ممكن حد يساعدنى.............ويجيب على استفساراتى

[Dr nour]

الموضوع باختصار ان أنا ملاحظه ظاهره غريبه ومحيرانى بجد عندى كذا تفسير لها ومش عارفه ايه السبب بالضبط وأكيد فى من حضراتكم ملاحظها معايا
مش هتكلم كتير وهدخل فى الموضوع على طول
عاوز تعرف ايه هى الظاهره دى
ياريت تأجبوا على الأسئله دى وفى الآخر هتعرفوا أنا عايزه ايه

ياترى بتكتب موضوعات ولا أنت قارئ بتشارك بالرد بس ولا الأتنين
طيب بتحب تكتب موضوعات ولا تحب تقرأ بس ...............وايه السبب

طيب لو كنت بتكتب موضوعات :
هل كل اللى بيدخل ويقرأالموضوعات بيرد عليها
طيب بيكون رد فعلك ايه (احساسك ايه)لما بتلاقى موضوع كتبته والأعضاء اللى شاهدوه كتير بس عدد قليل منهم اللى قال رأيه ....................وايه تفسيرك لده
يعنى بتحسب أنك مقصر ولا ده شئ عادى

طيب لو كنت تدخل على موضوع كقارئ:
هل بتشارك فى كل موضوع بتقرأه ..........وترد عليه ...............ولا حسب الموضوع؟
وايه هو الموضوع اللى بيخليك ترد عليه؟

طيب ايه السبب فى عدم مشاركتك فى المواضيع اللى تقرأها بالردود ؟
هل الموضوع معجبكش.......... ولا لقيته موضوع تافه........... ولا مش عارف ترد تقول ايه؟
طيب لو الموضوع فيه حاجه مش عجباك متقول رأيك..........أنه مش عاجبك جزئيه معينه
رأيك مش معناه أنك تقول على كل موضوع كويس........لأ ممكن تقول ان فى حاجه مش عجباك فى الموضوع.........وبكده بتخدم صاحب الموضوع وتخليه يطور من نفسه

أتمنى انكم تساعدونى فى حيرتى دى ...........وتشاركوا معايا بآرائكم
بجد رأيكم يهمنى .............وكمان بيساعدنى
وهقلكم اجاباتى على الأسئله بس بعد ماأسمع أرائكم

وأخيرا
ايه هو أكتر منتدى ..........وكمان عضو............بتحب تقرأ موضوعاته

[EverLasting]

شكرا يا دكتورة على موضوعك انا فعلا كانت الأسئلة دى بتحيرنى بس انا هجاوب على أد ما اقدر انا كاتب وقارىء وبشارك فى المواضيع ولو كتبت موضوع لقيت الأراء قليلة بالنسبة للعدد اللى قرأه بعتبر نفسى مقصر و المواضيع اللى مش برد عليها معظمها ببقى مش عارف ارد اقول ايه و لو فى جزئية مش عجبانى اخاف اقول عشان ميزعلش ويفتكرنى بحاربه.
تقبلو مرورى

[:|©؛°¨¨°؛©الصيدلى الذهبى©]

ياترى بتكتب موضوعات ولا أنت قارئ بتشارك بالرد بس ولا الأتنين
طيب بتحب تكتب موضوعات ولا تحب تقرأ بس ...............وايه السبب
الاتنين بس موضوعاتى قلت الايام دى لانى مش بلاقى حد يعبرنى ويرد عليها مع انى بلاقى المشاهدات كتير
طيب لو كنت بتكتب موضوعات :
هل كل اللى بيدخل ويقرأالموضوعات بيرد عليها لا طبعا ودى حاجه بيضايقنى خاصه انى بكتب موضوعاتى بنفسى مش بنسخها وبتعب فيها جامد
طيب بيكون رد فعلك ايه (احساسك ايه)لما بتلاقى موضوع كتبته والأعضاء اللى شاهدوه كتير بس عدد قليل منهم اللى قال رأيه ....................وايه تفسيرك لده
يعنى بتحسب أنك مقصر ولا ده شئ عادى يمكن فيه تقصير منى ولا حاجه بس اللى انا متأكد منه انى بتعب فى كتابتها بس يمكن مش بعلن عنها كويس فى كتابه عنوانها يعنى ماهم بيقولوا الجواب بيبان من عنوانه

