عايزه رأيكم...........بسرعه

[Dr nour]

ازيكم ياجماعه
أخباركم ايه
فى البدايه أحب أقولكم كل سنه وأنتم طيبين خلاص رمضان على الأبواب
مش هطول عليكم بمقدمات كتيره بصراحه عاوزه أعرف رأيكم فى شويه حاجات
واحتفالا بمرور ثلاث سنوات قضيناها فى الكليه عاوزه أسئلكم:

هل نظرتك عن الكليه اختلفت عن النظره التى كنت تنظر بها اليها عندما دخلتها؟
وايه هو وجه الاختلاف؟


ايه رأيك فى الكليه يعنى هل أنت راضى عنها؟

ايه هى نظرتك للصيدلى اللى ممكن يتخرج من الكليه هل هو فعلا يستطيع تحمل المسئوليه والارتقاء بالمهنى ولا مجرد صيدلى يحمل شهاده دون الالمام بشئ؟

ايه هى نظرتك للمستقبل يعنى عاوز تعمل ايه بعد التخرج .........؟

وأخيرا ماهى اقتراحاتك للارتقاء بالمهنى وبالصيدلى؟

[قناع الذهب]

لا بصى انا كنت داخلة الكلية فاكرة انو باقل كمية مذاكرة صغيرة هنجح واجيب امتياز وارتب كمان بس اكتشفت ان الواحد بيجيب على اد مذاكرتة بالظبط ومحدش بيتظلم
اما بالنسبة للسؤال التانى فانا ماقدرش اجاوبك علية الا لما اخلص عشان احنا لسة قدامنا تالتة ورابعة ويمكن نستفيد فيهم اكتر
والاقتراحات بتبدا من الاهتمام بالطالب نفسة وتخفيف المناهج اللى ملهاش لزمة مش لازم حشو وخلاص وتطوير المعامل وفية حاجات كتييييييييييير بس اللى ينفذ

[..::ciZar_Resala::..]

ازيكم ياجماعه
أخباركم ايه
فى البدايه أحب أقولكم كل سنه وأنتم طيبين خلاص رمضان على الأبواب
مش هطول عليكم بمقدمات كتيره بصراحه عاوزه أعرف رأيكم فى شويه حاجات
واحتفالا بمرور ثلاث سنوات قضيناها فى الكليه عاوزه أسئلكم:

هل نظرتك عن الكليه اختلفت عن النظره التى كنت تنظر بها اليها عندما دخلتها؟
وايه هو وجه الاختلاف؟


ايه رأيك فى الكليه يعنى هل أنت راضى عنها؟

ايه هى نظرتك للصيدلى اللى ممكن يتخرج من الكليه هل هو فعلا يستطيع تحمل المسئوليه والارتقاء بالمهنى ولا مجرد صيدلى يحمل شهاده دون الالمام بشئ؟

ايه هى نظرتك للمستقبل يعنى عاوز تعمل ايه بعد التخرج .........؟

وأخيرا ماهى اقتراحاتك للارتقاء بالمهنى وبالصيدلى؟

المفروض نجاوب من تحت و لا من الأول ؟؟

نظرتى للكلية زى ماهى ... كلية عادية .. سهلة .. و بسيطة .. مجرد إنها محتاجة مذاكرة و انتباه

طبعا مش راضى عن الكلية ... و فيها مساوىء كتير جدا

الصيدلى اللى إتخرج ده لو هو كان بيذاكر عشان الامتحانات .. بالطبع زيه زى بتاع الدبلوم اللى واقف فى الصيدلية .. بل بتاع الدبلوم أفضل منه

إنما لو حب يستفاد من المواد بتاعتنا أنا بأكد إننا هنكون أفضل من أى جامعة و أى صيدلى فى مصر كلها

أنا نفسى أفتح صيدلية هنا مع أختى .. بعد كده أسافر .. و أشتغل فى شركة .. و بعد كده لو ربنا أكرمنى .. أنا عندى شركا هايلين .. هشوف تمويل و أفتح شركة بإذن الله

إقتراحاتى للصيدلى .. متسيبش حقك ... متسيبش حقك ... متسيبش حقك .. و لا تسيب حد ياخد مكانك .. و اثبت وجودك

[summer breeze]

