قانون المرور

[mohager_87]

رايك اية فى قانون المرور الجديد وعقوباتة الشديدة؟

[Alaa_Resala]

هذا هو القانون لمن لا يعرف بنوده:
عدم ارتداء السائق حزام الأمان 100 إلى 300 جنيه الحبس من 1 شهر إلى 3 أشهر
استخدامك التليفون المحمول يدويا 100 إلى 300 جنيه لا يوجد
السير عكس الاتجاه 1000 إلى 3000 جنيه لا يوجد
الانتظار الخاطيء سحب رخصة القيادة مدة لا تقل عن شهر لا يوجد
إزالة أو فك الكلابش بمعرفتك 200 إلى 1000 جنيه الحبس مدة لا تزيد عن ستةأشهر
ارتكاب أفعال مخالفة للآداب العامة داخل السيارة ليس أقل من 300 جنيه الحبس مدة لا تزيد عن ستة أشهر
قيادة المركبة ليلا بدون استعمال الأنوار الأمامية المقررة والأنوار الخلفية الحمراء أو عاكس الأنوار المقررة لا يوجد سحب رخصة القيادة مدة لا تقل عن ستة أشهر
قيادة المركبة في مواكب خاصة من دون تصريح لا يوجد سحب رخصة القيادة لمدة لا تقل عن شهر
عدم وجود مثلث عاكس للرؤية لا يوجد سحب رخصة القيادة لمدة لا تقل عن شهر
عدم وجود حقيبة إسعافات أولية بسيارتك لا يوجد سحب رخصة التسيير مدة لا تقل عن شهر
استخدام الأنوار المبهرة ليلا لا يوجد سحب رخصة القيادة مدة لا تقل عن شهر
عدم استخدام غطاء الرأس الواقي أثناء قيادة الدراجة النارية ليست أقل من 100 جنيه لا يوجد
الامتناع عن نقل الركاب (بالنسبة للمركبات الأجرة) 300 إلى 1500 جنيه لا يوجد
القيام بطلب اجر أكثر من المقرر (بالنسبة للمركبات الأجرة) 300 إلى 1500 جنيه لا يوجد
نقل عدد من الركاب يزيد عن الحد الأقصى المقرر (بالنسبة للمركبات الأجرة) 300 إلى 1500 جنيه لا يوجد
نقل الركاب من غير مواقف الانتظار المخصصة (بالنسبة للمركبات الأجرة) إلى 1500 جنيه لا يوجد
مخالفة خط سير المركبة الأجرة المحدد لا يوجد سحب رخصة القيادة مدة لا تقل عن شهر
السير بالسيارة الأجرة بعطل العداد لا يوجد سحب رخصة القيادة مدة لا تقل عن شهر


ومن اهم ما جاء بقانون المرور الجديد :

"التوك توك"
قام القانون الجديد بتقنين أوضاع "التوك توك"، حيث سيتم ترخيصها "أجرة موتوسيكل" ولابد لقائدها أن يكون لديه رخصة مهنية ويتم مراجعة شروط اللأمن والمتانة طبقا لشروط وزارة الصناعة والتجارة ، إلا أن القانون ترك الأعداد والألوان وخطوط السير والأجرة والمواقف للمحافظ ، مع تشديد الرقابة عليه حتى لا يصل "التوك توك" إلى الطرق السريعة وعواصم المحافظات.

كما يواجه القانون استهتار السائقين والقيادة برعونة وسرعة جنونية والقيادة بدون رخصة خاصة لمن هم دون السن ، حيث تم تغليظ العقوبة لتصل إلى الحبس غير الوجوبي ، بمعنى ان تكون الغرامة أو الحبس إذا تكررت المخالفة من نفس الشخص.

التاكسي
وبالنسبة للتاكسي ، أحال القانون سيارات التاكسي التي يزيد عمرها عن 20 سنة إلى ذاكرة التاريخ ، حيث يتم تكهينها أو تحويلها إلى سيارة ملاكي لمنع تعطل المرور بسبب تعطلها في الشوارع وعلى الكباري والأنفاق وتقليل نسبة التلوث وأعطى القانون مهلة 3 سنوات لأصحاب سيارات التاكسي لتوفيق أوضاعهم عن طريق نفس الصندوق والحصول على سيارة حديثة بالغاز والعدادات "الديجتال" ويأخذ صاحبها نفس اللوحة على التاكسي القديم.

لن يسمح القانون الجديد بإنشاء مطبات إلا بترخيص من الحي بعد تشكيل لجنة يشارك فيها خبراء المرور ويتم إنشاء مطبات قانونية ذات ألوان مميزة وعلامات تحذيرية ، أما إقامة السلاسل فقد حذر القانون أصحابها بإزالتها على نفقتهم الخاصة مع الغرامة أو الحبس.

إشارات "ديجيتال"
وسوف تشهد شوارع الجمهورية طفرة تكنولوجية تتمثل في تركيب إشارات ضوئية "ديجتال" لتخفيف تواجد أفراد المرور بالشوارع ، حيث تقوم الإشارات الجديدة بتصوير السيارات التي تتخطى الخطوط ويتم تحرير مخالفات لها، عقوبتها مغلطة حتى يحترم الجميع الإشارات ويتوقفون أمام الإشارات الحمراء.

