تباين الشخصيه مابين الواقع والانترنت

[Mohamed Al Gohary]

كثيرون منا لاحظوا أن هناك بعض الاشخاص قد تتباين شخصياتهم من الحقيقه عن الانترنت ..

بمعنى انك قد تتعرف على شخض عن طريق النت .. من ردوده وطريقة كلامه .. وحينما تقابله وجها لوجه .. تكتشف ان الذى عرفته على النت شخص .. وذلك الشخص الذى قابلته شخص آخر ..

قد يكون فى الطباع .. قد يكون فى اختلاف طريقة التفكير .. او اى شىء آخر ..


فهل انت من هؤلاء ؟؟

وما رايك فيهم ؟؟ هل تعتقد ان هذا شيء طبيعى ؟؟

هل هؤلاء قد تستصغرهم ؟؟ وترى ان هذا ما هو الا نقص فى شخصياتهم ؟؟

ام ترى ان النت غير الواقع فى الحكم على الشخصيه ؟؟

انتظر مناقشه ساخنه .. وتقبلوا تحياتى ؛؛

[A H M E D]

النت غير الواقع فى الحكم على الشخصيه

فعلا يا دكتوووور

عن تجربة

حتي أنتيمك اللي معاك في الكلية بتلاقيه شخص تاني في ردوده علي الماسنجر

[lost*soul]

النت غير الحقيقه خاااالص والتعامل والعشرة بيكون بالمواقف والاختلاط سويا بالحياه مش بالنت

ممكن انسان كويس وتعاملته حلوة ودى شخصيته

بس ف ناس لما بتتشاف بتتكره

النت مش مقياس ابدا للحكم ع الشخصيات

[نسومه]

اولا انا بشكر حضرتك على طرح الموضوع ده ..
ثانيا ..طبعا النت ليس طريقه صحيحه للحكم على الاشخاص ..فاحيانا قلم الانسان يكون افضل من حديثه مع الناس والعكس صحيح ..النت هو ستار يختفى وراؤه الملايين ويتكلمون ويكتبون من الممكن ان نكون شخصيه لهم ولكن الواقع يكون النقيض ...انا بجد عرفت ناس كتيره ولما قابلتهم حسيت ان انا اول مره اعرفهم او اتكلم معاهم ..وفى ناس تانيه كونت لهم شخصيه جميله جدا فى خيالى من كتاباتهم وردودهم ولقيتهم فى الحقيقه افضل مما كنت اتوقع ...والمفرض نحكم على الناس من تعاملهم معنا ومواقفهم وليس من خلال كتاباتهم واقلامهم فقط ...

[MAI HABIB]

انا مختلفة معاكو ....مادام انت بتعرف تحكم على الشخص كويس يبقى مش هتفرق معاك نت او واقع
فيه ناس بيجملو شخصيتهم على النت من الكلام او الاسلوب او الحركات
بس بيبان اوي الشخصية الحقيقة من المتجملة....والنت ووسائل المحادثة فيه بتدي الانسان خبرة في الكلام والاسلوب والتعامل مع الناس

رد الشخص مثلا في المنتديات او على الشات او غيرو بيدل على شخصيتو مهما حاول يخفيها
فالنت والحقيقة واحد ....ممكن اه بيخفي حاجات بس مسيرها تنكشف

وشكرا يادكتر على الموضوع

[The Princess]

التوبيك ده مش غريب عليا يا ترى شفته فين قبل كده ....... ما علينا هو حلو فعلا يا جوهرى
طيب انا شايفه انه مش شرط يعنى فيه ناس بتبقى هى واحد فى كله النت او على الواقع و فيه ناس فعلا بتبقى غير تمام على النت شخصية مثقفة و محترمة و على الواقع ابعد ما تكون عن ذلك .....
النت لا يصلح لتكوين فكرة عن شخصا ما نظرا للحواجز الكتير الموجودة و اللى بتحجب كتير اوى من ملامح الشخصية اللى قدامك فصعب جدا انك تكون فكرة صحيحة عنه و لكن فيه ناس بتكون صادقة اوى فى كل حياتها و بتعيش من غير اقنعة فى اى مكان و بالتالى لما تقابلها على الواقع تلاقيها زى ما هى بالظبط ...
انا الناس بتقول انى على النت زى الواقع و انا ما اقدرش احكم على نفسي فى النقطة دى لكن كل اللى اقدر اقوله انى مش بحاول ارسم شخصية مخالفة للواقع لانى الحمد لله واثقة فى نفسي و واقعى جميل و مشرف .....
تحياتى على التوبيك الجميل ده

[Ramy Saad]

أكيد في اختلاف كبير وواضح
على سبيل المثال فيه ناس هنا في المنتدى كنت متخيل ليهم صورة معينة وشخصية معينة
بس لما أقابلتهم على الحقيقة اكتشفت ان الصورة والشخصية مختلفين تماما طبعا للأفضل

[summer breeze]

انا مبدئيا مش مع ان الواحد يرسم صوره كامله في خياله لحد لمجرد انه بيكلمه او بيتناقش معاه على النت لان اكيد جزء صغير جدا من الشخصيه هو اللي هتشوفه اما الشخصيه الحقيقيه فمش ممكن تبان الا من خلال العشره والتعامل وجها لوجه ساعتها بقى نقدر نحكم على الاخلاق والتصرفات لكن ده ميمنعش انك بتقدر تستنتج كتير من جوانب الشخصيه من خلال الكلام على النت يعني الشخص المهذب بيبان اللي دمه خفيف الملتزم الجاد كل دي حاجات اكيد هتبان من خلال المواضيع او الاراء او المناقشات موضوع جميل جدا يا د/ جوهري تقبل مروري

[Dr.Mohamed]

فعلا أنا معاك النت غير الواقع

[Khaled Ali]

موضوع واقعي فعلا يا دكتور جوهري ....

بس انا هقولك حاجة هو بيبقى فيه بين الشخصية ع النت و الشخصية في الواقع ... اختلاف و اتفاق ...

1- الاتفاق :
بيكون غاليا في طريقة التفكير ... و آراء الشخص في الحياة العامة ... يعني طريقة تفكير الشخص و مواضيعه و آراءه في المنتدى غالبا بتبقى ثابتة .. يعني مش معقول تلاقي واحد مثلا يقولك ع النت انا بكره حاجة و لما يقابلك يقولك لا ده انا بحبها ... ( الا لو كان بينافق بقى ربنا يكفينا الشر يعني )

2- الاختلاف :
و ده بيبقى في التصرفات ... لان تصرفاتك في الطبيعة بتكون تلقائية ... و بتاخد قرارتك بسرعة عشان ترد ع الآخرين .. او تتعامل مع مواقف الحياة اليومية ... انما ع النت .. انت مثلا بتقرا الموضوع ع المنتدى و تفكر في رد مناسب .. و تكتب اللي انت عايزه ففي وقت كبير للكلام ده ...

بس هو ده رأيي .. يارب يعجبك ... و شكرا ليك على مواضيعك الجميلة