شىء بيخليك تحب بلدك

[Dr/HULK]

الموضوع ده محتاج فعلا مشاركاتكم علشان كل واحد يقول حاجة بتخليه يحب مصر.

عن نفسى اللى بيخلينى احب مصر هو انى ليا فيها اصحاب كويسين وكمان عشان معاملة الناس العادية فيها .بس

وياريت ارائكم تحببنا فيها عشان مش عايزين نكرها اكتر

[WhiteBird]

مش عارفه بس طبيعى انك تحبها لانها بلدك بصرف النظر عن احوالها..واكيد كلنا بنحبها ونفسنا نشوفها افضل..

[Mohamed Al Gohary]

لمكانتها فى الاسلام .. وذكرها فى القرآن الكريم .. وورود أحاديث عنها ..

باختلاف الفطره اللى بتخلينا نحبها من غير ما نعرف اى سبب لكده ..

[..::ciZar_Resala::..]

أنا بحبها لأنها بلدى

و مهما حصل فيها .. و مهما كان بحبها

بلدى بحبها كل حتة فى بلدى

بلدى يا ولا يا سلام على أهل بلدى

و سمعنى السلام الجمهورى

[dr/noony]

احلى حاجة فى مصر رمضان وخصوصا لو مسافر ساعة الفطار بتلاقى اطفال وكبار بيجرو على العربيات اللى على الطريق من غير ميخاف انه ممكن يحصله حادثة لا قدر الله ولازم يرمى عليك اى حاجةولو حتى بلحة
من شباك العربية عشان يأخد ثواب تفطير صائم
وبعد الفطار الكل بيجرى على التراويح و الفجر الكل بيصحى جرانه عشان يروحوا مع بعض يصلوا
اللهم بلغنا رمضان وكل سنة وانتو طيبييييييييييييييييييييييييين

[summer breeze]

ليييييييييييييييييه بحب مصر؟سؤال صعب قوي !!!!!!!!!!!!!!!!!!
يمكن بحبها علشان هي بلدي اللي من يوم مافتحت عيني على الدنيا لقيت اسمها في دمي لقيني بقول انا مصريه
ويمكن بحبها علشان هي رمز الرفعه والقوه وعلشان هي كنانه الله في ارضه وعلشان فيها افضل اجناد الارض
ويمكن بحبها لان انبياء كتار عدوا عليها وعاشوا فيها او اتجوزوا منها والنبي وصى بيها وربنا ذكرها في القران
ويمكن بحبها علشان شموخها في وش الاستعمار واعتزازها بحضارتها وبوطنيتها وبمصريتها يعني من بين كل شعوب العالم اللي استعمرت مصر هي الوحيده التي اثرت على الاستعمار ولم تتاثر به
مش هيا دي كل اسبابي اللي بتخليني احب مصر لان عمر مالاسباب هتخلص لكن يارب مصر اللي بحبها ترجع مصر بتاعت زمان اللي الكل بيعملها الف حسااااااااااااااااااااااااااب

[dr_Eucalyptus]

على فكرة أنا بحبها قووووووووى .......وكمان بحب أسمع الأغانى الوطنية.
وكنت بحب طابور المدرسة ........عشان كنا بنغنى بلادى.
....أكيد دى نعمة من عند ربنا انه زرع حبها جوانا كلنا...
حتى اللى فاكر انه ما بيحبهاش لو أتغرب عنها بيحس بالحب ده.
وكمان حبها ده يرجع لمكانتها عند ربنا وذكرها فىالقرآن زى ما دكتور Gohary قال.
وكمان لأنها مهد الرسل والديانات....
بس بجد أنا مش متخيله حياتى فى مكان تانى ....
أولا أهلك حنبك ومعاك...
والناس هنا طيبين ....بيحبوك وبتحبهم دون أى غرض.
وأصحابك فاهمينك... وفاهمهم....
ولما بتحتاجهم بتلاقيهم كلهم جنبك ...
يبقى ايه اللى مش هيخلينى أحبها؟؟؟؟؟؟

[MAI HABIB]

بحب مصر عشان شعبها..

[Mohamed Al Gohary]

وزى ما قالت الشاعره الكبيره شيرين بنت عبدالوهاب .. مشربتش من نيلها !!

[Lost * Dreams]

انا بحبها ليه؟ اممممممممممممممم
'
'
'
'
'
'
'
'
'
'
' عشان مصر هى امى