[/quote]فى البدايه أحب أقولكم كل سنه وأنتم طيبين خلاص رمضان على الأبواب

وانت طيبه يا نور ياحبيبتي وربنا يتقبل منا ومنكم صالح الاعمال في الشهر الفضيل

هل نظرتك عن الكليه اختلفت عن النظره التى كنت تنظر بها اليها عندما دخلتها؟
وايه هو وجه الاختلاف؟

بصراحه هي اختلفت شويه يعني انا كنت فاكره اني هدخل الاقي ناس لابسه نظارات وماشيه بالكتب في ايديها ليل نهار وان مفيش حاجه اسمها مرح او تسليه يعني كنت فاكره انهم هيبقوا 5سنين اشغال شاقه بس الحمد لله بعد لما دخلت لقيت الوضع كويس ومريح ولقيت الناس عاديه وفي وقت للعب والضحك والدراسه يعني الحمدلله الصوره طلعت احلى

ايه رأيك فى الكليه يعنى هل أنت راضى عنها؟

في نواحي اه وفي نواحي لا يعني مثلا المستوى العلمي انا راضيه عنه وحاسه بالفخر اني درست في كليه صيدله جامعه المنصوره بس احيانا تعامل بعض الدكاتره او المعيدين بيضايقني ده غير المعامل والمدرجات محتاجين يوسعوا شويه ويحطولنا تكييف ( في الاحلام طبعا )

ايه هى نظرتك للصيدلى اللى ممكن يتخرج من الكليه هل هو فعلا يستطيع تحمل المسئوليه والارتقاء بالمهنى ولا مجرد صيدلى يحمل شهاده دون الالمام بشئ؟

والله زي ماقلت قبل كده مينفعش نعمم في اي حاجه لان دي بتختلف من شخص الى اخر يعني في ناس فعلا بتبقى كفاءات علميه وبتحاول تستفيد من كل معلومه اخدتها وفي ناس زي مادخلت زي ماخرجت مفيش اي فرق

ايه هى نظرتك للمستقبل يعنى عاوز تعمل ايه بعد التخرج .........؟

ربنا يسهل والواحد ربنا يوفقه في شغلانه حلوه في مجال تخصصه وياسلام لو تبقى في شركه ادويه يارب

وأخيرا ماهى اقتراحاتك للارتقاء بالمهنى وبالصيدلى؟[quote]
طبعا اقرار قوانين تعاقب الناس اللي بتمارس المهنه وهما مش متخصصين وكمان ان المواد الدراسيه تبقى عمليه اكتر من كده وتوافق احتياجات سوق العمل يعني عايزين خريج الى حد ما عنده خلفيه عن الشغل في جميع المجالات يعني تصنيع وتسويق وانتاج وغيره ويارب يوفقنا جميعا
ميرسي يا نور على التوبيك الجميل ومستنيه كل جديد

[Dr nour]

بصراحه أحب أشكركم على مشاركتكم معايا فى الموضوع وعلى ردودكم

ميرسي يا نور على التوبيك الجميل ومستنيه كل جديد

ميرسى ليكى أنتى ياسمووور على مشاركتك معايا

[:|©؛°¨¨°؛©الصيدلى الذهبى©]

ازيكم ياجماعه
أخباركم ايه
فى البدايه أحب أقولكم كل سنه وأنتم طيبين خلاص رمضان على الأبواب
مش هطول عليكم بمقدمات كتيره بصراحه عاوزه أعرف رأيكم فى شويه حاجات
واحتفالا بمرور ثلاث سنوات قضيناها فى الكليه عاوزه أسئلكم:

هل نظرتك عن الكليه اختلفت عن النظره التى كنت تنظر بها اليها عندما دخلتها؟
انا قبل ماادخل الكليه كنت فاكر ان زمن المذاكره خلاص انتهى مع انتهاء الثانويه العامه ولكن لما دخلت اعدادى اكتشفت العكس وكمان حسيت انى مش بستفيد من الكليه وانى هيبقى مصيرى زيى زى بتوع الدباليم يعنى
ولكن دلوقتى اختلفت الرؤيه بعد ماعرفت اهميتنا كصيادله واننا نمثل خط الدفاع الاول واحيانا قد نكون الاول والاخير للمريض
وايه هو وجه الاختلاف؟انظر الاجابه السابقه


ايه رأيك فى الكليه يعنى هل أنت راضى عنها؟
هل المقصود هنا كليه الصيدله بصفه عامه ولا كليه الصيدله جامعه المنصوره انا راضى جدا عن الاخيره خاصه بعد مشروع الاعتماد خصوصا انى بقعد اعاند اصحابى بتوع كليات الصيدله التى لم تعتمد بعد

