هو عايز كده؟!

[Pharmcist_girl]

السلام عليكم ورحمه الله وبركاته
*************

اولا احب اقول كل سنة وانتم طيبين اليوم كان 7 من ررمضان يا رب يمر عليكم بخير وسعاده

دلوقتى انا ليا واحده قريبتى فى غضون شهور ان شاء الله هتتجوز من خطيبها باذن الله لكن لفت انتباهى انه مصمم انها تلبس النقاب هى مقتنعه بيه بس ملهاش رغبه تلبسه فى الوقت الحالى خاصه انها بتشتغل ومع ذلك اجلته لبعد الزواج مباشره ديه دليل قوى على انه بيخاف عليها فانتى لو مكانها كنتى هتلبيسيه مع انك مش عايزة تلبسيه دلوقتى ولا هترفضى ولا هتناقشيه ولا ايه الموضوع ده منتشر اوى كل واحد عايز زوجته ما تظهرش الا ليه لو بتشتغل تبطل شغل والخروج حتى لو زيارة اقاربيها يبقى بحساب لو اتحطتى فى الموقف ديه يبقى رد فعلك اييييييييييه؟!

منتظرة الاراء والمشاركات بتاعتكم

[بنت مصر]

انا بالنسبه لى لو مقتنعه بحاجه وخطيبى طلب منى اعملها اكيد هوافق
اما لو مش مقتنعه بحاجه وطلبها منى اكيد هنتناقش وهوضح وجه نظرى وهو يقول وجهه نظرى
وممكن يقنعنى او اقنعه المهم نوصل لحل مع بعض يعنى مش انفذ من غير نقاش وفى بعض الاحيان ممكن اوافق على حاجه هو عايزها بس عشان خاطره بشرط ميجيش عليا وعلى حسابى يعنى متكونش حاجه مش عايزاها اوى
اما الخروج طبعا لازم يبقى بحساب لاى واحده وده خوف عليها بس مش يزيد تحكمه عن حده عشان البنت مش تتخنق
اما العمل فده اساسى مفيش فيه نقاش
وشكرا حبيبتى على الموضوع

[Anas]

بسرعة كده

مفيش حاجة اسمها مقتنعة بس مش عاوزة تلبسه دلوقت

لو فعلا مقتنعة من قلبها و بكامل ارادتها هتلبسه على طول و مش هتستنى

[Pharmcist_girl]

انا بالنسبه لى لو مقتنعه بحاجه وخطيبى طلب منى اعملها اكيد هوافق هو ده الكلام الصح
اما لو مش مقتنعه بحاجه وطلبها منى اكيد هنتناقش وهوضح وجه نظرى وهو يقول وجهه نظرى
وممكن يقنعنى او اقنعه المهم نوصل لحل مع بعض يعنى مش انفذ من غير نقاش وفى بعض الاحيان ممكن اوافق على حاجه هو عايزها بس عشان خاطره بشرط ميجيش عليا وعلى حسابى يعنى متكونش حاجه مش عايزاها اوى كلامك كله من دهب
اما الخروج طبعا لازم يبقى بحساب لاى واحده وده خوف عليها بس مش يزيد تحكمه عن حده عشان البنت مش تتخنق اكيد ردودك فعلاااااا بتاكد انك بنت مصر
اما العمل فده اساسى مفيش فيه نقاش سمعتم يا رجاله مفيش نقاش فى موضوع العمل الا اذا............كان هياثر على بيتها وجوزها واولادها وواجباتها ناحيتهم
وشكرا حبيبتى على الموضوع

العفو يا جميل وكل سنه وانتى بخير وبصحه وسلامه

[بنت مصر]

انا مش اتكلمت على فكره على النقاب انا بتتكلم عن كل الحاجات اللى هتمر بينا
اما النقاب فموضوع تانى

[Pharmcist_girl]

بسرعة كده

مفيش حاجة اسمها مقتنعة بس مش عاوزة تلبسه دلوقت

لو فعلا مقتنعة من قلبها و بكامل ارادتها هتلبسه على طول و مش هتستنى

شكرا يا دكتور على المرور المستعجل ده

[~Am@ny~]

موضوع جميل فرماسست
بصى انا لو مقتنعه بالنقاب بجد هلبسه ومش هستنى خطيبى او اى حد يقولى البسيه
بس انا هنا لفت انتباهى بس حب السيطره هنا يعنى ايه الواحد لما يتزوج من واحده يبدأ بقى
القيود بتاعته اعملى كذا ومش تعملى كذا ...........هو اى نعم مفروض طاعه الزوج بس كله بالعقل والتفاهم
يعنى فى فتره خطوبه يفهموا بعض كويس علشان محدش يجبر حد على حاجه بعد كده.
بس المهم خلينا ف موضوعنا انا مش برشح خالص النقاب انتى ممكن تكونى محترمه ومتدينه
ولبسه لبس على النهج الاسلامى بتاعنا من غير نقاب وبس كده انما غير كده دى حريه شخصيه بقى
لو واحده حابه النقاب اوكى مش حباه المفروض احترام رغبتها طالما ان لبسها وحجبها محترم ويتناسب مع الدين الاسلامى

[قناع الذهب]

بصى هى لو مقتنعة بحاجة وهو كان عايزها تعملها خلاص مفيش مشكلة بس من غير اجبار عشان مايبعدهاش ومينفرهاش من الموضوع دة وموضوع الخروج يبقى بحساب بس من غير خنقة يا اما يخرج معاها لو خايف عليها اوى
اما موضوع الشغل فدا بمزاجها يسيبها تشتغل طالما شغلها مش هياثر على البيت والاولاد انما غير كدة يبقى تحكم
شكرا على موضوعك الجميل دة

[Pharmcist_girl]

شكرا للمرور د/امانى ود/ سمسمه
وانا احب اقول ان لو البنت او المراه صغيرة كبيره لبسها محتشم وهى اصلا بتحترم نفسها واللى حوليهاااااا

يبقى احسن ميت مرة من منقبه لا بتحترم ذاتها ولا غبرهااا

[summer breeze]

ازيك نانسي كل سنه وانتي طيبه انتي وجميع الاعضاء موضوعك جميل قوي وفعلا الموضوع اللي بتطرحيه ده بنشوفه كتير بين المخطوبين انا رايي ان في اي مساله بين الطرفين لازم يبقى فيه نقاش وعرض لوجهات النظر بين الطرفين ومفيش مشكله اني اتنازل مره وهو يتنازل مره بس مش تبقى الامور بالعافيه يعني من الاخر رايي من راي بنت مصر اما في موضوع النقاب خاصه فلا اكراه في الدين خاصه ان النقاب ده مساله خلافيه بين العلماء والشيخ الشعراوي رحمه الله قال ان النقاب فضيله وليس فريضه علشان كده المفروض ييجي عن قناعه تامه ورضا نفس لان البنت في حاله لبس النقاب بتعامل ربنا علشان كده المفروض الخطيب لو له رغبه انها تلبس النقاب يحاول يقنعها بيه يحببها فيه اكترويشجعها ويقوي رغبتها في الموضوع يعني الموضوع يتاخد تدريجي مش بالاجبار وياكده يااما تبقى وحشه ومش بتحبه هو ده رايي في الموضوع ومشكوووووووووره يا قمر على الموضوع التحفه