ايه انطباعك عن أول يوم فى الكليه

[samsom]

بســم الله الـرحمــن الرحيــم

التوبيك ده معمول علشان الواحد يحكى عن شعوره اول يوم فى الكلية

والدفعة الجديدة كلها ايام وتعرف شعورها

[lost*soul]

احلى يوم

كل الناس بتنزل الجامعه وكلهم نايمين ومش قادرين يفتحو عيونهم

[بنت مصر]

اول يوم فى بدايه كل عام بيبقى يوم جميل لاننا بنشوف اصحابنا وبنغير جو الاجازه
اما اول يوم فى اول سنه فى الكليه اعدادى بصراحه مكانش حلو خالص انا لسه فاكراه كانت الدنيا حر
وكنا فى مدرج صغير جدا
ووقفنا طول المحاضره لان الدفعه كانت كبيره وكانت المحاضره شرح عقاقير
بس انا جالى احباط اوى لان الدكتوره بدات شرح على طول من غير ما تفهمنا نظام الماده او اى حاجه
وشكرا على الموضوع

[pharmacistina]

أول يوم في اعدادي بصراحة بالنسبة ليا مكنتش مبسوطة ..
بصراحة كنت خايفة من السنة من أول محاضرة خفت ..
فترة الجامعة كانت بالنسبة لينا كلنا مرحلة انتقالية كبيــــــــــرة جداا و خصوصا اني مغتربة .. يعني سفر و بعد عن البيت لأول مرة في حياتي ..
بالنسبة لأول يوم في الكلية حاليا .. أنا بصلي قبل ما أنزعل و بدعي ربنا بالتوفيق .. يمكن بتعب لأني واخدة على راحة الأجازة .. لكن بيكون يوم كويس لأني بشوف البنات

[Dr_mahmoud]

هو بيبقى احلى يوم فى السنه عشان حاجه واحده بس بقابل اصحابى اللى ماشوفتهمش طول الاجازه بس ومفيش شده المحاضرات ولا سكاشن هو اول اسبوع دايما بيبقى فسحه مبنعملش فيه اى حاجه

[Alaa_Resala]

أول يوم في الكلية
كان يوم حلو
كلنا بقى كنا لابسين اللى على الحبل
ونازلين
رايحين جو جديد علينا ...مش عارفينه
وفاكرين اننا هنهزر بقى اول اسبوع كده وننزل كل يوم نتقابل مع اصحابنا وخلاص
بس أول ما رحنا لاقينا محاضرة شرح نبات مع د/بطرس
مكناش فاهمين اي حاجة...بس قضيناها
ياااااااه...رجعتوني بالزمن لورا اوي

[loyalty]

والله كان يوم...لذيذ ممكن....
صحيح الحمد لله كان معانا صحبة كويسه هيه إللي شجعتنا شويه على جو الجامعه الجديد ده
أفتكر أول حاجه عملتها لما بصيت على الجدول ..لقيت زحمه...إيه الناس دي كلها...المهم الحمد لله بعد لما وصلت للجدول أبصله...تؤ....تؤ.....مش فاهمه منه أي حاجه
يعني كده من بدايتها حتى الجدول مش عارفين نقراه....
.ربنا يخليهوملي أصحابي فضلو يفهموني الشفرة بتاعة الجدول..

[wh_kaboo]

اه9 انت قصدك على اول يوم اللى كنت كاوى فيه الهدمة اللى عندى ومورنش الكوتشاية ومجللل الشعراية وماسك الكراسة وكنت قاعد فى المدرج ودخل علينا بنى ادم قالنا انه هينسنا اسمنا ويخلينا نحلم بيه ونكام وكتابه على صدرنا
لا لا لا لا لا انا مش فاكر حاجة

[pharmacistina]

ههههههه
loyality
كله كوم و الجدول دة كوم تاني ..
أنا كنت بمسك الجدول بالنص ساعة كأني ماسكة خريطة العالم عشان أعرف المفروض أروح فين .. و أماكن الأقسام ما كناش عارفينها .. غير ان الدكتورة أسماء شريف بتاعة العقاقير لما دخلت المدرج تدي شرح النبات , حد م العيال اللي قدام قالها ( يا أبلة ) .. ههههه و الله العظيم بجد ..
يااااااه , ذكريات هبلة بس حلوة لما بفتكرها دلوقت بضحك أوي ..
بجد العمر بيعدي بسرعة .. مش مصددقة اننا رايحين تالتة .. سنتين و نتخرج .. معقولة ؟؟ دة احنا لسة كنا رايحين قريب ..

[ABO El-DAHAB]

كنت مذهول و طاير من الفرحة و متحمس .....شهر بالظبط و خلص الحماس
دي سنة الحياة ناس بتيجي و ناس بتخرج.....................