طيب لو كنت تدخل على موضوع كقارئ:
هل بتشارك فى كل موضوع بتقرأه ..........وترد عليه ...............ولا حسب الموضوع؟
وايه هو الموضوع اللى بيخليك ترد عليه؟انا برد على 99% من المواضيع حاجتين بس مش بيخلونى ارد اول حاجه ان الموضوع يكون مش مستاهل رد او ان حد طالب مساعده مش عندى والحاجه التانيه ان النت يفصل وانا بكتب الرد وانسى ادخل اكتب الرد تانى

طيب ايه السبب فى عدم مشاركتك فى المواضيع اللى تقرأها بالردود ؟
هل الموضوع معجبكش.......... ولا لقيته موضوع تافه........... ولا مش عارف ترد تقول ايه؟
طيب لو الموضوع فيه حاجه مش عجباك متقول رأيك..........أنه مش عاجبك جزئيه معينه
رأيك مش معناه أنك تقول على كل موضوع كويس........لأ ممكن تقول ان فى حاجه مش عجباك فى الموضوع.........وبكده بتخدم صاحب الموضوع وتخليه يطور من نفسه اجابتى زى اجابه السؤال اللى فات

أتمنى انكم تساعدونى فى حيرتى دى ...........وتشاركوا معايا بآرائكم
بجد رأيكم يهمنى .............وكمان بيساعدنى
وهقلكم اجاباتى على الأسئله بس بعد ماأسمع أرائكم

على فكره انا كان عندى موضوع جامد جدا كنت بجهزله وكنت بدءت بالفعل فى كتابته اصلى بكتب مواضيعى ورد الاول بعدين بنقلها المنتدى ومن الاسباب اللى خليتنى اتراجع عنه عدم المشاركات

[Dr nour]

شكرا يادكتور على مرور حضرتك وعلى مشاركتك معايا

و لو فى جزئية مش عجبانى اخاف اقول عشان ميزعلش ويفتكرنى بحاربه.
تقبلو مرورى

المفروض ان احنا كبار ونعرف ازاى نتقبل الرأى الآخر
وأكيد لو النقد فى موضعه وكمان بأسلوب كويس مش هيزعل حد
المفروض نزعل من تقصيرنا
والحكايه مش محاربه ولا حاجه ....كلنا بنغلط لأننا بنتعلم
وأظن أن التعلم مع الأخطاء يفيد اكتر

[Dr nour]

أولا ميرسى يادكتور على على مرور حضرتك

الاتنين بس موضوعاتى قلت الايام دى لانى مش بلاقى حد يعبرنى ويرد عليها مع انى بلاقى المشاهدات كتير
طيب لو كنت بتكتب موضوعات :
هل كل اللى بيدخل ويقرأالموضوعات بيرد عليها لا طبعا ودى حاجه بيضايقنى خاصه انى بكتب موضوعاتى بنفسى مش بنسخها وبتعب فيها جامد
طيب بيكون رد فعلك ايه (احساسك ايه)لما بتلاقى موضوع كتبته والأعضاء اللى شاهدوه كتير بس عدد قليل منهم اللى قال رأيه ....................وايه تفسيرك لده
يعنى بتحسب أنك مقصر ولا ده شئ عادى يمكن فيه تقصير منى ولا حاجه بس اللى انا متأكد منه انى بتعب فى كتابتها بس يمكن مش بعلن عنها كويس فى كتابه عنوانها يعنى ماهم بيقولوا الجواب بيبان من عنوانه


على فكره انا كان عندى موضوع جامد جدا كنت بجهزله وكنت بدءت بالفعل فى كتابته اصلى بكتب مواضيعى ورد الاول بعدين بنقلها المنتدى ومن الاسباب اللى خليتنى اتراجع عنه عدم المشاركات

بجد يادكتور أنا قرأت بعض مواضيع حضرتك وبجد كانت ممتعه وأسلوبها جميل
احنا فى انتظار موضوعك يادكتور وان شاء الله ينال اعجاب الجميع
أما بالنسبه لحكايه الردود القليله فدى مشكله بنعانى منها جميعا أنا تقريبا بحس انى كاتبه الموضوع لنفسى تقريبا 2أو3 اللى بيردوا على موضوعاتى وده شئ بيسبب ليا الاحباط لأن بحس بالتقصير وان المشكله فيا أنا
أكيد العنوان بيشد الأعضاء لدخوله بس أكيد أن المحتوى هو الأهم
واللى وصلت له فى النهايه انى مادام عملت اللى عليا ومبقصرش وأنى غرضى الافاده
خلاص أنزل الموضوعات بتاعتى وأحاول أطور من نفسى فى كل موضوع

