صفحة 1 من 2 12 الأخيرةالأخيرة
النتائج 1 إلى 10 من 12

الموضوع: ماذا يعنى لك التدريب الصيفى؟؟

  1. #1
    Pharma Student
    تاريخ التسجيل
    Nov 2007
    الدولة
    هناااااااك
    المشاركات
    265

    افتراضي ماذا يعنى لك التدريب الصيفى؟؟

    السلام عليكم ورحمة الله و بركاته
    ازيكم يا دكاترة
    انا بس كنت عاوز اسأل عن التدريب الصيفى لكل دكتور صيدلى ((و ليس بقال)) هل معنى التدريب الصيفى انى انزل اقف فى صيدلية و خلاص؟؟؟؟؟
    هتقولى انا بتعلم أسماء الأدوية... و بعدين بعد ما تتعلمها ؟؟هتعرف تصنع دوا ؟لو فى مرض معين هتعرف ايه الدوا المناسب ليه؟؟؟
    انا يا دكاترة والله مش بعترض على فكرة التدريب الصيفى بس عاوز طريقة افضل...
    ياريت لو فى اى أراء مختلفة ياريت تقوليلى و نتناقش فى الموضوع..و شكرااا

  2. #2

    افتراضي

    انا عن نفسى نزلت الصيدليه من بعد اعدادى .. واستفدت جدا جدا جدا .. يعنى الوقتى الدكمتور لما بييجى سيافر انا اللى ببقى فى الصيدليه .. ده من الناحيه الاداريه ..

    اما الناحيه العلميه .. فالحمد لله معظم الادويه عرفتها وعرفت الاستخدام بتاعها .. وازاى بتستخدم ..

    كمان انا فى اولى وانا بذاكر كنت فاهم حاجات كتير بسبب وقوفى فى الصيدليه خصوصا كورس الصيدلانيات ..

  3. #3
    Pharma Student
    تاريخ التسجيل
    Sep 2007
    المشاركات
    450

    افتراضي

    والله عندك حق انا حسه برضه انه كله نظام بيع وخلاص وحتي اتخنقت ومش بروح كتير

    مع اني برضه اتعلمت كتير بس حسه انها زي مهنه (البقال) كده

  4. #4

    افتراضي

    يا دكاترة المفروض تقفوا مع صيادلة خريجين صيدلة مش مع حد تاني

    ويكونو كمان متعاونين معاكم

    هتحسوا بفرق كبير جدا

  5. #5

    افتراضي

    فعلا .. انا الحمد لله زى ما قلت قبل كده .. انا دكتور وعمرى ما حسيت انى بقال زى ما الناس بتقول

  6. #6
    Pb Elite
    تاريخ التسجيل
    Jul 2008
    الدولة
    in my wishes
    المشاركات
    1,840

    افتراضي

    بصراحه يا دكاتره انا شايفه ان مساله التدريب والفايده اللي احنا بناخدها من وراه دي مساله نسبيه بتختلف من واحد
    للتاني لان كل واحد فينا ليه مفهوم مختلف عن الفايده من التدريب يعني في صيادله بيحسوا انهم استفادوا جدا بمعرفه اسماء الادويه واستخداماتها وفي صيادله تانيين بيشوفوا ان امتع حاجه في التدريب انك بتاخد خبره من خلال التعامل مع حالات كتيره وتتعلم المهنه بالممارسه وبالتالي اسماء الادويه واستخدامها بتيجي معاهم تلقائي بالتعود
    يعني وكمان مش لازم ننسى ان في عوامل تانيه كتير ممكن تخلي التدريب حاجه ممتعه جدا بالنسبه لك او تخليه
    شيء ممل جدا بتعمله وانت زهقان ومش بعيد كمان تخليك تهرب منه اصلا واهم عاملين من العوامل دي هما جو الصيدليه بتاعتك يعني الصيدليه اللي دايما زحمه وفيها ناس بتحسسك بمتعه كده وانك بجد بتشتغل وده طبعا عكس اللي انت هتحسه لوكنت قاعد في صيدليه ممله محدش بيجيها غير كل فين وفين تاني عامل بقى هو الدكتور اللي معاك في الصيدليه يعني لو ربنا كرمك بدكتور متجاوب معاك كده وبيحاول يفهمك اصول المهنه هيبقى احساس تاني خالص غير لو اشتغلت مع واحد سايبك كده لوحدك ولابيفيدك باي حاجه ولا كانه شايفك اصلا
    بس في الاخر ياجماعه احب اقولكم ان مفيش حاجه اسمها اتدربت بس ما استفادتش لانه على الاقل التدريب ده نقلك لارض الواقع وخلاك تمارس المهنه بجد وانت لسه طالب ودي اكيد ميزه كبيره جدا مش بتتوفر غير في كليتنا وقليل من الكليات الاخرى .انا اسفه جدا جدا اذا كنت طولت عليكم في الرد وطبعا كل الشكر ل د/ طارق انه فتح لنا باب النقاش في موضوع مهم زي ده ومره تانيه اسفه على الاطاله وسلاااااااااااااااااام

  7. #7
    Pharma Student
    تاريخ التسجيل
    Nov 2007
    الدولة
    هناااااااك
    المشاركات
    265

