هل بكيت يوما ...................؟

[Dr nour]

هل بكيت يوما؟

في كثير من الحالات تنتاب الانسان اوقات من الكآبة والحزن..

تصل في بعض الاحيان لذرف الدموع .. ويجد البعض في البكاء..

تنفيسا داخليا عن الاوجاع النفسية التي تصيبه

بينما يعتقد البعض ..

ان البكاء او ذرف الدموع هو ضعف وان من تهزه المواقف لدرجة..

البكاء هو انسان ضعيف او جبان غير قادر على تسيير مركب ..

حياته .. لذلك فأنه يبكي ...

هنا سنفرد مساحة صغيرة لنفرش فيها نفوسنا وقلوبنا :

* هل بكيت يوما وماالسبب .. ؟؟

* هل ترى ان الدموع ضعف ..؟؟

* عندما تبكي هل تفضل ان تبقى وحيدا .. ام بجانب احد .. ؟؟

* هل هناك كما يقال دموع تماسيح .. ؟؟

* هل لدموعك طعم او لون .. ؟؟

* مالفرق بين دموع الرجل ودموع المراة ؟

عاوزه أعرف رأيكم

[wh_kaboo]

ايه الجمال ده يا نور
بسم الله ما شاء الله موضوع جميل جدا

* هل بكيت يوما وماالسبب .. ؟؟
نعم والسبب احب احتفظ بيه لنفسى

* هل ترى ان الدموع ضعف ..؟؟
نعم فى بعض الاحيان تعتبر ضعف كبير

* عندما تبكي هل تفضل ان تبقى وحيدا .. ام بجانب احد .. ؟؟

وحيدا بالتاكيد

* هل لدموعك طعم او لون .. ؟؟
بالصراحم ما تذوقتهاش


* مالفرق بين دموع الرجل ودموع المراة ؟
فى اغلب الاحيان دموع المراة بتكون تمثيل لكسب شى ما

[Dr nour]

* مالفرق بين دموع الرجل ودموع المراة ؟

فى اغلب الاحيان دموع المراة بتكون تمثيل لكسب شى ما

ليه كدا بس ماكنا ماشيين كويس
شكرا على مرورك وليد

[wh_kaboo]

ليه كدا بس ماكنا ماشيين كويس
شكرا على مرورك وليد

لا دى كلمة حق ولازم تنقال

[doctordoaa]

الموضوع جميل جداا (نعم بكيت لموت أحد أصدقائى) ,(البكاء ليس ضعف),(دموع المرأة قريبة الرجل قليل ما يبكى ويرى أن البكاء ضعف),(طبعا البكاء و أنا وحيدة)

[summer breeze]

ازيك يانور وايه المواضيع الجميله دي ده انا كده هطمع فيكي بقى

هل بكيت يوما وماالسبب .. ؟؟
والله مش يوم واحد ياما عيطت في ايام كتيره يانور والاسباب متعدده احيانا نفسيتي تبقى تعبانه ابقى متضايقه حاصلي حاجه وحشه امتحان مجوبتش فيه ماده مش لاحقه اخلصها موقف مؤثر يعني حاجات كتيره بتخليني اعيط

* هل ترى ان الدموع ضعف ..؟؟
احيانا بتبقى ضعف وقله حيله واوقات تبقى ندم وتوبه واوقات حسره والم او تنفيس عن مشاعري

* عندما تبكي هل تفضل ان تبقى وحيدا .. ام بجانب احد .. ؟؟
لا لواحدي واكره ماعليا ان حد يشوفني بعيط بس انا من النوع اللي بتغلبني دموعي وممكن اعيط غصب عني في اي موقف من اللي ذكرتهم


* هل هناك كما يقال دموع تماسيح .. ؟؟
ايوه موجوده

* هل لدموعك طعم او لون .. ؟؟
لونها دم وطعمها مر

* مالفرق بين دموع الرجل ودموع المراة ؟
مفيش فرق بينهم لان الاسباب اللي بتاثر في النفس البشريه واحده بس يمكن احنا مش متعودين نشوف دموع الرجل في حين ان دموع المراه شيء مرتبط بشخصيتها وبضعفها

توبك هايل يانور يا حبيبتي ومستنيه منك كل جديد

[The Princess]

