رجاء اخير عشان تدخل رمضان صح...بالله عليك اعملها(مجربه)

[شاعره البحر الصغير]

اخوتى واخواتى فى الله
يا من جمعنا فى هذا المنتدى حب الله

رجاااااااااء اخير.....عشان تدخل رمضان صح

اولا:عاوزاك تبدأ صفحه جديده مع ربنا
ومش هتقدر تفتح صفحه جديده الا اذا عرفت ايه الغلط فى الورقه القديمه
وتقطعها.....وبعد كده تصححها فى الجديده
اوضح اكتر
انت لما واحد صاحبك يقولك انا زعلان منك
وانت اكيد زعلته_بدليل انه زعلان منك_ لكن انت ما تعرفش
هو زعلان منك ليه؟......ومن ايه بالضبط
اعتقد عمرك ما هتقدر تتكلم معاه بطبيعيه.....الا اذا عرفت
السبب....وبعد كده تعتذر له.....وتحاول ما ضايقوش او ما تزعلوش منك تانى
ويبقى كده .....بدأت معاه صفحه جديده
صح
___وللــــــــــــــــــــــــــــــــــه المثــــــــــــــــــــل الاعلـــــــــــــــــــــى__
اظن من باب اولى انك تعمل مصالحه مع الله
هتقولى:ومين قالك ان ربنا زعلان منى....دا ربنا بيحبنى اوى
هاقولك:وايه الدليل
هتقوللى:هتقوللى ...اى حاجه اطلبها من ربنا بيعطهانى على طول...
يبقى بيحبى بقى والا لا
هاقولك:لا....مش جايز بيعطهالك عشان يبعدك عنه
نعم ايه يبعدنى عنه دى .....ازاى يعنى....انتى هاتخرفى
هاقولك:بص يا سيدى انت لما بتحتاج حاجه من ربنا مش بتعد تدعى
تدعى
تدعى
لحد ما ربنا يعطيها لك
ايوه
كويس اوى.....هو بقى لو اعطها لك من اول مرة
هتدعيه وتقصد بابه تانى.....الا اذا احتاجت حاجه تانيه...وهكذا

يعنى ايه يعنى

يعنى انت ادرى بنفسك واعلم بها من اى حد
ولو ضحكت على الناس كلها.....مش هتقدر تضحك على نفسك
بص بقى
المطلوب منك....
علشان تعرف حقيقه نفسك
عشان تعرف ربنا بيحبك والا.....
عشان تعرف هل هو زعلان منك والا....
عشان تعرف ازاى تصالحه

اغتنم فرصه شهر رمضان.....واول حاجه تعملها الوقت
_____وبالله عليك اعملها___________
هات ورقه وقلم
جبتهم....
اقسم الورقه نصيين كده
خلاص....
اكتب فى النص اليمين.....(ربنا بيحب فيا ايه؟؟؟)
فيا ايه يتحب......؟؟؟
وفى النص الشمال........(ربنا بيكره فيا ايه؟؟؟)
فيا ايه بيزعله منى....؟؟؟؟
خلاص كتبتهم.....اوعى تنسى حاجه....ركز
انت الوقت لوحدك....محدش شايفك غيره....صارح نفسك بحقيقتك
وما تغشش لانك هتغش نفسك
(يخادعون الله والذين امنوا وما يخدعون الا انفسهم وما يشعرون)
صدق الله العظيم
بص كده بقى وقارن...واعمل نسبه وتناسب
هااااااااااااااااااااااااااا
شايف ايه؟؟؟؟
لالالالالالالالالالا مش معقول كل ده.....وانا ما كنتش واخد بالى...؟؟؟

هاقولك ولا يهمك.....رحمه ربنا واسعه وما تخافش(قاصد بابه لايخيب)
زعلته كتيييييييييييييييييييييييييييييييييير.....وهو مستنيك
ترجع له .....وتطلب عفوه....بالعمل والطاعه
اخى فى الله
اختى فى الله

عرفت الوقت ايه المفروض تعمله
حاول على اد ما تقدر....انك تمسح النص الشمال
وترجع وتملى عكسه فى النص اليمين
وان شاء الله ربنا هيسامحك.......احنا فى شهر كريم
والله اكرم اكرم اكرم اكرم
وان شاء الله تكون صفحه جديده تغير حياتك
وترجع للطريق المستقيم

استودعكم الله الذى لا تضيع ودائعه
والله المستعان

[lost*soul]

جزك الله خيرا تسلملى

ربنا يتقبل منا جميعا صالح الاعمال

[dr_shimaa]

جزاكى الله خير وجعله الله فى ميزان حسناتك

ان شاء الله يكون رمضان ده سبب اننا نكون أحسن وأفضل فى كل حاجه

اللهم أعنا على ذكرك وشكرك وحسن عبادتك

[mona_ ph]

جزاكى الله كل خير علي الموضوع والافاده
وان شاء الله ننفتح صفحه جديده في رمضان ده

[NonY]

شكرا جزيلا

[A H M E D]

بجد موضوع رائع جدا

وتستاهلي عليه أحلي تقييم

[wh_kaboo]

شكرا جزيلا على الموضوع الجميل
الهم بلغنا رمضان وشفعه فينا