هل تقبلين....؟

[WhiteBird]

بسم الله الرحمن الرحيم..


فتاة في مقتبل العمـــر على قدر من الاخلاق والجمـــال تقدم لها شاب وسيم وخلوق وبعد البحث والســؤال عنه عرفت بأنه مدخــ,ــن فرفضــ,ـته ..

واخــرى بعد ان عقد قرانهـــا على احد الشـــباب اكتشفت انه مدخن وطلـــبت الطلاق منه فكـــان لها ذالك ..

واخيره لاحظـــت على زوجــها بعد فــــترة انه بدأ يدخن فقــــبلت بالأمر واستـــسلمت للأمر الواقع ..

والكثيير الكثير من القصص التي نسمــــعها عن التدخين واثرة على حيــــاة الزوجيـــن..

فالتدخيــــن ظاهــــرة متفشــــية بكثـــــرة فـي مجتــمعاتــنا ...وهنا فئتان فــــئة مـــعارضه للتدخيــــن وهي الــــفئة الــــغالبة .. وفئـــــة مؤيــــده لـــــلتدخين وهي الفـــئة الـــــقليلة ..


ولكن ما يهـــــمني في هذا المقـــــام معـــــرفة اراءالفــــتيات حــــول مدى قبــــولها للـشاب المدخـــن
********************
ســــــ،ـــؤالي للبنــــ،ـات

هل تقبـــــــلين الزواج بمدخـــــــن ؟ ..
وهل تعتـــــبرين التدخـــين سبب للرفــــــض ؟.. هل فعلا الشــبـاب المدخن جــــذاب في نــظرك؟ ..

******************
سؤالى للشبــــــــــــاب ...

هل تترك التدخين إذا طلبـــت منك زوجتـــك ؟..

وهل تتضـــــــــايق من رفض فتـــــاة لك بســـــبب التدخين ؟ ..


وهل تعتقد أن للتـــــدخين اثر على حيـــــاة الزوجـــــين ؟؟



اتمنى تفاعللكم ومنتظره ارائكم...

[Dr/HULK]

اقل مايقال ان المدخن ليس رجلا ليرتبط بفتاة.

فهو ليس سوى مجرد مريض غير قادر على علاج نفسه من ادمان السجائر.

[dr_shimaa]

طبعالأاقبل أبدا الزواج من مدخن

لأنه بيكون اهدار للصحه مش له لوحده بل للناس اللى حواليه كمان

واهدار للمال كمان وفى رأيى انه سبب قوى لرفضه

وشكرا على الموضوع

[Mohamed Al Gohary]

الحقيقه التدخين عاده سيئه .. ومعظم ان لم يكن كل المدخنين يتمنون تركه .. وان جائت من حد قريب مثل الزوجه .. اعتقد انهم سيحاولون جديا .. خصوصا ان الزوجه ستكون معهم باستمرار ..ز

شكرا على الموضوع الجميل ..

[Aésmaïl]

موضوع جدير بالمناقشه فعلا يا دوك
ثانكس عليه جدا
.
.
هو التدخين فعلا عاده سيئه ... اصبحت شائعه فى مجتمعنا
واللى يوضح كده ... ممكن نشوف معدلات مرضى سرطان الرئه وغيرها
من الأمراض الناتجه عن التدخين ...

او ممكن نشوف الدوله بستورد تبغ قد ايه فى السنه ...
كل دى فلوس حرام اساسا...

والأهم من كده ان عواقبها على الصحه سيئه جدا
هتأثر على الحياه الزوجيه ببأكثر من طريق

ومن وجهه نظرى ان اى فتاه ترفض اى مدخن فهيه عندها حق فعلا

.

هل تترك التدخين إذا طلبـــت منك زوجتـــك ؟..

انا هج ــاوب ... دا لو يعنى كنت مدخن
فأنا مش هسيب التدخين عشان زوجتى او عشان حد
انا هسيبه عشان ده الصح ولازم اضغط على نفسى
لأنى لو مش عملت كده هبقى اسمى
" عبد السيجاره "

.

هل تتضـــــــــايق من رفض فتـــــاة لك بســـــبب التدخين ؟

طبعا لازم ازعل واضايق عشان الرفض
لكن فى نفسى هكون عارف انها على صواب
.
.
.

KEEP ON

[..::ciZar_Resala::..]