    افتراضي

    مع احترامى ليكى يا دكتورة summer breeze و احترامى لرأيك واحترامى لكل اراء الدكاترة
    بس انا شايف ان ممكن اى واحد مش فى صيدلة اصلا و يشتغل فى صيدلية و برده هيعرف أسماء الأدوية و اكيد بالممارسة هيعرف استخدامها .
    دا بقى يفرق ايه عننا؟ او ايه بقى الفرق بينا و بينه؟؟
    و بعدين فى حتة تانية بتكلم عليها و هيا انى اعرف المواد اللى داخلة فى تركيب الدوا و ازاى و لو حتة نظرى اصنعه؟؟ و شكرااااااااااا لكل اللى شارك

  8. #8

    افتراضي

    واى واحد لو اشتغل فتره فى الهندسه هيعرف يشتغل فى الهندسه .. ولو وحد وقف فى عياده مع دكتوره فتره هيبقى دكتور ويقوم بكل اللى بيقوم بيه ..

    الموضوع مش مقتصر على صيدله بس ..

    بس فى ايدك انت انك تخلى نفسك متميز عن الصيادله زملائك اصلا .. مش مجرد زميل لك فى المهنه ..

  9. #9
    Pb Elite
    تاريخ التسجيل
    Jul 2008
    الدولة
    in my wishes
    المشاركات
    1,840

    افتراضي

    مع احترامى ليكى يا دكتورة summer breeze و احترامى لرأيك واحترامى لكل اراء الدكاترة
    بس انا شايف ان ممكن اى واحد مش فى صيدلة اصلا و يشتغل فى صيدلية و برده هيعرف أسماء الأدوية و اكيد بالممارسة هيعرف استخدامها .
    دا بقى يفرق ايه عننا؟ او ايه بقى الفرق بينا و بينه؟؟
    و بعدين فى حتة تانية بتكلم عليها و هيا انى اعرف المواد اللى داخلة فى تركيب الدوا و ازاى و لو حتة نظرى اصنعه؟؟ و شكرااااااااااا لكل اللى شارك

    يا دكتور طارق طبعا في فرق كبير جدا جدا بين الصيدلي وبين اي واحد مش متخصص وبيمارس المهنه كده وخلاص
    والفرق ده هو انك انت انسان فاهم الدوا ده بيشتغل ازاي ايهMechanism of action بتاعه بيروح فين امتى ممكن يضر وامتى ممكن يبقى مميت وده اللي بياهلك انك تعترض على روشته باعتهالك دكتور لان فيها دوايين بيتعارضوا مع بعض او بيقللوا تاثير بعض لو اتخدوا سوا اما الغير متخصص ي اما بيصرف الروشته عمياني من غير مايبص فيها او حتى ممكن يقول للمريض خد الدوا الفلاني من غير ما يساله ويعرف منه اذا كان بياخد ادويه ممكن تتعارض مع الدوا اللي هو قاله عليه او لا اما يادكتور حكايه انك تتعلم ازاي بيتحضر الدوا فانت ان شاء الله في سنه اولى في ماده الصيدلانيات حتاخد اغلب الاشكال الصيدليه للدوا وهتاخد ازاي تحضر كل واحده فيهم وفي المعمل بقى هتحضر البودر والمستحلب وكريم او مرهم وحاجات تانيه كتير اما الماده الفعاله فدي لها مواد كامله هندرسها ان شاء الله في سنه تالته ايه رايك بقى يادكتور بعد الكلام ده لسه مش حاسس ان في فرق بينك وبين اي واحد بيشتغل من غير مايدرس؟؟؟؟؟؟؟؟؟؟؟؟

  10. #10
    Pb Elite
    تاريخ التسجيل
    Nov 2007
    المشاركات
    2,371

    افتراضي

    التدريب حاجه كويسه ..اهم حاجه الكونتاكت بس اللى بينك وبين الناس
    وقرائتك بس للروشته وكده ... لكن بالنسبه ليا معظم الأدويه لسه مش اخدتها
    بس من اطلاعاتى الحمد لله عرفت حاجات كتير جدا

    ::: وكسلت ومش بروح حاليــــــــــــــــــــــــــــــــــــــــــــــ ــــــا :::

    والصيدليه موجوده حبيت انزل هنزل ...



صفحة 1 من 2 12 الأخيرةالأخيرة

المواضيع المتشابهه

  1. نوادر التدريب الصيفى
    بواسطة DR.BIBO في المنتدى المنتدي الترفيهي
    مشاركات: 88
    آخر مشاركة: 04-09-2010, 04:57 PM
  2. التدريب الصيفى 2
    بواسطة Dr.3mora في المنتدى المنتـدى العـام
    مشاركات: 18
    آخر مشاركة: 07-08-2010, 10:14 PM
  3. التدريب الصيفى
    بواسطة Dr.3mora في المنتدى المنتـدى العـام
    مشاركات: 64
    آخر مشاركة: 11-07-2010, 02:31 PM
  4. هام بخصوص التدريب الصيفي
    بواسطة Anas في المنتدى الفرقة الثالثة 2010
    مشاركات: 4
    آخر مشاركة: 27-03-2010, 06:08 AM
  5. استمارة التدريب الصيفي
    بواسطة Anas في المنتدى الفرقة الثانية 2010
    مشاركات: 35
    آخر مشاركة: 07-03-2010, 04:24 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •