هتعمل ايه فى كتب السنة اللى فاتت؟؟
السلام عليكم ورحمة الله وبركاته
ازيكم يا دكاترة
انا كنت عاوز اسأل خصوصا الدكاترة اللى فى تانية وتالتة و رابعة ..
اعمل ايه فى كتب السنة اللى فاتت؟؟
يعنى اشحتها لناس ولا اولع فيها و لا اسيبها عندى كمرجع ممكن ارجعله فى اى وقت
ولا ايه؟
ياريت تقولولى على الحل ولو فى اى طريقة تانية ماشى وسلام
لا تشحتها ايه لا لازم تحافظ عليها هتنفع بعدين ممكن الواحد يشتغل فى مجال يحتاجها بعدين وبعدين ممكن تجيبوا مكتبه صغيره وتحطوا الكتب فيها
انا عن نفسى ............الكتب بتاعة اعدادى اديتها لناس كانوا محولين فى اولى وكانوا محتاجينها.........وبقية الكتب وكتب اولى لسة موجودة فى البيت.................مستقبلها مجهول لحد دلوقتى.
انا كتب اعدادى بتاعه علوم رمتها تحت السريرصراحه اما الباقى واولى احتفظت بيه
انا محتفظة بكل كتبى عندى
لعل وعسى احتاجها بعدين محدش عارف
واحسن طريقة اننا نحنفظ ومش نشحتها او نرميها او نولع فيها
وزى ما الدكتور ة فارماسيست جيرل قالت او نحتفظ بيها فى مكتبة صغيرة
انا بحتفظ بالكتب كلها ..
لالالالالالالا ماترميهاش يمكن تحتاجها تانى
أنا عندي كل كتاب و كل مذكرة و كل ورقة
سواء كنت هحتاجهم بعد كده أو لأ ....
مش بحب أرمي حاجة مهما كان
بحتفظ بيها .......
بس فى كتب من اعدادى اديتها لناس محوله كانت محتاجاها
والله انا الكتب بتاعي من ساعه مستلمتها وهيا محطوطة كزينة على المكتب ومجتش جنبها ولا لمستها طول السنة حتى معرفش هيا شكلها ازاي من جوه يدوب كتب العملي بس هيا الي اتبهدلت بس محتفظة بيها للذكرى
ضوابط المشاركة
رد مع اقتباس