ياترى نعمل ايه فى سنه تالته

[د\بوسى ربيع]

السلام عليكم ورحمه الله وبركاته

اولا الف مبروك لينا كلنا النجاح بس احنا دلوقتى داخلين على مرحله جديده وكل الناس بتقول ان تالته اصعب سنه ياترى الكلام ده بجد ياريت الناس تقولنا وينقولونا خبراتهم وبرضه اتمنى ان كل تالته الجداد يدخلو ويشاركونى

[wh_kaboo]

فعلا يابوسى بيقولى ان تالتة صعبة ياريت اخواننا فى تالتة يعرفونا اى حاجة عنها علشان نستعد

[Alaa_Resala]

ازيكو يا سنة تالتة
انا سمعت فعلا زيكو ان تالتة اصعب سنة
بس ممكن نسميها أتقل سنة مش اصعبهم
أجمل حاجةفى سنة تالتة انك بتاخد موادبتحسسك انك صيدلي
المفروض تستفيد منها ده حصل معيا بنسبة 60% للاسف
لو جينا نحلل كل مادة
1- الميديسنال: مادة رائعة جدا ومش عايزةخفظ كتر بس تعرف المركب الاساسي فى كل مجموعة وتشوف التغييرات الى بتكون فى الغالب متعلقة بالاسم
2- الفايتو : رغم صعوبتها وصعوبة حفظها الا اني كنت بحبها جدا... نصيحة لازم توجد طريقة عشان تحفظ بيها الاسامي والاستركشرات لأنها كبيرة جدا
3- الفارما: مادة فى اللذيذ حبها ..هتحبك
هي طويلةحبتين بس برده اعمل طرق عشان تحفظ بيها اسامي الادوية وبعدها كله هيبقى تمام
4- البيو: الترم الأول سهلة جدا جدا بس متستهونش بيها لأن الامتحان مش بييجي مباشر
الترم التاني مليانة cycles
لازم تربطهم مع بعض فى دماغك وتعرف الرابط العجيب بينهم
5- الأساي: مادة زي العسل ..صغيرة خالص بتاع 20-30 ورقة كل ترم ومش عايزة حفظ خالص كلها حكايات وتجارب
6- الصيدلانيات : صغيرة عن كل سنة

ذاكروا من الأول كويس عان متحسوش انكو محتاسين زي حوستنا
واستمتعوا بأجمل سنة فى الكلية

[RASHAD_RESALA]

شكرا جدا على المعلومات دى بس ياريت لو كل مادة بتفصيلها يعنى الدكاترة اسلوب شرحها ايه الاسلوب الافضل فى ترتيبها العملى بتاع كل مادة ؟؟ ياريت علشان الصورة تبقى كاملة

[semosoro]

خلو بالكم من الفيتو صعبه مووووووووووووووووووووووووووووووووووووووووووووووووو وووووووووووووووووووووووووووووت
وامتحاناتها أصعببببببببببببببببببببببببببببببببببببببببببببببب بببببببب
وكذلك البيو ترم تانى
أصعب ماده على وجه الكره الارضيه فى امتحاناتها ومذاكرتها
لا يا جدعان صعبه صعبه

[Amira Said]

طيب ايه نصائحكم بالنسبة لطريقة المذاكرة، و مصادرها، و ايه المواد اللي محاضراتها مهمة و مفيدة و ايه المواد اللي محتاجة دروس

[A H M E D]

ازيكو يا سنة تالتة
انا سمعت فعلا زيكو ان تالتة اصعب سنة
بس ممكن نسميها أتقل سنة مش اصعبهم
أجمل حاجةفى سنة تالتة انك بتاخد موادبتحسسك انك صيدلي
المفروض تستفيد منها ده حصل معيا بنسبة 60% للاسف
لو جينا نحلل كل مادة
1- الميديسنال: مادة رائعة جدا ومش عايزةخفظ كتر بس تعرف المركب الاساسي فى كل مجموعة وتشوف التغييرات الى بتكون فى الغالب متعلقة بالاسم
2- الفايتو : رغم صعوبتها وصعوبة حفظها الا اني كنت بحبها جدا... نصيحة لازم توجد طريقة عشان تحفظ بيها الاسامي والاستركشرات لأنها كبيرة جدا
3- الفارما: مادة فى اللذيذ حبها ..هتحبك
هي طويلةحبتين بس برده اعمل طرق عشان تحفظ بيها اسامي الادوية وبعدها كله هيبقى تمام
4- البيو: الترم الأول سهلة جدا جدا بس متستهونش بيها لأن الامتحان مش بييجي مباشر
الترم التاني مليانة cycles
لازم تربطهم مع بعض فى دماغك وتعرف الرابط العجيب بينهم
5- الأساي: مادة زي العسل ..صغيرة خالص بتاع 20-30 ورقة كل ترم ومش عايزة حفظ خالص كلها حكايات وتجارب
6- الصيدلانيات : صغيرة عن كل سنة

