طلب مهم جداااااا

[Dr. Dody]

بسم الله الرحمن الرحيم
لو سمحتم الدكاترة اللي اكبر مني يقولولي أحسن طريقة للمذاكرة
وأفضل مصدر ليها هل الكتب ولا الورق
وكل واحد يقول أفضل حاجة بالنسبة ليه؟؟
السنة اللي فاتت كنت بذاكر بالكتابة بس بضيع الوقت وغالبا مش بخلص
والمصدر حسب المادة بس كل أصحابي كانوا بيذاكروا من الورق فقط
وأنا مش عارفة؟؟
يرجى افادتي

[Mohamed Al Gohary]

بص هو الورق احسن حاجه وهو المصدر الرئيسى لاى حد فى الكليه .. الا لو كنت بتحضر المحاضرات ومش بتفوت حاجه خالص .. ومع كده مش هتستغنى عن الورق برضه ..

وطريقة المذاكره هى الحفظ بالورقه والقلم مفيش غيرها .. والتمسيع لنفسك .. والمرااااااااااااااجعه الكتييييييييير بتخليك تحفظ ..

[نسومه]

بجد سنه اولى سنه جميله جدا ومن السهل تجيبوا فيها تقديرات جميله ...
بالنسبه لمصدر المذاكره ..المواد اللى كنت بحضر محاضراتها واكتبها كويس مش كنت بشترى لها ورق وكنت بذاكر من المحاضره ...لكن المواد اللى كنت مش بعرف اكتب فيها كنت بشترى ورق ...
بالنسبه لطريقه المذاكره ...فى نظريه بتقول كل ما استخدمتى اكتر من وسيله او اداه فى المذاكره كل ما كانت القدره على الاستيعاب اكتر ... وطبيعى المذاكره بالورقه والقلم دى الطريقه الصحيحه عشان المعلومه تثبت ...
يارب تكون سنه اولى سنه جميله عليكوا كلكوا ...
واسفه على الاطاله ...

[Dr/Walaa.E.A]

[SIZE="4"]اول حاجة علشان تعرفى ان طريقتك فى المذاكرة صح ولا غلط بعد ماتخلصى مذاكرة جزء ما اقفلى كل حاجة وبعد ساعة كدة شوفى نسبة اللى افتكرتيه منه
لو النسبة زادت عن 50%على الاقل يبقى فى امل والموضوع هيتظبط مع المراجعة وكله هيدخل
اما لو النسبة قليلة عن كدة يبقى حاولى تغيرى طريقتك
يعنى طريقة الكتابة دى تنفع قوى فى حفظ مركبات وقوانين ورسومات النبات لكن الكلام النظرى ملهاش لزمة لان الوقت هيضيع منك
ممكن تكتبى النقاط والعناوين الفرعية بس ويبقى فى دماغك الكلام اللى تحتها
وفى حاجة حلوة انا بعملهاتكتبى ورقة لكل جزء بتذاكريه فيها العناوين وتفرعات المنهج مجرد ماتبصى عليها تفتكرى الجزء بصفة عامة ودة المفروض يبقى الواحد عرفه من اول مذاكرة
اما عن تذاكرى من الكتاب ولا الورق دة هيتوقف على بتحضرى محاضرات ولا لأ
لو بتحضرى يبقى على حسب الدكتور لان فى ناس بتشرح من الكتاب يبقى الاحسن المذاكرة من المصدر اللى سمعتى منه المحاضرةوهو الكتاب وممكن لو بتكتبى المحاضرة كويس تذاكرى منها لكن لو الدكتور مش بيشرح من الكتاب ولا بتعرفى تكتبى وراه يبقى مفيش غير الورق
لكن لو ملكيش فى المحاضرات يبقى عليكى بالورق وتسألى اللى بيحضروا اذا كان الورق فى حاجة ناقصة ولا نظامه زى المحاضرة عشان تطمنى
ونصيحة من طالبة داخلة على بكالوريوس انتى لسة رايحة اولى اهم حاجة احضرى المحاضرات وحاولى تطلعى بحاجة منها لاما فاهماها او كتباها او الاتنين وتروحى تقريها على الاقل فى يومها او فى نفس الاسبوع بتاعها
متراكميش المذاكرة كلها لاخر السنة واهم حاجة التركيز فيها يعنى مذاكرة ساعة بتركيز احسن من 5 بدون تركيز
وايام الامتحانات تضغطى نفسك شويتين تلاتة والاهم من انك تخلصى المادة مذاكرة انك تسيبى على الاقل يوم تراجعى فيه من الاول لان الحاجة مبتثبتش من مرة واحدة
اما انا فبذاكر حسب المادةلاما من الورق (المعظم) لاما فى حاجات من الكتاب لاما من المحاضرة لو كتباها كويس
وملعش انا شكلى طولت بس يارب اكون افدتك وفى النهاية اعملى اللى شيفاه فى استطاعتك[/SIZE]

[Chemy-chan]

فعلا كلام الدكاتره صح ....

