فكرة بفكر فيها ياترى أيه رأيكم فيها؟

[dr/noony]

السلام عليكم ورحمة الله وبركاته
بقالى كتير فى فكرة شغلانى وكان نفسى أعرف رأيكم فيها ؟
اللى شجعنى اتكلم فيها انى لقيت اهتمام كبير من ادارة الكلية بالتطوير المستمر
الفكرة باختصار
ليه منبقاش متخصصين ؟
يعنى فى أخر سنة نختار مادة نتخصص فيها
والتخصصات تكون حسب احتياجات سوق العمل
يعنى نشوف الصيدلى ايه الاعمال اللى ممكن يقوم بيها
ونعمل تخصصات
زى مثلا 1-دعايا وتسويق
2-التصنيع الدوائى
3-التحليل الدوائى
4-الطب الشرعى (لو فاكرين محاضرة د\محمد العوضى لما قال ءان احنا ممكن نشتغل فى الطب الشرعى )
5-البحث العلمى (اعرف الصيدلى اصول البحث العلمى زى ماكان وعدنا د\عطا الله)
6-زراعة النباتات الطبية
7-الطب الشعبى(للى عاوز يفتح صيدلة للعلاج بالعشاب)
8-صناعة وصيانة المعدات الصيدلة (ودى مهمة جداااااا زى ماقال د\حسن الصباغ)
9-ادارة الصيدليات
وأقسام تانية كتير نقدر منها نخرج صيادلة على قدر عالى من الكفاءة والخبرة
لانى من خلال كلامى مع ناس كتير من الخريجين شايفة انهم مش قادرين يكونوا بالكفاءة المطلوبة
وبيحاولوا يلموا بموضوعات كتير فى بداية مرحلة العمل لكن بعد فترة بينسوا اللى درسوه وبيستسلموا للامر الواقع
ويبقوا بالحال اللى كلنا عارفينه
وفى النهاية أيه رأيكم فى الفكرة ؟؟؟؟؟؟؟؟؟؟؟؟؟؟؟
واللى عنده أى اقتراحات أخرى ياريت يتفضل ويقولهلنا

[أمــ هـنـد ــة الله]

فكرة هايلة يا دكتورة ونتمنى انها تتاح لينا ..... فعلا ليه الصيدلى لما يتخرج مش يبقى متخصص ف حاجه معينه .....ميرسى على الموضوع والفكرة

[dr\sandrila]

فكرة حلوة جدا ويارب تتنفذ فعلا احسن لما نتخرج يكون عندنا خلفية اكبر فى موضوع محدد

[..::ciZar_Resala::..]

الفكرة دى متاحة عن طريق دبلومة بعد ما تخلص الكلية


و الدبلومات دى بيتم دراستها فى الدراسات العليا


يعنى التخصص موجود بس المستوى أعلى مننا شوية

[khokha]

فكره هايله والله
ميرسي ليكي جدااااااااااا

[EverLasting]

مشكورة يا دكتورة ع الفكرة الجميلة دى و ياريت تتنفذ

[:|©؛°¨¨°؛©الصيدلى الذهبى©]

والله فكره رائعه.. ع الاقل حتى نغير فكره الناس عننا

[Mohamed Al Gohary]

الحقيقه الموضوع أكثر من رائع .. وبيناقش اقتراح رائع .. وفعلا الكلام ده موجوده فى الدبلومات .. بس الدبلومات دى اختيارى ومش سهل ان الواحد يخصلها .. لان ليها اجراءات كتير ..

ليه ميبقاش فى سنة امتياز زى كلية طب ويكون فيها تخصيص !!

[قناع الذهب]

فكرة حلوة قوى وياريت نتخصص فى حاجة معينة بجد ياريت تتنفذ

[summer breeze]

والله الفكره رائعه جدا وعاجباني من حيث المبدا لكن طبعا تطبيقها صعب جدا لان علشان فكره زي دي تتنفذ

محتاجه قلب لنظام التعليم في الكليه يعني زي ما زميلنا قال ممكن يعملوا سنه امتياز وده معناه ان الكليه تبقى 6

سنين او يغيروا اللايحه الدراسيه ويزودوا مواد او يشيلوا مواد ودي طبعا قرارات محتاجه وقت رهيب علشان يقروها

وفي الاخر يا اما يوافقوا او مايوافقوش بس بجد ياريت الحلم يبقى حقيقه ويارب نعيش التجربه قبل مانتخرج