هل تترك التدخين إذا طلبـــت منك زوجتـــك ؟

عشان ترد على السؤال لازم تفكر بأسلوب المدخن

المدخن بيفكر إن هو اللى صح و كل اللى حواليه غلط .. أو بينبذوه من غير سبب

بل إن المدخن بيوصل بيه الحال إنه يقول التدخين ده مش بإيدى و الله


المهم .. كتفكير مدخن طبعا .. و بعصبية المدخن

هقول "أعلى ما فى خيلك إركبيه" ..."مش ناقص ألا إنتى اللى تمشى كلامك عليا"

ده تفكير المدخن .. بس أنا الحمد لله مش بدخن و لا بطيق ريحتها و لو شمتها .. بيخرمونى حقن عشان عندى حساسية منها و الحمد لله

وهل تتضـــــــــايق من رفض فتـــــاة لك بســـــبب التدخين ؟

أه طبعا -ده لو كنت بدخن أساسا- لأنى هتفكرنى بنبذ المجتمع ليا و ده اللى المفروض تعمله كل البنات.. لكن سبحان الله و الله العظيم فى بنات بتبقى عارفة إن فلان ده وحش و صفته كذا و كذا و بيحشش و بيشرب و برده بيوافقه عليه ..قال إيه "بحبه يا بابا" .. يا ختى ربنا ياخدك و ياخده عشان نرتاح

وهل تعتقد أن للتـــــدخين اثر على حيـــــاة الزوجـــــين ؟؟

طبعا

و العصبية اللى بتنتج عن السجاير و القرف ده بتبقى عادية

ناهيك عن العصبية و الأخلاق اللى مش كويسة و كل شوية زعيق و فضايح

مش كفاية الأولاد اللى غصب عنهم بيدخنوا .. و كمان مراته .. لأ و بيضرهم أكتر ما بيضر نفسه للأسف

[أمــ هـنـد ــة الله]

جزاكم الله خيرا على الموضوع يا حنون
اولا كده انا بعتبر اللى بيدخن ده انه انسااااااان ضعيف ..مش فاهمه يعنى ايه سجارة ميقدرش يعيش من غيرها .. وازى انه عارف انها هتسبب امراض وبيشربها وقبل كل ده التخدين حراااام شرعا

ثانيا انا عندى حساسيه من السجاير ومن اى ريحه مش حلوة

ف الشخص ده مرفوض مرفوض

بس فيه ساعات اشخاص بتبقى كويسه وبتدخن وبيضر الناس احيانا انها تتغاضى عن جانب انه بيدخن
وتقول ماهو ممكن يكون مش بيدخن وشخص مش كويس ....

عموما التدخين حرام ....وبتمنى ان يتعمل استفتاء للبنات "مش عارفه فين وازاى" بس المهم ان الشباب يشوفوه عشان يعرفو ان التدخين ممكن يخليك عريس مرفوض وبكده ممكن يعيدو التفكير ويبطلو تدخين

[pharmacistina]

ســــــ،ـــؤالي للبنــــ،ـات

هل تقبـــــــلين الزواج بمدخـــــــن ؟ ..

أكيد لاااااااااا .. و ألف مرة لاااااا

وهل تعتـــــبرين التدخـــين سبب للرفــــــض ؟.. هل فعلا الشــبـاب المدخن جــــذاب في نــظرك؟ ..

طبعا التدخين سبب كبير للرفض .. أبدا المدخن غير جذاب اطلاقا ..
شكرا ع الموضوع

[summer breeze]