ايه هى نظرتك للصيدلى اللى ممكن يتخرج من الكليه هل هو فعلا يستطيع تحمل المسئوليه والارتقاء بالمهنى ولا مجرد صيدلى يحمل شهاده دون الالمام بشئ؟
ده سؤال لا احد هنا يمتلك اجابته الاجابه تتلخص فى عزيمه المتخرج ونظرته للمستقبل وثقته فى نفسه

ايه هى نظرتك للمستقبل يعنى عاوز تعمل ايه بعد التخرج .........؟
عايز افتح ورشه نجاره (سؤال غريب قوى) اكيد نفسى ابقا صيدلى ناجح بغض النظر عن المجال اللى هشتغل فيه سواء هفتح صيدليه او هشتغل فى صبدليه او حتى اشتغل فى شركه ادويه او مجال التسويق اوغيره

وأخيرا ماهى اقتراحاتك للارتقاء بالمهنى وبالصيدلى؟
اننا نشتغل بنفسنا ونجتهد عشان نغير فكره الناس عننا مش نتخرج ونفتح صيدليه نجيب حد يشتغل فيها ونشتغل احنا سماسره زى مابيحصل دلوقتى
[/quote]

[Dr nour]

أولا شكرا يادكتور على على مرورك

ايه هى نظرتك للمستقبل يعنى عاوز تعمل ايه بعد التخرج .........؟
عايز افتح ورشه نجاره (سؤال غريب قوى) اكيد نفسى ابقا صيدلى ناجح بغض النظر عن المجال اللى هشتغل فيه سواء هفتح صيدليه او هشتغل فى صبدليه او حتى اشتغل فى شركه ادويه او مجال التسويق اوغيره

[/]

أنا مش شايفه أنه سؤال غريب ولا حاجه
أكيد كلنا هنطلع من الكليه صيادله بس مش كلنا لينا نفس الأحلام والطموحات يعنى مش كلنا هنعمل نفس الشئ بعد التخرج
فى ناس تحب تفتح صيدليه وتولى ادارتها أى حد وتقعد هى فى البيت
فى ناس تحب تحضر ماجستير ودكتوراه
فى ناس عاوزه تسافر بره وتشتغل
وكمان فى ناس تحب تشتغل فى شركات أدويه
ده كان قصدى من السؤال انت بتفكر فى مستقبلك ازاى
وعلى العموم اجابه حضرتك كانت شامله

[A H M E D]

فى البدايه أحب أقولكم كل سنه وأنتم طيبين خلاص رمضان على الأبواب

وإنتي طيبة يا نور

هل نظرتك عن الكليه اختلفت عن النظره التى كنت تنظر بها اليها عندما دخلتها؟
وايه هو وجه الاختلاف؟

نعم اختلفت كنت مفكر الكلية دي هاخد فيها كل حاجة عن الدوا

بس مالقيتش حاجة خالص التلات سنين اللي فاتو

ايه رأيك فى الكليه يعنى هل أنت راضى عنها؟

كلية ميه ميه

ايه هى نظرتك للصيدلى اللى ممكن يتخرج من الكليه هل هو فعلا يستطيع تحمل المسئوليه والارتقاء بالمهنى ولا مجرد صيدلى يحمل شهاده دون الالمام بشئ؟

مش كل الصيادلة يقدرو يتحملو المسئولية
وده نتيجة لإن التعليم مش مظبوط في الكلية
يعني تشوفي المدرجات مفيش فيها غير كام واحد
لإن الدكاترة مش بيوصلو لمستوي الطالب
ده اللي بيخلي الطلبة تاخد كورسات
وده بداية الغلط

ايه هى نظرتك للمستقبل يعنى عاوز تعمل ايه بعد التخرج .........؟

إن شاء الله أظبط نفسي في شركة Multi National
وبعد سنة انتو عارفين اللي هيحصل

[د\بوسى ربيع]

موضوع جميل اوى وبصراحه كل الاراء رائعه وانا كمان هضيف راىى بس بكره باذن الله

[Dr nour]

شكرا يادكتور أحمد على مرورك وعلى ردودك الجميله

موضوع جميل اوى وبصراحه كل الاراء رائعه وانا كمان هضيف راىى بس بكره باذن الله

منتظرينك يادكتوره بوسى عاوزين نعرف رأيك