تفسير الأحلام بين العلم والنصب

[د\بوسى ربيع]

السلام عليكم ورحمه الله وبركاته

ياترى ايه رايكم فى موضوع تفسير الاحلام وكمان مشايخ الفضائيات وارقام التليفونات اللى تتصل بيها علشان تفسر حلمك ياترى ده نصب ولا حقيقه انا عن نفسى اتنصب عليا ياريت اشوف اراءكم وهل ياترى عمر حد فيكم شاف حلم واتحقق ولا لا

[Mohamed Al Gohary]

بصراحه انا عمرى ما افتكرت حلم .. ولا اهتميت انى افسره او اعرف ده ايه ..

مجرد ما بصحى بنسى انا كنت نايم فين اصلا

[lost*soul]

بصراحه مش بحب ولا بهتم اتابع تفسير الاحلام

اها فى احلام ليها تفسير بس كل واحد تفسيره لشخصه

وبعدين انا سمعت حديث لرسولنا (صلى الله عليه النبى وازواجه والمؤمنين) ان الاحلام ع جناحى طائر اينما فسرت وقعت

كلنا بنحلم واحلام حلوة او وحشه من وجهه نظرنا بس الاحسن انها ماتتحكى وتحمدى ربنا انك بتحلمى لان المجنون بس هو الى مش بيحلم

[Amira]

ههههههههههه هو المجنون بس هو الى مش بيحلم؟! اصل انا غالبا مش بحلم انا طلعت مجنوووووونه
انا الحمد لله مش بهتم بتفسير الاحلام اوى بس انا شايفه ان حكايه اتصل علشان تفسير الاحلام دى نصب علنى علشان يكسبوا وخلاص

[lost*soul]

لا ياميرة بتحلمى بس بتنسيها مينفعش لازم تحلمى

انا اخدتها كده ف علم لنفس ف سنه اولى ايااااااااام زمااااااااااااااااااااااااااااان

[د\بوسى ربيع]

لا طبعا لازم نحلم واحيانا كتير الاحلام دى بيكون ليها تفسير ومهم كمان لانى سمعت حديث فيما معاناه ان ربنا فى اخر الزمان بعد لما ينقطع جميع الرسل بيرسل الاحلام للمومنين علشان يثبتهم

[Ramy Saad]

هو الموضوع ثابت وفي فعلا تفسير للأحلام
بس حاليا دخل فيه دجالين كتير ونصابين أكتر وبقة موضوع بيزنس وفلوس ومكاسب عن طريق الاتصالات بالبرامج والكلام الفاضي ده والشعب المصري ماشاء الله مايتوصاش في موضوع الأحلام

[قناع الذهب]

لا موضوع الاحلام دة حقيقى انا احيانا بحلم اى الحلم واصحى يتفسر تانى يوم علطول ودة بيحصل معايا كتير وكل لما بحلم حلم وافتكرة بدور على تفسيرة على النت فى كتب ابن سيرين مثلا بس انا بهتم بالموضوع دة بصراحة

[د\بوسى ربيع]

يسلام لقيت حد بيحلم اخيرا اصل انا كمان مهتمه بالموضوع ده وبعد افحص فى تفسير ابن سيرين

[drsherbiny]

طبعا يا الاحلام دي حاجة طبيعية و مفيش حد مش بيحلم يا جماعه بس اسمها بينسي

قال رسول الله صلي الله عليه وسلم

(الرؤيا ثلاثة رؤيا بشري من الله تعالي ورؤيا من الشيطان ورؤيا يحد بها الانسان نفسه فيراها )

(ذهبت النبوات وبقيت المبشرات) المقصود بيها الرؤية الصالحة


قال تعالي ( لهم البشري في الحياة الدنيا )

العلماء قالوا ان المقصود بيها الرؤيا


وعن تجربة واحد زميلي والده مات ابل تانية ثانوي وبعد مامات بيومين جاله في الحلم ماشاء الله لابس جلابية بيضه

فصاحبي حلم كانه ماسك الشهادة في ايده بتاعت الثانوية وبيقوله بابا بابا انا دخلت صيدلة قاله منا عارف انك هتخش صيدلة الف مبرو ك والحلم انتهي وفعلا سبحان الله جاب مجموع طب بس دخل صيدلة هداية كده من ربنا ربنا كان فاتحها في وشه كده من غير تردد كتب رغبه اولي صيدلة


يعني ان في احلام بتكون مبشرة وبتحقق ده كلام منقدرش نتناقش فيه لان اللي كفر بالاحلام كانه بيكفر بسيدنا محمد لازم تكون عندك يقين ان في حاجة اسمها رؤيا من عند ربنا مفيهاش كلام

ادعو معايا نشوف سيدنا محمد يا رب


بالنسبة يا دكتورة لموضوع الفضائيات هيه فعلا اصبحت سبوبة لكتير من المشايخ بس معلش في منهم ناس بتثقي في كلامهم برضه لان بتعرفي من طريقه كلامه انه فاهم وعارف بيقول ايه وحافظ قران وكده

بصي هو سبب نجاح ده ايه المصريين بيحبوا اي كلام يريحهم يعني انتي لو عندك كتاب ابن سيرين وادامك شيخ تساليه ؟ مش تحبي التفسير يجيلك من الشيخ عاوزة واحد يكلمك كده ويدردش معاك ويطمنك هما بقه بيلعبوا علي الحته دي
انا عن نفسي اقصي ما عندي بقوم شايف تفسير ابن سيرين وخلاص


شكرا علي التوبيك الجميل وانا مقتنع ان اول تفسير بيجي في بالك لحلم انتي شوفتيه بيكون هوه المغزي من الحلم ده