انت وانتيمك.

[summer breeze]

"بسم الله الرحمن الرحيم
رجعتلكوا تاني بفكره جديده ياريت تعجبكوا

اكيد ياجماعه كلنا عارفين ان الصداقه علاقه من اروع العلاقات الانسانيه وان اذا كان اطراف العلاقه دي بيحبوا بعض بجد

ومفيش بينهم حواجز من اي نوع ممكن يوصلوا لدرجه عاليه جدا من التفاهم لدرجه انهم يحسوا ببعض وهما بعاد عن

بعض ويفهموا بعض بالنظرات من غير الحاجه للكلمات.

دي هي كانت مقدمه الموضوع والمطلوب منكم ان كل واحد فيكم يقول اسم انتيمه (اذا مش حابين تقولوا اسماء

عادي وكمان الانتيم ممكن يكون اكتر من شخص واحد ) وتقولينا اتعرفت عليه ازاي ؟ وايه اكتر ثلاث صفات حبيتهم

فيه ؟وموقف عمله معاك انتيمك حسيت فيه بجد انك اخترت صح وان ده فعلا صديق حقيقي ؟واخر حاجه بقى

قلنا رايك في الصديق الي انا اتكلمت عنه في المقدمه وهل فعلا ممكن يوجد الصديق اللي يحس بفرحك وبحزنك

من غير مايشوفك ولا ده كله خيالات .

اناكده قلت اللي عندي ويارب الفكره تعجبكوا ومتكونش الاسئله كتيره عليكوا الى ان نلتقي اقولكم سلملم

[dr queen]

والمطلوب منكم ان كل واحد فيكم يقول اسم انتيمه

اممممممممممممممممممممم
أنا بقوله جوايا ، مش لازم هنا بقى

وكمان الانتيم ممكن يكون اكتر من شخص واحد

هو فعلا كده بس .. مش بنفس الدرجة بالظبط .

وتقولينا اتعرفت عليه ازاي ؟

أنا كده يبقى هتكلم عن حد معين
بس على العموم احنا عرفنا بعض من الدراسه (المدرسه يعنى )
تقريبا من 10 سنوات

وايه اكتر ثلاث صفات حبيتهم

فيه ؟

أنا بصراحه حبيت فيها حاجات كتيييييييييير
بس اللى ممكن أقوله 1: طيبتها
2: هدوءها
3: حبها ليا فى الله وخوفها عليا

؟وموقف عمله معاك انتيمك حسيت فيه بجد انك اخترت صح وان ده فعلا صديق حقيقي

هو مافيش موقف معين أقدر افتكره .. بس هما كتيييييييير برضه ،
يعنى مثلا لما ببقى محتارة فى أى حاجة أو عندى مشكلة ومخنوقه ونفسى أتكلم مع حد
هى بتكون أول واحده أكلمها واحكى لها كل حاجه .. واكيد برتاح جدا بعدها
وده صعب تلاقيه مع اى حد

؟واخر حاجه بقى

قلنا رايك في الصديق الي انا اتكلمت عنه في المقدمه وهل فعلا ممكن يوجد الصديق اللي يحس بفرحك وبحزنك

من غير مايشوفك ولا ده كله خيالات .

لا طبعا مش خيالات ولا حاجة ،
وأكيد بالعشرة والمعاملة الطيبه بينا هنحس ببعض قووووووووووووى ،
أنا حاسه اننا بنحس ببعض من غير ما نشوف بعض .. دى عشرة 10 سنين مش حاجة قليله يعنى
وفعلا بنفهم بعض بالنظرات من غير كلام ودى حاجة كويسه جداااااااا

أنا أحب أقولها حاجة فى الاخر ..
أنا بحبك جداااااااااااااا فى الله ،
وربنا يخليكى ليا يارب ، وما يحرمنيش منك ،
لانى يستحيل أقدر أعوضك ..
وربنا يتمم لك فرحتك على خير وما اشوفكيش زعلانه أبداااااااااااااااااااا .. قولوا امين .

اناكده قلت اللي عندي ويارب الفكره تعجبكوا ومتكونش الاسئله كتيره عليكوا الى ان نلتقي اقولكم سلملم

الفكرة حلوة قوووووووووى يا دكتورة .. ما شاء الله ،
ومعلش انا اللى طولت عليكى ،
سلملم .

[summer breeze]

شكرا يا دكتوره QUEEN على ردك والموضوع نور بوجودك.

Thaaaaaaaaaaaaaaaaaaaaaaaaaaaaaaaaaaaaaaaaaaaaaaaa aaaaaanks

[summer breeze]

ايه ياجماعه فين مشاركاتكم الاصحاب خلصوا ولا ايه ولو الموضوع فيه عيب اومشكله انتوا شايفينها ياريت تقولولي

وسلملم

[do3a2_alganna]

الموضوع حلو جدا بجد الانتيم دا هو احلى حاجة فالدنيا انا وانتمتى صحاب بقالنا 13 سنة تقريبا من اول مادخلنا المدرسة من اول يوم انا حاسة انه كان قدر اه والله لانى بحبها جدا يكفى ان انا اقول ان انا هفضل احبها ان شاء الله طول عمرى وفعلا الانتيم ممكن يكون اكتر من واحد بس بدرجات. الموضوع جميل بس عايز صفحات عشان افضل احكى واحكى وبرضو مش هخلص كلام.

[dr_Eucalyptus]

الموضوع جميييييييييييييييل .....dr/summer breeze
جزاك الله خيراااااا.........