مع اني لسه داخله اولى زيك...

الا اني اقدر اقولك ان المذاكره بالورقه و القلم هي المذاكره الصح...

و الا مافيش كلمه واحده هتثبت...

و لازم تذاكري الحاجه اكتر من مره....

و تذاكري اول باول..

و اديني شلت الفيزيا عشان اقعدت ااجلها ااجلها لحد ما الامتحان قرب...

و مالحقتش اذاكرها غير مره..


و فدر الله...و ما شاء فعل

[Dr. Dody]

شكرا يا دكاترة على مساعدتكم وان شاء الله ربنا يوفقنا جميعا
ويثبتلنا معلوماتنا ان شاء الله

[Mohamed Al Gohary]

ِد حيلك .. وانت اللى هتعرف ايه اكتر حاجه هتناسبك وتجيب بيها درجات كويسه ..

[dr queen]

أنا رأيى زى ما الدكاترة قالوا أحسن طريقه هى
الورقه والقلم والصوت العالى فى المذاكرة والتسميع لنفسك باستمرار كل جزء تزاكره ،
لان كلما زادت الحواس المستخدمة فى المذاكرة كلما زاد التركيز والفهم ،

وبالنسبه للورق .. أنا كنت بذاكر كل المواد تقريبا من الورق
مع انى كنت بحضر المحاضرات وكنت بكتب كويس جدا ،
كنت دايما بجمع بين المحاضرة والورق .. والحمد لله ،

ربنا معاكم ومعانا دايما ان شاء الله ،
ومبروك عليكم سنة أولى .

[~Am@ny~]

ازيكوا يا دكاتره
بالنسبه لمصدر المذاكره فهو الورق ثم الورق ثم الورق
حتى لو كنت بتحضر محاضرات وبتكتب كويس فالورق اعتقد انه لا غنى عنه
مذاكره الكتاب بضيع وقت ع الفاضى غير انك بتبذل مجهود والاستفاده بتكون مش اد كده
وكتييييييير جدا كنت بقارن المحاضره بالورق ....بلقيها تيبيكال يعنى نفس الكلام
اما عن طريقه المزاكره .......فأحسن طريقه هى الورقه والقلم ان شاء الله الى يتبع الاسلوب ده
مش هينسى وحتى لو نسى مجرد مراجعه سريعه هتفتكر كل حاجه ان شاء الله
وممكن البديل للورقه والقلم اننا نذاكر بصوت ......لو بتذاكر ف سرك هتسرح وتتأخر ف المزاكره
والمعدل هيقل ..........
وطبعا ده رأى وكل شيخ وله طريقه ههههههههههه
ربنا يوفقكم ويوفقنا كلنا يارب .........واسفه لو كنت طولت

[M.tal3t]

اهم حاجه التخيل ..
بمعنى .. قبل ما تدخل في قراية او مذاكره تبص للعنوان فقط ! وتحاول تخمن ده المفروض بيتكلم عن ايه !!
لو مش فاهم الموضوع اقرا شويه واتعامل مع الباقي بنفس الطريقه !! وده مهم جدا لتشغيل المخ وكل اما اتخمن حاجه صح هتوصل لدرجه من الاثاره انك هتحب الماده وهتبدأ تهيييص معاك :P
وحتى لو غلطت .. اما تيجي تراجع هتعمل نفس الطريقه وهتفتكر انك غلطت في الحته دي قبل كده
اكنه امتحان .. لو غلطت في اجابة سؤال عمرك ما هتنساها
والعناوين اللي تحتيه نفس الطريقه بردو !
وأي طريقه او تحضيره او اي حاجه محتاجه خطوات تخيل بردو انك انت واقف وبتعملها ...
بلاش طريقة اول ما تمسك ورق او كتاب او اي حاجه تخش في الموضوع كده على طول وتعد تقرا وتحفظ !
وكل ماده بتذاكرها حط نفسك في كل الـ positions

بعد 5 سنين ليا في الكليه احب اقولك ان التخيل ده اهم حاجه .. .على الاقل انا استفدت منه كتيييير


mt-