-
Pharma Student
الصدق نجاه ولاااااااااااااااااااا؟
من واحنا صغيرين واحنا بنتعلم الصدق،وبنتعلم كمان ان الصدق بينجي والكذب نهايته وحشه بس لما بنكبر بنكتشف العكس،تفتكر ده ليه؟
هل عشان المجتمع اللي بيعمل كده أول مانكبر
ونصطدم بالواقع؟
هل عشان محدش بيحترم صدقنا وصراحتنا؟
هل عشان التربيه في البيت لا تعترف بلأخطاء البشريه خلال مراحل العمر؟
عندي سؤال أخير تنصحوني أفضل صادقه مع نفسي واللي حواليه ولا أحاول أتعايش مع المجتمع،مع العلم اني اتعرضت لمشاكل وضغوط كتير بسبب صدقي وصراحتي مع ناس مبيحترموش الصدق وكان ممكن كله يبقي تمام لو كدبت أوكنت أقل صراحه
ياريت تفيدوني برأيكم......
-
Pharma Student
هوا فعلا يا دكتورة انتى بتتكلمى فى نقطة مهمة و فعلا الصدق منجى و الكذب نهايته
وحشه بس فى المجتمع اللى احنا عايشين فيه دلوقتى نحاول نصدق على أد ما نقدر
و لو اضطرينا للكذب فيبقى عشان مثلا مثلا لو قلت الصدق هيحصل مشاكل وكده يعنى.
و بعدين فى نقطة مهمة اوى يا دكتورة لازم تاخى بالك منها ان اى عمل انتى بتعمليه
هتتحاسبى على نيتك وقتها ((انما الأعمال بالنيات)) و الحديث دا ليه معانى كتير جدا يطول شرحها.
و ربنا يساعدنا انشاء الله
-
الموضوع ده فكرت فيه كتير جدااااا
وفعلا يا دكتر مش عارفة ايه الحل
ننافق ونجاري الواقع
ولا نتكلم بصدق تام ويحصل اللي يحصل
عاااارفين ايه الحلالصمت الصمت
وبكده نكون خلصنا وريحنا نفسنا
بس عارفة انه مش هيكون لينا لازمة بس هنعمل ايه مش عايزين نخسر حاجة
بس برجع واقول اذا لم تزد في الحياة شيئا كنت زائد عليها
تحياتي لكم
-
Pharma Student
انا من رايي ان لازم نصر علي الصدق واول حاجه نكون صادقين مع نفسنا
ولو بنفكر في كل حاجه قبل ما نعملها ونعرف ربنا يرضي عليها ولا لا
اعتقد ان احنا مش هنلجأ للكدب خالص
وفعلا لنا تكون نيتنا خالصه لله اكيد ربنا هيوفقنا للخير
-
Pb Elite
ازيك يادكتوره انا هدخل في الموضوع على طول لو عايزه رايي انا هقولك ان الصدق هو اهم قيمه في حياتنا ومفيش حد فينا يقدر ينكر ده بس الناس بقى هي اللي بتاخد مواقف مختلفه من القيمه دي في ناس بتعلي القيمه دي
جواها وبتبقى طبيعه فيها مش بتعرف تكدب ولا تزيف الحقايق وفي ناس تانيه بتقتل القيمه دي جواها وتتحول لناس
ملهاش اي مصداقيه وملهاش شغله غير النفاق والكدب بس مهما الانسان كدب يستحيل انه يقدر يكدب على
نفسه وناس تانيه اهي بتصدق مع الناس اللي اقل منها او اللي زيها بس بتنافق الناس اللي اعلى منها او اللي
ليها عندها مصلحه اهم بين البينين اذا كنت يادكتوره من النوع الاول فاحمدي ربنا على كده واوعي تتخلي عن صدقك
مهما كانت الظروف لان زي مقولتي الصدق منجاه......... اسفه لو كنت طولت عليك وباااااااااااااااااي
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
رد مع اقتباس