ذاكروا من الأول كويس عان متحسوش انكو محتاسين زي حوستنا
واستمتعوا بأجمل سنة فى الكلية

والله المواد شكلها سهل أوي ربنا يبشركم بالخير

طيب ايه نصائحكم بالنسبة لطريقة المذاكرة، و مصادرها، و ايه المواد اللي محاضراتها مهمة و مفيدة و ايه المواد اللي محتاجة دروس

يا ريت والله تبقو ميه ميه

[elsaid2087]

تالتة على قد ما هى سنة صعبة ورخمة وتقيلة بس فيها ميزة عن اى سنةفى الكلية انك لما تذاكر المواد بتعاها هتحس بمتعة وانك بتكتسب معلومات عن الصيدلة فى كل حاجة بتذاكرها ونصيحة ذكروا الترم الاول وابداوا جد عشان تعدى على خير


اما بالنسبة للدكاترة فحسب القسم بس غالبا الفارما الكتور حسن الكاشف والدكتور طارق والدكتور شحتة والدكتورة ناريمان

اما المديسينال فالدكتور محمود بكر والدكتور ة داليا والدكتورة نجلاء

الفيتو الدكتور جلال معتوق والدكتور عطا الله الترم الاول والدكتور فريد بدرية والدكتورة امانى والكتور عطا الله

البايو الدكتورة امال الجيار والكتورة ليلى عيسى والدكتور ممدوح الششتاوى والدكتور محمد الجيار والدكتور عبد الله الموافى والدكتور احمد ربيع

الاساى الدكتور شحتة

الصيدلانيات الدكتورة محاسن

[HappySadness]

اولا ربنا معاكوا ويوفقكوا يااااااارب وتخلصوا تالته على خير ان شاء الله

ثانيا بقى ...بصراحه انا مش قادره احكم على احساسى بتالته ...هيا زى م الكل قال لذيذه اوى ومفيده اوى بس محتاجه مننا كلنا اننا ناخد بالنا ونعمل اللى علينا ونتوكل على الله ...وان شاء ربى مش هيضيع تعب حد

ثالثا ...بالنسبه للمواد...اجمل والذ ماده البيو ...والله ياجماعه صدقونى بجد جميله اوى ومهمه برده اوى لانها بتفهمك اللى حاصل ....منهما بتجمع كتييييير....اللى يفهم البيو بحق هيحسها سهله خالص ومش هتاخد منه وقت فى المزاكره
بعد البيو فيه الفارما ...لذيذه برده بس عايزه حد بيحفظ شويه ......احنا تقريبا م استفدناش من الفارما السنه دى بس ربنا معاكوا وتحققوا اكتر مننا
الميدسنال .......جميله جدا بس بشرط اربطوا بين المركبات ..انا كنت برسم المركب الاساسى واطلع منه الزيادات عليه ب اسهم بس وكل سهم ب لون ....عشان افتكرهم ههههههه
لو د/داليا ادتكوا ...بتدى مركبات كتييييييييييييره اوى بس فى المحاضرات بتركز على حاجات معينه هيا دى اللى بتيجى ...
ولو تعرفوا تتصرفوا فى منهج السنه اللى فاتت هاتوه وقارنوه بمنهجكوا ولو الدكتوره زودت شئ اعرفوا ان دا مهم وهييجى فى الامتحان ان شاء الله

طبعا الاساى مش محتاجه تعريف....

باقى المواد مش كنت بحبها ......ف بلاش اديكوا فكره مش ولابد عنها .....سيبوها لاحساسكوا
وسيبوها على ربنا

[Mermaid]

بالنسبه لسنه تالته انا شيفاها مع تقلها ده الذ سنه لاني ببساطه ابتديت افهم و احس اني صيدلانيه
بالنسبه للمواد هم 6 مواد كله 150x2=300
pharma:هي ماده لذيذه بس حفظها كتير شويه بس الواحد مش بيكون متضايق و هو بيذاكرها , دكاترة الفارما من احسن دكاتره في الكليه
bioasssay:مادة صغيرة جدا و دكاترتها هم نفسهم بتوع الفارما مشكلتها هي عملي الترم التاني اللي بنمسك فيه ضفادع و فران بس صدقوني الشجاعة بتنزل علي الواحد
medicinal:هي الادويه ب structures لذيذه لما تكون فاهمهاو مربطها ببعضها كويس و فيها تكرار لكلام الفارما من الاخر الاتنين بيكملوا بعض
pharmaceutics:صغيرة و فيها جزء biopharmaceutics كله فهم مش حفظ
biochemistry:هي ماده محتاجة فهم و تربيط كويس و مذاكرة اول باول دي المادة الوحيدة اللي لو اتكركبت عليك بالذات ترم تاني هتبقي صعبه و كمان امتحانها بيكون امتحان سرعة بس مذاكرتها لذيذة و انا كنت باحبها اوي
phytochemistry:انا شايفاها اصعب مادة السنه دي بس مش بالصعوبة اللي انتم متخيلنها


ربنا معاكوا و بجد دي احلي سنة من كلوا ......