ايهما تفضل...................ولماذا

[Dr nour]

أيهما تفضّل 00 الصراحة أم المجاملـة


في حياتنا الكثير من المواقف التي تتطلب منا التوقف عندها للتأمل فيها وإصدار أحكامٍ لها ..
[

تخيلوا معي أيها الفضلاء الكرام لو واجهتم موقف ما .. مثلاً من أحد والديك أو إخوتك أو أصدقائك وهذا الموقف هو إصدار قرار حاسم في أمر ما وفي هذه اللحظة لابد لك من رأي وكلمة تجاه هذا الموقف ..

إما أنك تتحدث بصراحة مطلقة وتقول رأيك فيه دون تردد أو أنك تختصر الطريق وتختار أن تجامل في رأيك لهذا القرار وتؤيده ؟؟

موقفين أحياناً قد تكون صعبة للغاية اختيار أحدهما وقد يكون في أحدهما إحراج لك خاصة إذا قمت باختيار الصراحة ..

وقلتها لبعض الناس في موقف حصل منهم وهم في الأصل مقتنعون برأيهم فيه ولا يقبلون سماع صراحتك رغم أنها ضرورية في أغلب الأحيان ..

ولكن الملاحظ أن هناك أناساً يطالبون بالصراحة وتجدهم يتضايقون بشدة عند سماعهم لها .. وهذا تناقض بحد ذاته ..

فكيف تطالب بالصراحة وقول الحق وأنت تقوم بتحليل هذه الصراحة بأسلوب خاطئ ..

قد يوقعك في إحراج مع من طلبت منه أن يصارحك !!
لماذا تعتبر الصراحة إهانة لك ؟
*********
لماذا تعتبرها انتقاد وتعدي عليك ؟

لماذا لا تحاول أن تتقبل هذه الصراحة وتفهمها بالشكل الصحيح حتى تحقق النجاح ؟

لماذا تتسرع في إصدار حكمك عليها ؟؟ لماذا لا تتأكد من مقصد هذه الصراحة ؟؟ لماذا تختار الجانب السلبي ؟

تساؤلات كثيرة تستحق منا التوقف عندها للبحث عن إجابة شافية لنضمن حياة سعيدة ..

فما رأيك أنت؟

[dr_chamommile]

اولا مشكورة دكتر نور علي موضوعاتك الجميلة والمميزة

عن نفسي فيه مواقف كتير بتحيرني بين الصراحة والمجاملة

فبختار الصراحة بس في اطار ميضايقش اللي قدامي او احطه في موضع محرج او ابين وجهة نظري بس في نفس الوقت اطلعله مخرج ولو بسيط من الحاجة السلبية اللي عملها مثلا علشان يقدر يتقبل صراحتي

انما لو هاجمت مثلا بصراحتي اولا هيحرجه وفي نفس الوقت مش هيتقبل وبرده انا مش عايزة اجامل
وممكن لو معرفتش اعمل كده يبقي هنا الصمت ليا ابلغ

وجزاكم الله خيرا

[Mohamed Al Gohary]

الموضوع ده كنا اكلمنا فيه قبل كده بس بشكل غير مباشر .. وهو موضوع كويس اوى على فكره ..

وبحييكى نور على ادائك فى القسم ما شاء الله ..

[Dr nour]

الموضوع ده كنا اكلمنا فيه قبل كده بس بشكل غير مباشر .. وهو موضوع كويس اوى على فكره ..

وبحييكى نور على ادائك فى القسم ما شاء الله ..

اولا أحب أشكرك ياجوهرى على مروروك
لو كان حد تانى اتكلم فى الموضوع ده...............فأنا معرفش ولو كان ده حصل بعتذر
ولو كنت تقصد موضوعى الساببق بتاع المجامله والكذب وجهان لعمله واحده
فده مختلف عنه..............لأنى عندى غرض تانى

فكيف تطالب بالصراحة وقول الحق وأنت تقوم بتحليل هذه الصراحة بأسلوب خاطئ ..

أنا بقى عامله الموضوع ده علشان الغرض ده
اننا بنضحك على انفسنا ونقول نحن نتقبل الرأى الآخر...............نريد الصراحه مهما كانت مؤلمه
ولكننا عندما نواجه بالصراحه نغضب ولا نتقبل الرأى...........لا نريد سوى سماع كلمات الشكر
ولو حد قال رأيه بصراحه............وكانت الصراحه دى مؤلمه
بنعتبر الشخص ده ظالم وان فى ترتيب ومؤامره.........وحاجات من دى
ده كان غرضى من الموضوع..............وحببيت أعرضه علشان أواجه نفسى بالحقيقه دى قبل الآخرين

[:|©؛°¨¨°؛©الصيدلى الذهبى©]

دائما بحب الصراحه وبما انى بحب البلاغه فلما بغلب خالص بستخدم التوريه فى حل المشاكل اللى من النوع ده يعنى بقول رأيى بصراحه فى اطار من المجامله يعنى ابقا خلصت ضميرى وفى نفس الوقت مازعلتش اللى قدامى

[ماهيتاب]

موضوع جميل يانور
بارك الله فيكى
من جهتى بحب أقول الصراحة فى كل شىء بدون أن أجرح مشاعر من أمامى
وكل سنة وإنتى والجميع طيبين

[Mohamed Al Gohary]

اولا أحب أشكرك ياجوهرى على مروروك
لو كان حد تانى اتكلم فى الموضوع ده...............فأنا معرفش ولو كان ده حصل بعتذر
ولو كنت تقصد موضوعى الساببق بتاع المجامله والكذب وجهان لعمله واحده
فده مختلف عنه..............لأنى عندى غرض تانى

انا عارف دكتوره نور وعشان كده مدمجتش الموضوعين ..
وبرضه بحييكى للمره التانيه على نشاطك المحلوظ ..

[Dr nour]

فى الأول أحب أشكر كل اللى اتفاعل مع موضوعى

انا عارف دكتوره نور وعشان كده مدمجتش الموضوعين ..
وبرضه بحييكى للمره التانيه على نشاطك المحلوظ ..

متشكر جدا ليك ياجوهرى

[lost*soul]

مش جددي عليك مناقشات جميله بمعنى راقى

انا شخيا بحب الرصاحه بس باسلوب مش جارح

الراحه راحه المجامله نفاق

وتاثير انك تعرفى ان الشخص ده جاملك بيكون وحش اوى فحقه وبتفقدى الثقه فيه

[بنت مصر]

موضوع جميل يانور كالعاده
الصراحه لازم تكون باسلوب محترم
لازم اراعى مشاعر الشخص اللى انا بقوله الحاجه بصراحه عشان ممكن اقول كلمه بصراحه وبحسن نيه وهو يفهمها غلط وينجرح وانا مش بحب اجرح حد عشان مش بحب حد يجرحنى
وممكن يفتكر النقد اللى بوجهه له غيره او بحاول ابين انه وحش وخلاص
اما ليه احنا بنطلب الصراحه ومش بنتقبلها ساعات ده لاننا اكيد مش بنقبل الصراحه من كل الناس فى ناس معينه نحبها تقول رايها
وممكن الانسان اللى قدامك يقول رايه باسلوب جارح يكرهك فى صراحته واحنا كمان اكيد فى تعاملاتنا مش بنحب النقد الكتير لان معظم الحاجات اللى بنعملها بتبقى من واقع شخصيتنا
والانسان ممكن يكون تعبان فى حاجه وحد ينقدها باسلوب مش ظريف الواحد بيحس اللى بناه بيتهد
وفى الاول والاخر احنا بشر لينا اخطاء مش هنقدر ننكرها
وشكرا ليكى يانور