أنا انسان

[ahmed kewan]

قصيدة انا انسان


انا اللي جوايا أحزان
ومن بره تشوف افراح

انا اللي كنت مدبوح
وعمري ما كنت دباح

يا قلبي ليه مجروح
مسيرك يوم ترتاح

الضحكه شايلها علطول
مش قادر بحزني ابوح
ولا لقلبي اكون سفاح

أشوف غيري أقول الله
وكون فيهم انا مداح
ولحالي أكون راضي
م لسه ف العمر براح

راح اتغلب على حزني
وهجدد نشاط قلبي
لأسراري أنا هخبي

زئيري أكيد هيوصلك
مش تسمع يا صاحبي نباح

انا اللي كنت مدبوح
وعمري ما كنت دباح

ودلوقتي هكون دباح
لحزني وفرحي هيبان

وقلبي لو كان مشغول
اديله بالجزمه كمان

مسيرك يا قلبي ف يوم
تلاقي الحب
وللموقف تكون ندمان

ولكن ما دمت قررت
ف الاخر تكون فرحان

هحلم يا صاحبي
انا اصلي بحلم من زمان

وهنجح يا صاحبي
ما دام ملاقي الأمل
ما دمت انا انسان


يا ريت اقرأ ردودكم وبلاش تعليق على كلمة جزمه لانى هفسرها بعدين

[dr/samr]

انا اللي كنت مدبوح
وعمري ما كنت دباح

بس مش كل انسان مكنش دباح
نادر اوي اما هتلاقي واحد مش دباح

يا ريت اقرأ ردودكم وبلاش تعليق على كلمة جزمه لانى هفسرها بعدين

مع اني مكنتش هعلق عليها يادكتور بس مستنين تفسيرك ليها

كلامك جميل جدااا
وتقبل مروري

[Alaa_Resala]

عاجباني القصيدة
في تطور ملحوظ جدا في كتاباتك

وعقبال اما نشوفك زي ايمان بكري ولا صلاح جاهين

[Sincerity]

جاااااااااااااامده جدا يا دكتور ما شاء الله اسلوبك حلو اوى , ربنا يوفقك
ومستنيه منك تفسير للكلمه اياها

[WhiteBird]

جميله يادكتور وفى تطور ملحوظ..للامام دائما..
وفى انتظار التفسير؟...

[EverLasting]

الله عليك يا بوب والله كنت مستنيك تنزلها عشان كانت عجبانى اوى بس ايه بقى اللى جاب الجزمة فى الموضوع ههههههه فسر بقى

[شاعره البحر الصغير]

[**SAMAR_RESALA**]

جميله يا دكتور كيوان
بصراحه هى أحسن كتير من القصايد اللى قبلها
ما شاء كتاباتك بتتحسن
بس كلمة الجزمه اللى أنت مصر عليها دى لازمتها أيه متهيألى حتى لو فسرتها وكان تفسيرك مقنع
وقعها على السمع تقيل وأنت بتكتب شعر لازم تكون كلمات لائقه تجذب القارئ
لأن أنت مش هتقعد تفسرها لكل واحد يقرا القصيده
تقبل مرورى

[Amira]

جمييله جدا يا دكتور واسلوبك شيق وحلو جدا بس مستنيين التفسير

[boymooot]

طيب وانت لازم تشوقنا يعني علشان خاطر الجزمة



ما تفسرها اللوقتي