اليوم الدراسى العادى تحب يبقى الساعة كااااااااام ؟؟؟...ادخل وشارك

[أمــ هـنـد ــة الله]

ازيكم يا اعضاء المنتدى يارب تكونو بخير وماتكونش الاجازة مملة عليكم
بما اننا هندخل خلاص الجامعة يوم 20/ 9 ان شاء الله لو كان ف العمر بقيه فلا مفر هندخل

وطبعا هيبدأ اليوم الدراسى الساعة 9 صباحا وبصراحه دى احلى حاجه انه هيكون ف المعاد ده
طيب لييييييييييه مش تبقى السنة كلها واليوم الدراسى يبدأ من الساعة 9 علطووووول
بجد هيريح ناس كتيييير وخصوصا ان فيه ناس من بلاد بعيده وبتركب اكتر من مواصلتين عشان توصل بس المنصورة ..وهما اصلا مش بيحبو المدينة الجامعية ..وساعة اكيد هتفرق معاهم .....بجد االسنة اللى فاتت كنا بنشوف ناس بتعانى من الموضوع ده وكانت مش بتحضر محاضرات او مكانوش بيدخلو لان باب المدرج كان بيتأفل

فنتمنى ان المعاد يتعدل لو مش 9 حتى تبقى 8 ونص ......
انا اعتقد ان لو المعاد ف يوم من الايام اتعدل حاجات كتييير اوى هتتغير منها المدينة الجامعية دى مش هتبقى زحمة اوى كده
فياريت تنتناقش يا جماعه ف الموضوع ده ....وهل ممكن ف يوم من الايااااام يحصل التعديل ده .....ولا مستحييييل ؟؟؟؟
انا عملت الاستفتاء وعايزين نعرف رايكم ايه ف الموضوع ده ؟؟؟
ف اماااااااااان الله

[Mohamed Al Gohary]

والله ما هتفرق .. برضه الناس هتتاخر ..

[أمــ هـنـد ــة الله]

والله يا دكتور فيه ناس بتفرق معاهم الخمس دقايق
بجد المواصلات صعبة انا يمكن مش بشتكى منها الحمد لله عندنا ف بلقاس كويسه
بس والله فيه ناس بشوفهم متبهدلين اخر بهدلة
وفيه ناس مهما يحصل وبتكون بلدهم قريبة وبيتأخرو

[أمــ هـنـد ــة الله]

ايييييييييييه يا جمااااااااااااعه فين الردود طب اللى صوت يقول ليه مش فارفه معاه او ليه اختار المعاد ده

[Anas]

أنا مبتفرقش معايا 8 من 9 خالص و الحمد لله

لو قالو ليا 7 أو 6 هاجي ان شاء الله طالما المواصلات متيسرة

انما في ناس ظروفها مش مساعداها انها تيجي بدري لأي سبب من الأسباب

و حكاية ان الكلية تأخر المعاد و يبقى على طول 9 فدي صعبة جدا أو مستحيلة

لان في أقسام زي العقاقير مثلا و غيرها كتير ...
بيشتغلو في اليوم من 8 لحد 8 و أحيانا لحد 9
يبقى لو أخرو البداية ساعة يبقى هيأخرو النهاية زيها
و شوفي ساعتها كم الاعتراضات هيبقى قد ايه

جربي كده مثلا في جدول السنة اللي فاتت لأي دفعة
و ابدأيه الساعة 9 و شوفي آخره هيبقى امتى

من الآخر كده .... ده أنسب معاد " 8 " سواء في التوقيت الصيفي أو الشتوي
و حتى في رمضان ... مش عارف بيأخروه ل 9 ليه
مع ان المفروض ان الناس في رمضان بتصحى بدري علشان تتسحر " ده المفروض يعني "


كل عام و أنتم بخير

[أمــ هـنـد ــة الله]

مشكور يا دكتور انس على الرد بس فيه سكاشن بتاخد اكتر من حقها وبتبقى طويلة على الفاضى
انا فاكرة كنت ف الكيميا التحليلية كنت بخلص قبل المعاد بساعة ......
يعنى نفسى يعطو كل سيكشن ومحاضرة الوقت اللى تستحقة سواء انهم يزودها او ينقصوها "عشان محدش يفهمنى غلط"
وبعدين ف رمضان ماهما بيبقو عاملين المعاد بدرى ممكن لو فضل على كده يبقى كويس
مش عارفه ده بقى ممكن يأثر ولا لأ

[lamiaa]

والله ياهند عن نفسى بحب اليوم الى بيبدا اخر النهار
لاتسعة ولاتمانية .....
بس لو هنختار طبعا تبقى تسعة اريح كتير
هى صراحة مش فارقة معايا لانى ببقى فى المدينة هى بتفرق بس لو اول يوم فى الاسبوع بيبقى عندى بدرى فبضطر اجى قبلها بيوم وابات فى المدينة
يلا الحمدلله على كل حال

[El_Daly]

الحقيقة يا هنودة أنا مصوتش
علشان مفيش نبدأ الساعة عشرة
هههههههههههه
و يا سلام لو يبدأو 11
ويخلصوا زى ا هم عايزين
ان شاالله يخلصوا ع الساعة 12
بس هتبقى فيه مشكلة للناس اللى برضه بتركب مواصلات
تقريبا الموقف اللى قدام الجامعة بيفضى
فهنبقى حلينا مشكلة وعملنا مشكلة
والأحسن يبقى الوضع كما هو عليه
بس ياريت المحاضرات ع الأقل 9
ومشكورة يا هنودة

[أمــ هـنـد ــة الله]

والله ياهند عن نفسى بحب اليوم الى بيبدا اخر النهار
لاتسعة ولاتمانية .....
بس لو هنختار طبعا تبقى تسعة اريح كتير
هى صراحة مش فارقة معايا لانى ببقى فى المدينة هى بتفرق بس لو اول يوم فى الاسبوع بيبقى عندى بدرى فبضطر اجى قبلها بيوم وابات فى المدينة
يلا الحمدلله على كل حال

اهلا يا لميااااااء ومشكورة على المرور وفعلا الحمد لله انا اصلا هروح السكاشن بس او يعنى ابقى اروح بعض مرة المحاضرات

الحقيقة يا هنودة أنا مصوتش
علشان مفيش نبدأ الساعة عشرة
هههههههههههه
و يا سلام لو يبدأو 11
ويخلصوا زى ا هم عايزين
ان شاالله يخلصوا ع الساعة 12
بس هتبقى فيه مشكلة للناس اللى برضه بتركب مواصلات
تقريبا الموقف اللى قدام الجامعة بيفضى
فهنبقى حلينا مشكلة وعملنا مشكلة
والأحسن يبقى الوضع كما هو عليه
بس ياريت المحاضرات ع الأقل 9
ومشكورة يا هنودة

ليه بس يا دوك جايز بتصويتك ده يخلوها الساعه تسعه هههههههههه
فعلا الموقف ده بيعمل مشكلة علطول سواء جينا متأخر او حتى الفجر .....
مشكور يا دكتور على المرور واسفه بجد انى نسيت اعملها 11 هههههههه

[El_Daly]

تم التصويت علشان خطرك بس
والناس الغلابة دول هههههههههههه