كما تدين تدان "قصة واقعية" احب انكم تقرأوها
السلام عليكم جميعا
انا كنت عاوزة اكتب الموضوع ف العام بس مش مسموح فيلا كتبته هنا بقى
النهارده كنت بتفرج على قناة دريم وطبعا كلكم عارفين برنامج الحقيقة
كان قصته النهارده عن شخص من الدقهلية ..الشخص ده خطف طفلة صغيرة بنت ناس جيرانه يعنى بيتهم جمب بعض علطول
طبعا الاهل لاحظو اختفاء البنت وبدأو يبحثو عنها وطبعا جارهم ده اول من بدا بالبحث ..مش جارهم والجيران لبعضيهم
وظلت البنت البريئه دى مختفيه تصورو لمدة 24 شهر البنت مش ظهرت
وتصورو بقى حالة الام اللى مش عارفه طفلتها عايشه ولا ميته
والغريب بقى ان كل يوم الجار ده بيسأل جد البنت عنها ..."يا عينى صعبانين عليه"
وبعد فترة طويلة جالهم تليفون الساعه اربعه الفجر ...ولما ردو على التليفون لقيوه صوت متسجل وبيقول ليهم بنتكم ف الحفظ والصون وعايشع بس عاوزين 50 الف جنية ميات وقالولهم على امارة ثتب ان البنت بنتهم ..وتيقن الاهل ان فعلا اللى كلمهم هوه اللى خطف البنت
ونفذو طلبهم وراح الجد عشان يعطيهم الفلوس وقال ليه ارمى الفلوس ...فقال ليه طب فين البنت
قاله البنت هتيجلكم ...طبعا الجد خاف من الرصاص اللى سامعه وترك ليهم الفلوس
وتعدى الايام والشهور والبنت الصغيرة مش رجعت
وجاء اليوم اللى بدات تتكشف الامور ...زوجت اخو الشخص اللى خطف البنت ندهت على الجد
وقالت ليه انا شاكة ف زوج اخى انه اللى خطف البنت لانه اصبح غنى ولان زوجته حكت لى عن موقف حصل وانه اعترف ليها بالكارثة دى
ودار حوار بينهم ..
وقالت الست دى للجد فاكر يوم ما ماتت بنته "الشخص اللى خطف الطفله"
قالها ايوة واحنا جينا وقدمنا العزاء
قالتله يومها لما ماتت البنت قال الزوج ده ذنبك يا ياسمين
طبعا خرج هذا الكلام بغير وعى منه وكشف ربنا حقيقتة اللى خباها عن كل الناس
وواجهته زوجته واعترف ليها وهددها ...لكن لاشىء يعلو فوق الحق
واكتشفت الحقيقة والشرطة قبضت عليه
نيجى بقى للشىء الغريب واللى هوه كيف ماتت بنته واللى وهل رجعت البنت اللى خطفها ولا لأ
اولا بنته دى ماتت بعد ما اخد الفلوس بشهرين
وسمعت ان البنت الصغيرة اللى لسه بتحبى ماتت غرقا فى جردل المياة فى بيتهم لما كان باباها نايم جمبها سابته وراحت عند الحمام وحصل الغرق
نيجى بقى للكارثة التانية واللى ذهلت لما سمعتها واللى هيا ان الشخص ده موت البنت اللى خطفها ف يوميها وقال انه وضع راسها ف جردل المياة ولم تأخذ غير 3 دقايق وماتت البنت
شوفتو وبعد ما موتها نزل مع اهلها يدورو عليها على اساس انه شهم ولازم يكون جمب جيرانه ف الوقت ده
بجد كان عندى امل ان البنت دى تكون عايشه لكن سبحان الله
كما تدين تدان زى ما موت ياسمين بنته ماتت بنفس الطريقة
اسفه انى طولت عليكم بس انا حاولت انى اختصر احداث كتيير
وبالمناسبة الشخص حكم عليه بالاعدام
ولكن
هرب من السجن
دعواتكم انه ياخد حسابه ف الدنيا والاخرة
وحسبى الله ونعم الوكيل
رد مع اقتباس
المشاركة الأصلية كتبت بواسطة mr_toxic