السلام عليكم ازيكم يادكاتره انا عجبتني جدا فكره الموضوع بتاعك يادكتوره حنان وبهنيك على طرحك ليه لانه بجد موضوع حساس ويستحق المناقشه وانا هقولك رايي بكل صراحه واللي ممكن يكون مختلف كتير عن الاراء السابقه
بالنسبه للتدخين انا برفضه ومحبش اشوف اي حد في ايده سيجاره وبيدخن لكن ياجماعه بخصوص الجواز فالموضوع مختلف شويه الحاجه الوحيده اللي تخليني ارفض شخص متقدملي هو ان اخلاقه تكون وحشه وميبقاش بيراعي حدود ربنا في ناس اكيد هتقول اني بناقض نفسي لان اللي بيدخن ده بيعمل ذنب وانا طبعا متفقه مع اي حد يقول كده لكن ياجماعه ذنب عن ذنب يفرق يعني مش المفروض اننا نعطي الامور اكبر من حقها صح التدخين ذنب بس مهواش كبيره من كبائر الذنوب يعني مثلا احنا ممكن نفترض ان اللي بيشرب سيجاره ده زي اللي بيسمع اغاني هل لو اتقدملك شاب كويس واخلاقه كويسه بس بيسمع اغاني هترفضيه طبعاانا مش هعمل كده انا هاقبل اذا كان الشاب فعلا كويس وده مش معناه اني راضيه بالذنب ولا حاجه بالعكس انا هعمل كل طاقتي اني اغيره ومش لازم ننسى ان اي اتنين بيحبو بعض بيكون تاثيرهم على بعض كبير وبيسمعو كلام بعض يعني مثلا لو خطيبك قال انا مبحبش البنت الي صوتها عالي في الشارع انت طبعا هتخلي الكلمه دي فبالك ومش هتعلي صوتك لانك عارفه ان خطيبك بيتضايق من كده ونفس الشيء لو انت قلت لخطيبك انا مبحبش الراجل اللي يدخن اكيد برده مش هتعدي عليه الكلمه دي كده عادي بس الموضوع محتاج شويه صبر لانه اكيد مش هيحصل في يوم وليله وان ده بيعتبر من الجهاد لتغيير المنكر اما ياجماعه لو كنت زوجه وطلبت الطلاق من زوجك لمجرد بس انك عرفتي انه مدخن (يعني مش بيتعامل معاكي وحش ولابيضربك ولا الحاجات دي لانه لو كده يبقى طبعا الطلاق هوالحل) لكن هو مكنش بيدخن وفجاه ابتدى يدخن فبدل ماانتي تبعديه عن السجاير وتحاولي انك تصلحيه تقومي تهدي البيت وتطلبي الطلاق ده طبعا شيء مش منطقي خالص وانا مره سمعت مشكله في برنامج ديني اتكلمت فيها ست وقالت للشيخ ان زوجها بيخونها (خلوا بالكم قالت بيخوني ماقالتش متجوز عليا يعني بيرتكب كبيره كلكم عارفينها طبعا ) وقالت للشيخ انا عاوزه اطلب الطلاق ياشيخ
تفتكرو الشيخ قالها ايه ؟ قالها اصبري يابنتي ومتهدميش بيتك حافظي على بيتك وحاولي انك تغيري زوجك ادعيله يابنتي ان ربنا يتوب عليه . انا قلت القصه دي علشان نعرف ان الدين بيقدر الاسره ومش بيلجا لهدمها حتى في موقف زي اللي انا قلتهولكم ده فتخيلوا بقى ان واحده اتصلت بالشيخ ه وقالتله انا عاوزه الطلاق لان زوجي مدخن تفتكرو هيرد عليها هيقولها ايه ؟ وفي الاخر ياجماعه هقول لاي بنت ان اذا كان الشاب كويس بجد وبيحبك فانتي هتبقي اقدر الناس على انك تغيريه متسيبيهوش لانك لو سيبتيه في احتمال فعلا انه يبطل بس فس احتمال تاني ان حالته تسوء وبدل مايشرب سجاير يشرب مخدرات وبدل ماكان قصده شريف وعاوز يتجوز يمشي في طريق الشيطان مع البنات ويعمل ابشع انواع الذنوب في حين انه بالحب كان ممكن انتي تقدري تغيريه من غير كل الخساير دي .
انا اسفه جدا جدا جدا اني طولت عليكم لكن ياجماعه ده رايي الشخصي وكنت حابه اعرضه عليكم بمنتهى الامانه
وانا متوقعه ان في ناس كتيره ترفض اللي انا قلته بس انا برده هتابع الردود اللي هتيجي واذا كان في اعتراض على رايي انا هاسمع وهحاول اوضح وجهه نظري اترككم في رعايه الله والسلام خير ختام

[زهرة الياسمين]

طبعا لا أقبل
وأهم سؤال عن أي خاطب وأول سؤال هو مدخن او لأ؟
أصلا معروف ان التدخين حرام وانا ما اقبلش واحد مصر على معصية
وبجد بتحسر على الشباب الي بيدمروا صحتهم باختيارهم
ربنا يهدي كل ندخن ويتوب عليه

وشكرا على الموضوع المميز