اللى عايز يشترك ف البريد الالكترونى للجامعه ..يدخل بسرعه

[أمــ هـنـد ــة الله]

السلام عليكم
مبروووووووووووووووك لكل الناجحين وان شاء الله السنة الدراسية الجاية كلنا ننجح بتفوق ان شاء الله
بالنسبة للبريد الالكترونى انا الحمد لله عرفت اعمله وانا ف البيت اخويا عرفهولى "اول مرة يعرفنى حاجه "
وفايدة البريد الالكترونى ده انه اول ما تظهر النتيجه بتاعتك بتتبعتلك عليه
وبصراحه بمجرد النهارده ما بانت النتيجه ظهرت ع الايميل ف نفس اللحظه

طيب دلوقتى عشان تعمل اشتراك :
لازم تكون دافع المصاريف...

الدخول بقى هيكون من
الخدمات الطلابية
وهتختار
موقع استبيان الطلاب

وده اللينك المباشر ليها
اضغط هنا
هيطلب منك اسم المستخدم ....هتكتب رقم ID الموجود على الكارنية
كلمة المرور .......برده رقم ID
وبعدين تختار طالب
ولما تدخل هتلاقى على يمين الصفحه
*بيانات اشتراك البريد الالكترونى للجامعه
هتدخلة وتكتب اسمك ولقبك
وبعدين هتختار لنفسك اسم بقى للايميل ده
وكلمة السر
ومبرووووووووووك عليك الايميييييييييييييل

*ملاحظات :
كل ده هتعملوه ف اول مرة لدخولك لعمل الايميل
طيب دلوقتى كل سنة هتعمل واحد ..طيب لما تيجى تدخل تانى عشان تغير الايميل او تعمل استبيان هتعمل ايه
ف اول خطوة ...اسم المستخدم ...رقم الكارنية
كلمة المرور ....... هى كلمة السر للايميل اللى انته عامله

بس كده لو فيه اى حاجه وقفت على حد يقولها وان شاء الله نشوف ايه الموضوع
يارب اكون قدرت اوصل واشرح الطريقة
ف امان الله

[Amira]

شكرا يا هنووووووووووده انا هجرب اهوه

[Anas]

شكرا على التنبيه يا دكتورة ......

الايميل ده احنا عاملينه من السنة اللى فاتت من أيام ما كان بـ 10 جنيه و كانت بتتبعت عليه النتايج فورا

انما السنة دى خلوه ببلاش و مبعتولناش حاجة خااااااااااالص

ده حتى نتيجة الترم الأول مبعوتة ليا من تلات أسابيع !!!!!!!!!!!

أنا كنت سمعت ان فى ناس جاتلهم النتيجة فورا ......... انما محصلش معايا حاجة من دى أبدااااااااااا

[WhiteBird]

انا عاملاه من زماااان وانا فى البيت عادى وفتحته الوقت ملقتش عليه غير نتيجه الترم الاول...
مشكوووره ياهنووود..

[sosoo]

ده حتى نتيجة الترم الأول مبعوتة ليا من تلات أسابيع !!!!!!!!!!!

أنا كنت سمعت ان فى ناس جاتلهم النتيجة فورا ......... انما محصلش معايا حاجة من دى أبدااااااااااا

أنا كمان حصل معايا كده.......

[Amira]

انا كتبت الIDعند اسم المستخدم وكلمه المرور بس بيقولfail to login

[Dr. Dody]

وأنا كمان بيكتبلي Fail To Login

[أمــ هـنـد ــة الله]

اهلا بيكم جميعا
بالنسبة للى عاملينه مش اتبعت ليهم
انا ف الترم الاول كنت عامله واحد وبانت النتيجه فورا
ومن يومين اخويا قالى انتى لازم تعملى واحد جديد لان مش هتبان على القديم بسرعه ادامك كام اسبوع
وفعلا عملت الجديد وبانت فورا لكن القديم لسه مش بانت عليه
فلازم الواحد يجدده كل تيرم وهوه اصلا مش بياخد وقت خالص

ثانيا للى ظهر ليهم Fail To Login انتو يا جماعه اتاكدو هل انتو دخلتو الموقع او الصفحه دى قبل كده
لو مكنتوش دخلتو عليها قبل كده فهتروحو الدور اللى فيه نادى المعلومات "مش متذكرة اسم الشخص"
بس قولو انكم عايزين الباسورد

لانى اول مرة روحت اعمل الكلام ده الاستاذ اللى هناك قالى اكتبى رقم الكارنية مرتين ف اسم المستخدم وكلمة المرور .....جايز بقى هيعطوكو كلمة مرور جديدة
وان شاء الله مفيش مشكلة
انتو بس اعرفو كلمة المرور وبعد كده انتو اللى هتتحكمو ف صفحه الاستبيان والايميل
وابقو قولولى عملتو ايه

[Dr. Dody]

انا دخلت الصفحة دي قبل كده وانا بعمل الاستبيان
واسم المستخدم كان رقم الكارنية
وكلمة المرور كانت باسوورد مكتوب جنب رقم الكارنيه
بس بعد ما عملت الاستبيان حاولت ادخل تاني معرفتش
حتى لما كتبت رقم الكارنيه في خانة اسم المستخدم وكلمة المرور
معرفتش أدخل

[أمــ هـنـد ــة الله]

اهلا بيكم جميعا
بالنسبة للى عاملينه مش اتبعت ليهم
انا ف الترم الاول كنت عامله واحد وبانت النتيجه فورا
ومن يومين اخويا قالى انتى لازم تعملى واحد جديد لان مش هتبان على القديم بسرعه ادامك كام اسبوع
وفعلا عملت الجديد وبانت فورا لكن القديم لسه مش بانت عليه
فلازم الواحد يجدده كل تيرم وهوه اصلا مش بياخد وقت خالص



ثانيا للى ظهر ليهم Fail To Login انتو يا جماعه اتاكدو هل انتو دخلتو الموقع او الصفحه دى قبل كده
لو مكنتوش دخلتو عليها قبل كده فهتروحو الدور اللى فيه نادى المعلومات "مش متذكرة اسم الشخص"
بس قولو انكم عايزين الباسورد


لانى اول مرة روحت اعمل الكلام ده الاستاذ اللى هناك قالى اكتبى رقم الكارنية مرتين ف اسم المستخدم وكلمة المرور .....جايز بقى هيعطوكو كلمة مرور جديدة
وان شاء الله مفيش مشكلة
انتو بس اعرفو كلمة المرور وبعد كده انتو اللى هتتحكمو ف صفحه الاستبيان والايميل
وابقو قولولى عملتو ايه