[SaFroOoOTA]

موضوعك يستاهل نتكلم فيه بجد يا Dr\nourبالنسبه لى انا بقرأ المواضيع وبدات فى الفتره الاخيره اكتب مواضيع بس انا اعتقد ان من احد الاسباب اللى كانت بتخلينى ما اكتبش مواضيع ان يكون الموضوع اللى انا عايزه اتناوله فى كتابتى يكون حد اتكلم فيه ويتحزف وتعبى يروح على الفاضى وبالنسبه للردود لما كنت عضوه فى منتديات تانيه كان بيفرق معايا جامد اوى بس لما جيت المنتدى ساعات كتير مش بتفرق معايا يمكن لانى حاسه ان احنا كلنا حاجه واحده ومفيش حد هيدخل ويعجبه موضوعى ومش هيكتب فيه ويمكن كمان لانى مش بكتب رد فى كل الموضوعات اللى بقرئها بس ده فى معظم الاحيان مش بيكون عدم اعجاب لا طبعا ممكن يكون الموضوع عجبنى جدا بس مفيش فى دماغى الرد اللى يحسسنى انى ضفت للموضوع بالذات لو كان فى منتدى المناقشات لان لو ما كانش رايى لى اهميه يبقى قلته احسن موضوعك حلو keep it upواسفه على الاطاله

[Dr nour]

[EverLasting]

المفروض ان احنا كبار ونعرف ازاى نتقبل الرأى الآخر
وأكيد لو النقد فى موضعه وكمان بأسلوب كويس مش هيزعل حد
المفروض نزعل من تقصيرنا
والحكايه مش محاربه ولا حاجه ....كلنا بنغلط لأننا بنتعلم
وأظن أن التعلم مع الأخطاء يفيد اكتر

ياريت كل الأعضاء يفهمو الكلام دا

[M.tal3t]

سلام عليكم

ياترى بتكتب موضوعات ولا أنت قارئ بتشارك بالرد بس ولا الأتنين
طيب بتحب تكتب موضوعات ولا تحب تقرأ بس ...............وايه السبب

بحب اكتب طبعا وأشارك بس غالبا الوقت ضيق جدا بين متابعة المنتدى ككل وكتابة مواضيع

والمشاركه بحاول بقدر الامكان

طيب لو كنت بتكتب موضوعات :
هل كل اللى بيدخل ويقرأالموضوعات بيرد عليها
طيب بيكون رد فعلك ايه (احساسك ايه)لما بتلاقى موضوع كتبته والأعضاء اللى شاهدوه كتير بس عدد قليل منهم اللى قال رأيه ....................وايه تفسيرك لده
يعنى بتحسب أنك مقصر ولا ده شئ عادى

مش شرط ان كل اللي يدخل يحط رأي في مواضيع عامه او يكتب رده على الموضوع

لكن كل كاتب موضوع لازم يحب الاطراء وده شيء طبيعي

لكن ممكن العدد القليل اللي حط رأيه بصدق يكون احسن من 100 كتب "مشكور"
وهوا مش فاهم ايه اللي بيحصل من اساسه
وكل اللي عاوزه يزود العداد جنب اسمه او يزود reputation بتاعه جوا المنتدى !

لكن الرأي بيكون مطلوب في كتيير من المواضيع اللي كاتب الموضوع بيسال فيها عن رأي العضو زميله .

ولو حد مردش على مواضيع انا بكتبها مش مشكله

لأن ممكن حد يستفيد منها وميردش وممكن يدعيلي دعوه كويسه تنفعني

لكن اني امتنع عن الكتابه عشان مفيش ردود !

والمشاهدات كتيير !

لازم نغير طريقة التفكير دي عندنا

طيب لو كنت تدخل على موضوع كقارئ:
هل بتشارك فى كل موضوع بتقرأه ..........وترد عليه ...............ولا حسب الموضوع؟
وايه هو الموضوع اللى بيخليك ترد عليه؟

لأ هوا حسب الموضوع ..لو حاسس اني هضيف جديد

هصحح معلومه كانت غلط عندي او عند الكاتب او أتاكد منها او استفسر

اشرح نقطه معينه مش مفهومه

او حتى كلمة شكرا لو شايف ان الكاتب فعلا تعب في الموضوع او كاتب موضوع او حتى مشاركه مميزه

ودي على حاسب القاريء ووجهة نظره من حيث الموضوع !