موضوع رقيق جدا و جميل دكتورة نور تحياتى ...
اول ما قريت العنوان قلت عالطول ياااااااااااه مرة واحدة قولى مرات و مرات ....
و الاسباب كتير جدا و مختلفة و متنوعة جدا جدا بس انا اكتر حاجه تبكينى لما تصعب عليا نفسي ببكى عليها كتير جدا لما بحس انها اتعرضت لظلم و خاصة لو منى انا ....
و حكاية ان الدموع ضعف فانا مش شايفاها كده و لا شايفاها قوة برضه الدموع نتاج لشعور معين بجتاح الانسان و ساعاتها بتكون دموعه تعبير عنها مش اكتر ...
لا واحدة زيي بما انها بتبكى كتير فمش معقول كل ما احب اعيطلى شوية هقعد لوحدى ( كده هفضل لوحدى عالطول ) بس فيه ناس مش بحبهم يشوفوا دموعى و احتفظ باسمائهم لدى الادارة ....
دموع التماسيح بقى موجوده و كتييييييييير اوى خصوصا عند الرجاله بس مش كلهم حقيقى و لا اغلبهم بعضهم كده و فيه ستات كده برضه و دى بتتوقف على الشخصية نفسها .....
و اكيد الدموع طعمها مملح ( اخدنا كده فى الكلية ) كما انها سائل شفاف عديم اللون .....
و افتكر ان مفيش حاجه اسمها فرق بين دموع الرجل و دموع المراة الفرق بين دموع شخص للتانى كل واحد حسب طبيعته ....
الف شكر ...

[Dr nour]

ازيك يانور وايه المواضيع الجميله دي ده انا كده هطمع فيكي بقى

الحمد الله كويسه ازيك انتى ياسمر ياحبيبتى
أطمعى براحتك.................مرسى على ذوقك وردك الجميل ده

موضوع رقيق جدا و جميل دكتورة نور تحياتى

مرسى على مجاملتك وكلامك الجميل The Princess
بجد مرورك ومرور سمر أسعدنى جدا

[dr/samr]

توبك هاااااايل نور حببتي

* هل بكيت يوما وماالسبب .. ؟؟

اكيد كل بني ادم بكي يوما والف يوم....... السب ولا الاسبابكتيره اوي محتاجه موضوع لوحدها

* هل ترى ان الدموع ضعف ..؟؟

لا طبعا ضعف ليه.. بالعكس البني ادم اللي مش بيبكي دا فعلا ببقي قلبه مات لان الدموع ربنا خلقنا بيها عشان نفرج بيها عن نفسنا شويه... هي كمه ان لبدنك عليك حق دي مش معناها الراحه الجسديه بس.. الراحه النفسه كمان
دا حتي فصلاه التراويه بنبكي بين ايدي ربنا

* عندما تبكي هل تفضل ان تبقى وحيدا .. ام بجانب احد .. ؟؟

علي حسب لو كنت مثلا بشكي من حد وهبكي يبقي مش لوحدي
انما لو مضايقه من ناس او م الدنيا... طبعا لوحدي

* هل هناك كما يقال دموع تماسيح .. ؟؟

طبعا في.... اللي هي دموع المصلحه وبس
بس السؤال بقي ليه سموها دموع تماسيح ليه مش دموع تعابين او قطط

* هل لدموعك طعم او لون .. ؟؟

لون لا
انما طعم اه بتبقي مملحه شويه

* مالفرق بين دموع الرجل ودموع المراة ؟

المفروض ان مفيش فرق بس الماس وفكرهم عملوا فروووق مش فرق
بس يعني المراه دموعها اقرب شويه
انما فالمواقف الدموع واحده

توبك هايل يا نور ياقمر

[lost*soul]

هنا سنفرد مساحة صغيرة لنفرش فيها نفوسنا وقلوبنا :

افرشى ياختى افرشى

* هل بكيت يوما وماالسبب .. ؟؟

يووووووووووووووووووووووووه بكيت كتير

السبب هقلك ايه بس ولا ايه بس عامه انا سهل ابكى

* هل ترى ان الدموع ضعف ..؟؟

لا طبعا دى رقه القلب

* عندما تبكي هل تفضل ان تبقى وحيدا .. ام بجانب احد .. ؟؟

بحب اكون مع حد ويفضل خالوو

* هل هناك كما يقال دموع تماسيح .. ؟؟

اها فيه الى بيمثلو الدموع ينطبق عليهم المثل

* هل لدموعك طعم او لون .. ؟؟

اى دموع طعمها وحش معدا دموع الفرح

* مالفرق بين دموع الرجل ودموع المراة ؟

دموع الرجل صعبه اوى اوى اوى انك تستحمليها
دموع المراه اقوى سلاح تمتلكه ان حسنت استخدامه


عاوزه أعرف رأيكم

عرفتى راى يارب يعجبك