محبتهاش في الكليه؟

الدكاتره اللى بيقصدوا يحطوا لنا امتحانات صعبه

قول كلمه في كلمه واحده الكليه بتمثللك ايه؟
حلمى _اللى الحمد لله اتحقق _

على فكره رايكم يهمني وانا كمان هقول رايي لوكان يهم حد

طبعا رأيك يهمنا

**Monmon Okda** · 14-09-2008, 01:06 AM

اولا : الله يبارك فيكى
ثانيا : انا الحمد لله مبسوطة خصوصا بعد ما اول سنه عدت على خيييييير وحاسة ان فى امل فى السنةاللى جاية
ثالثا : اكتر حاجة حبيتها سكشن الكيمياء العضوية
رابعا : اكتر حاجة ما حبيتهاش نظام الامتحانات اللى من وجهة نظرى بيقيس الغباء مش الذكاء ولا المذاكرة
خامسا : الكلية بتمثلى الحلم اللى فات والمستقبل اللى جاى

الموضوع: الكليه ايه هي......في عنيك وعنيا؟

أدوات الموضوع

عرض