بـــــدء الدراســـة 20 رمضان .... ايه رايك

[أمــ هـنـد ــة الله]

السلام عليكم ورحمة الله وبركاته
ازيكم جميعا
طبعا كلنا عرفنا ان الدراسة هتبدأ ف يوم 20/9/2008 الموافق 20 رمضان
ايييييييييييه رأيكم ف الموعد ده ؟؟
مش كان المفروض يستنو لما رمضان والعيد يخلص
ماجيناش يعنى ف عشر ايام
مستنية اعرف رأيكم ايه ؟؟؟

[Mohamed Al Gohary]

بالنسبة لينا احنا .. معتقدش ان الوضع هيختلف كتير .. معتقدش ان فيه سكاشن هتبدا .. او شغل بجد .. يعنى ممكن محاضرات وكده .. لكن السكاشن اعتقد انها هتبدا بعد العيد ..

دول العشرة الاواخر من رمضان يا جماعه اللى بيبقى فيهم الشغل كله ..

[A H M E D]

بالنسبة لينا احنا .. معتقدش ان الوضع هيختلف كتير .. معتقدش ان فيه سكاشن هتبدا .. او شغل بجد .. يعنى ممكن محاضرات وكده .. لكن السكاشن اعتقد انها هتبدا بعد العيد ..

دول العشرة الاواخر من رمضان يا جماعه اللى بيبقى فيهم الشغل كله ..

لأ يا دكتور السكاشن هتبدأ عادي خالص

وخد بالك اللي عنده سكشن ميكرو أول يوم هياخد عادي خالص

[Mohamed Al Gohary]

ماشى ياعم لما الجدول ينزل بس .. بس بجد عمة السكاشن فى السنين اللى فاتت مكنتش بتبدأ من أول اسبوع ..

[أمــ هـنـد ــة الله]

مشكورين يا دكاترة وفعلا لما الجدول ينزل ونروح اول يوم هنعرف امتى الساكشن

[:|©؛°¨¨°؛©الصيدلى الذهبى©]

لازم تعرفوا الجدول قبل بدء الدراسه لان فيه ناس بيكون عندها سكاشن ميكرو اول يوم الساعه 8 وبتاخد السكشن ده
بس فى رمضان اكيد هتبقى 9 يعنى

[Amira]

والله احسن انهم هيبدأوا الدراسه فى رمضان (هى طبعا متعبه شويه بس كده احسن) قبل العيد حتى لو هنشتغل سكاشن ومحاضرات
لان الاجازه ممله اصلا ولو كانو يخلونا نبدأ قبل كده مكان كان يبقى احسن

[dr_Eucalyptus]

والله مش فارقه كتير
وما عنديش اي مشكلة
لانى بحب الدراسة عن الاجازة
وعلى رأى amira
لو يبدأوها قبل كده انا موافقة.

[Mohamed Al Gohary]

هو ايه حكاية الميكرو ؟؟

[Pharmcist_girl]

يا حلاوة ميكرو من اول يوم ديه حاجه حلوة خااااااالص عالعموم ربنا يستر وانا راى ان الميزه الوحيده فى بدء الدراسه20/9انهم مش هيبقى عندهم حاجه يضغطونا ايام الامتحاناتواهو اسبوع هيفوت ولا حد يموت