وأضاف القانون الجديد للمرور إمكانية دفع المخالفات فوريا ، كما أن المخالف يمكنه دفع نصف الحد الأدنى للمخالفة في الحال وتنقضي بذلك العقوبة فورا ، وإذا لم يدفعها فورا حدد له القانون ثلاثة أيام للذهاب إلى نيابة المرور وفي هذه الحالة يدفع الحد الأدنى ، لكن إذا لم يذهب إلى نيابة المرور خلال ثلاثة أيام يكون مصيره محكمة المرور عند التجديد وفي هذه الحالة يدفع الحد الأقصى للعقوبة.

تم ربط كل نيابات المرور مع إدارات المرور بشبكة معلومات واحدة ، بحيث إذا اخذ مواطن مخالفة في أسوان تظهر في نفس اللحظة بالقاهرة حيث تم إنشاء غرفة عمليات بالإدارة العامة للمرور.

اللوحات المعدنية
ولم ينس القانون الجديد اللوحات المعدنية ، حيث أنها غير قابلة للتزوير وبها "باركود" يعمل على الجهاز الذي يحمله ضباط المرور واللوحة مؤمنة مكتوب عليها كلمة "مصر" ، فلوحة القاهرة تتكون من 3 حروف و3 أرقام والجيزة 4 أرقام وحرفين وباقي المحافظات تتكون من 4 ارقام و3 حروف ويوجد في كل لوحة حرف يدل على المحافظة لا يعرفه أحد ويوجد أسفل كلمة مصر خط يميز نوع الترخيص أجرة أو ملاكي أو نقل واللوحة لا يمكن تزويرها أو فكها إلا عن طريق إدارات المرور من اجل القضاء على وسائل النصب في المركبات.


واترك لكم التعليق

[Mohamed Al Gohary]

والله هو مش وحش .. بس المشكله انه مش هيطبق كامل والمحسوبيه بقى والحاجات دى هتشتغل ..

عموما بما انى مشرف القسم .. فاللى هيخش التوبيك وهو مش رابط الحزام هيتوقف عن المنتدى

[..::ciZar_Resala::..]

أنا شايف إن ده اللى كان لازم يحصل من زمان

بصراحة .. الناس فى مصر بيستهبلوا بطريقة وحشة فى حكاية المرور بالذات

و لو القانون دا إتطبق بحذافيره فى جميع الأماكن أنا متأكد إن عدد الحوادث هيقل جدا و كذلك المخالفات

أقل ما فيها الناس تحترم المرور شوية

فى تغير ملحوظ أنا بنفسى لاحظته على طريق "كارفور - المعادى" و كذلك الدائرى .. اللى كانت السرعات عليهم بتوصل ل 100 و 120 .. مفيش عربية ماشية زيادة عن 60 - 80 كم / س

و دا حصل بعد إضافة رادارات جديدة على الطرق .. و الكمائن المتواجدة يوميا

و شرطى المرور اللى أنا لاحظت إنهم زادوا بطريقة ملحوظة جدا .. و كل واحد معاه دفتره .. و معاه قلمه و بيسجل

و يا رب يفضلوا مهتمين كده .. زى ما اهتموا بالإعلان عن القانون ده

[noso noso]

والله هو احسن حاجه انهم هيظبطوا الناس اللى بتسوق توك توك لانى بشوف عيال صغيره جداااا بتسوقه

بس ما د. جوهرى قال هتكون فيه محسوبيه شويه

وبردو الواسطه هتنفع فى المواضيع اللى زى دى

ويا رب يطبق كويس

[Mohamed Al Gohary]

الامتناع عن نقل الركاب (بالنسبة للمركبات الأجرة) 300 إلى 1500 جنيه

ابقى اشور لتاكسى بعد كده بقى وهو فاضى واقول له على المكان اللى انا رايحه ويقول لى لأ

[summer breeze]

هو قانون مش بطال بس بصراحه فيه شويه مغالاه في العقوبات والغرامات كمان اضف الى ذلك الاستغلال اللي بيحصل في البلد نتيجه القانون ده يعني مثلا انا سمعت في برنامج القاهره اليوم ان شنطه الاسعاقات دي كانت ب40 جنيه دلوقتي في ظل القانون الجديد بقت ازيد من 100 جنيه (انا مش فاكره هو قال وصلت كام بالظبط بس الاكيد انه اكتر من100 واللي عارف بالظبط ياريت يقولنا) انا عارفه ان ده مش عيب في القانون نفسه لكن اللي عاوز يعمل حاجه صح يشتغل عليها كويس يعني مفيش مانع ان الدواير المروريه تفتح اكشاك او ملحقات تابعه ليها تبيع الحاجات دي بسعرها الطبيعي علشان ميبقاش الالتزام بالقانون مرهق للمواطن ماديا ده غير طبعا حكايه الوسايط والمحسوبيات اللي الد/ جوهري قال عليها ودي طبعا كفيله بافشال اعظم قانون في العالم وكفايه كده بقى علشان انا اتكلمت كتير

[زهرة الياسمين]

هو الى راكب بجوار السائق لازم يربط حزام الامان؟

[Alaa_Resala]

هو الى راكب بجوار السائق لازم يربط حزام الامان؟

ايوة يا دكتورة

لازم يربطه وإلا هتتسحب رخصة العربية ورخصة السائق

[Mohamed Al Gohary]

لا يا آلاء .. لو الراكب اللى جمب سواق التاكسى مش رابط الحزام .. بييجى عسكرى المرور ويعمل عليه غرامه يدفعها .. لو مش معاه فلوس بياخد منه بطاقته ويروح يدفع الغرامه وياخد بطاقته .. ما جاش بيجيبوه عن طريق القسم .. وتبقى قضيه ..

وده اللى انا عرفته ..