نرد بقى على الاسئلة............

المطلوب منكم ان كل واحد فيكم يقول اسم انتيمه

أسمى الانتيم بتاعتى...............Shymaa.....

وكمان الانتيم ممكن يكون اكتر من شخص واحد

بصى فى معظم الأحوال الانتيم بيبقى شخص واحد.......بس الباقى بيبقوا أصحاب....ودول كتير وبحبهم كلهم قوى...

وتقولينا اتعرفت عليه ازاي ؟

أحنا مع بعض من زمان من الابتدائى فى المدرسه والدروس وكمان فى شارع واحد ولا يفصل بيننا شوى 5,6 بيوت وكمان الاهل أصحاب من زمان من قبل حتى مانتولد ولكن الصداقة بيننا نشأت تحديدا فى أولة ثانوى.....وبحمد ربنا على الصداقة دى ......وأتمنى الحفاظ عليها باذن الله...

وايه اكتر ثلاث صفات حبيتهم فيه ؟

1-طيبه....
2- بتحبنى فى الله...
3-طموحة وذكية....
وطبعا فى حاجات تانيه كتيييييييييييييير...

وموقف عمله معاك انتيمك حسيت فيه بجد انك اخترت صح وان ده فعلا صديق حقيقي ؟

هو فى حاجات كتير لكن أخر موقف كان حلو قووى....وكان من أسبوعين
هى كانت خارجة وبعد ما رجعت فاتت عليا فسألت بابا عليا
فقلها: انى فى المستشفى كانت فاكرة فى الاول انه بيهزر معاها
لكن بعد كده اتأكدت
وأتصلت بيا وأنا فى المستشفى لكن أخويا هو اللى رد ....وقالتله لما نوصل البيت نطمنها!!!!!!!!...
وأول ما وصلت البيت أتصلت بيها أطمنها عليا فلبست وجاتلى تطمن عليا هى وأختها وكانت الساعه وقتها 1.00 صباحا وقعدت معايا شويه وخرجتنى من مود العيى ده خالص.......... واليوم اللى بعده جات وقضت نصه تقريبا معايا.........

واخر حاجه بقى قلنا رايك في الصديق الي انا اتكلمت عنه في المقدمه وهل فعلا ممكن يوجد الصديق اللي يحس بفرحك وبحزنك من غير مايشوفك ولا ده كله خيالات .

دى مش خيالات ولا حاجه......وساعات بتحصل معانا ......
وساعات كمان بنقول كلام فى نفس الوقت.....

[mayoya]

موضوعك رائع واحلى حاجة فى الدنيا الانتيم ايلى يحس بيكى حتى لو انتى مش معاه ويفهمك من نظرة عينك انا الحمد لله ربنا رزقنى ب3 انتيم لبعض مع بعض بقلنا عشرة سنين وعائلاتنا اصحاب وكمان احنا مع بعض بنفس الدرجة واهم مميزات بنا ان تفكيرنا واحد و بيخافوا عليه وفى اى مشورة بيقولى الصح لو انا محتارة وحاجات كتيرررررررررررررررررر اوى تحتاج وقت وكتابة وربنا يخلى كل الاصحاب لبعض فى وقت الشدة والفرح
معلش طولت عليكم

[summer breeze]

الموضوع حلو جدا بجد الانتيم دا هو احلى حاجة فالدنيا انا وانتمتى صحاب بقالنا 13 سنة تقريبا من اول مادخلنا المدرسة من اول يوم انا حاسة انه كان قدر اه والله لانى بحبها جدا يكفى ان انا اقول ان انا هفضل احبها ان شاء الله طول عمرى وفعلا الانتيم ممكن يكون اكتر من واحد بس بدرجات. الموضوع جميل بس عايز صفحات عشان افضل احكى واحكى وبرضو مش هخلص كلام.

ماشاء الله صداقه شكلها قويه وعمرها طوييييييييييل يارب يديمكم لبعض ويديم عليكم صداقتكم الحلوه مشكوره ياجميل على المرور والمشاركه الحلوه

[summer breeze]

Dr.EUCALYPTUS مشكوره ياحبيبتي على المشاركه والرد الحلو وبجد من احلى المشاركات اللي جتلي يارب يديم عليكي انتي وصاحبتك الحب والتفاهم وميفرقكمشي ابدا عن بعض

[summer breeze]

موضوعك رائع

ربنا يخليكي ياميويا ده بس من ذوقك

واحلى حاجة فى الدنيا الانتيم ايلى يحس بيكى حتى لو انتى مش معاه ويفهمك من نظرة عينك انا الحمد لله ربنا رزقنى ب3 انتيم لبعض مع بعض بقلنا عشرة سنين وعائلاتنا اصحاب وكمان احنا مع بعض بنفس الدرجة واهم مميزات بنا ان تفكيرنا واحد و بيخافوا عليه وفى اى مشورة بيقولى الصح لو انا محتارة وحاجات كتيرررررررررررررررررر اوى تحتاج وقت وكتابة وربنا يخلى كل الاصحاب لبعض فى وقت الشدة والفرح

انتي عامله زيي بالظبط انا برضه عندي 3 انتيم بحبهم جدا وبموت فيهم واحلى حاجه فعلا تفاهمنا مع بعض واننا دايما سوا على الحلوه والمره

معلش طولت عليكم

بالعكس ده ردك نور الموضوع ياميويا ويارب يخليكي لاصحابك ويخلي اصحابك ليكي وتفضلوا دايما متجمعين مع بعض ومش تتفرقوا ابدا يارب