طيب ايه السبب فى عدم مشاركتك فى المواضيع اللى تقرأها بالردود ؟
هل الموضوع معجبكش.......... ولا لقيته موضوع تافه........... ولا مش عارف ترد تقول ايه؟
طيب لو الموضوع فيه حاجه مش عجباك متقول رأيك..........أنه مش عاجبك جزئيه معينه
رأيك مش معناه أنك تقول على كل موضوع كويس........لأ ممكن تقول ان فى حاجه مش عجباك فى الموضوع.........وبكده بتخدم صاحب الموضوع وتخليه يطور من نفسه

السبب قلته فوق

اما المواضيع اللي متعجبنيش ممكن تعجب غيري
او غيري يستفيد منها
لو معجبنيش في نقطه معينه ببين رأيي فيها بكل احترام
ومش معنى انه نقطه معجبتنيش اخش أبينها في كل موضوع (هيتقال على طول انت مش عاجبك حاجه ابدا
ولا انت واقف عالواحده )
لأ ممكن نقطه متعجبنيش بس عاديه

يعني لو مقلتش وجهة نظري فيها مش هتاثر على حد تاني

اما النقط الحيويه زي المعتقدات او مفاهيم غلط او شايف ان الموضوع هيبان أثره بالسلب
لازم اقول الصح .

أتمنى انكم تساعدونى فى حيرتى دى ...........وتشاركوا معايا بآرائكم
بجد رأيكم يهمنى .............وكمان بيساعدنى
وهقلكم اجاباتى على الأسئله بس بعد ماأسمع أرائكم

يارب يكون رأيي فادك في حاجه ولو فيه حاجه مش مظبوطه ممكن اناقشك فيها هنا .

ايه هو أكتر منتدى ..........وكمان عضو............بتحب تقرأ موضوعاته

ده بيختلف من عضو لعضو
بالنسبالي
أكيد كل المنتدى والاعضاء

mt-






==============================================



Gohary

[Dr nour]

مش عارفه أشكرك ازاى يادكتور رأى حضرتك اضافلى كتير

مش شرط ان كل اللي يدخل يحط رأي في مواضيع عامه او يكتب رده على الموضوع

لكن كل كاتب موضوع لازم يحب الاطراء وده شيء طبيعي

لكن ممكن العدد القليل اللي حط رأيه بصدق يكون احسن من 100 كتب "مشكور"
وهوا مش فاهم ايه اللي بيحصل من اساسه
وكل اللي عاوزه يزود العداد جنب اسمه او يزود reputation بتاعه جوا المنتدى !

لكن الرأي بيكون مطلوب في كتيير من المواضيع اللي كاتب الموضوع بيسال فيها عن رأي العضو زميله .

ولو حد مردش على مواضيع انا بكتبها مش مشكله

لأن ممكن حد يستفيد منها وميردش وممكن يدعيلي دعوه كويسه تنفعني

لكن اني امتنع عن الكتابه عشان مفيش ردود !

والمشاهدات كتيير !

لازم نغير طريقة التفكير دي عندنا

أنا متفقه مع حضرتك فى كل كلمه بس عندى اعتراض بسيط
كلنا أكيد بنحب الاطراء
وكلنا بنحب أنه يحدث تفاعل معنا فى موضوعاتنا
وأكيد كلنا بنحب نسمع الرأى الحقيقى مش مجرد المجامله اللى كترها بيحسسنا بالضيق
بس كلنا عاوزين نحس بالتشجيع وأن فى حد بيقرأ المواضيع وبيتفاعل معاها سواء بالسلب أو الايجاب
كمان قله الردود بتحسسنا أننا مش قادرين نوصل المعنى أو المعلومه اللى احنا عايزين نوصلها
بتحسسنا اننا بنكلم نفسنا ..............وايه الفايده اننا نكتب موضوعات ومنلاقيش حد يدخلها أو يستفسر عن شئ فيها
لازم نعرف ايه رد الفعل ...............مينفعش مثلا نوجه رساله لحد هو فى الأصل مش منتبه لكلامك
ولازم نعرف ايه وجه التقصير اللى عملناه ........علشان نحسن من أنفسنا
ده كان قصدى مش قصدى المشاركه بمشكور لأ ممكن يستفسر عن شئ مش فاهمه
ممكن يقول عن شئ معترض معاه..........عن معلومه ذكرت غلط
ممكن كمان يضيف رأى أو معلومه
باتمنى أن تكون وجهه نظرى وضحت لحضرتك