هيا بنا نقرأ القرآن ..........

[Anas]

بسم الله الرحمن الرحيم

ازيكم يا دكاترة ....... و ايه اخبار الاجازة
يا رب نكون كلنا بخير

أكيد فى مننا كتير و الحمد لله مواظب على قراءة القرآن
و فى ناس تانية -قد أكون منهم- ممكن يكسل فى بعض الاوقات

ملخص الفكرة اننا نساعد بعض ....... مجرد القراءة ... و اللى بيحفظ أو بيراجع يبقى كويس جدا

و البداية مع غرة شهر رجب ....... بجزأ واحد فى اليوم
تعالو نحسبها مع بعض
الجزء فى مصحف الملك فهد تقريبا عشرين صفحة
لو قسمناهم على أربع مرات فى اليوم .. يبقى كل جلسة خمس صفحات بس
الموضوع سهل و بسيط .. مجرد مجاهدة النفس و الصبر و الاستمرار

لان ربنا سبحانه و تعالى قال فى القرآن " واصبر نفسك مع الذين يدعون ربهم "

و بإذن الله مع بداية الشهر القادم .... و هو شهر شعبان نرفع الورد اليومى لجزئين
بحيث ان شاء الله فى رمضان نوصل لـ 3 أجزاء فى اليوم

ممكن تبان انها صعبة فى الأول لكن مع المجاهدة ربنا هيوفقنا و يساعدنا

و اللى ميقدرش فى أى يوم يقرأ لاي ظروف ممكن تمنعه من القراءة أيا كانت
يحاول يلحقنا و يعوض اللى فاته فى الأيام التانية

و ربنا يوفقنا كلنا ... و ينفعنا بالقرآن ........... آمين

[زهرة الياسمين]

جزاكم الله خيرا
واعاننا على تدبر القرآن وحفظه
وجعلنا من اهل القرآن الذين هم أهل الله وخاصته
آمــين

[Dr. Baher]

شكر جزيلا يا د انس علي التذكرة

اريد ان اقول لكل و احد فيكم ................... لا تترك يوم تعيش فيه دون النظر المصحف

يمكن ان تنظر اليه فقط لان النظر فيه عباده

المرحله الثانية ان تتعلم كيف تقراه فقرائته بتجويد هو فرض عين علي كل من يقرا و يكتب

و هذا من امر (و رتل القران ترتيلا)

و تاتي المرحلة الاخيرة و هي حفظه

و جزاكم الله خيرا

[د\بوسى ربيع]

فكره جميله جدا يا دكتور انس بس لو ممكن يبقى فى حد هنا معانا يساعدنا فى تفسير القران يبقى شىء جميل اوى

[Dr/AM]

جزاك الله خيرا يا دكتور انس
بس كان نفسى يكون العنوان بجد هيا بنا نحفظ كتاب الله
نفسى الفكره دى تطبق فى منتدانا مع العلم انها طبقت فى منتديات اخرى ونجحت والله نجحت
والموضع دايما كان بيكون مرفوع فى البدايه لان كل المشتركين فيه كانوا بيدخلوا يرفعوه عشان يكون دايما فى المقدمه
ياريت الاقى للفكرة دى قبول ونطبقها اتمنى ذلك ان شاء الله

[Chemy-chan]

جزاك الله خير الجزاء و جعله في ميزان حسناتنا اجمعين

[Anas]

السلام عليكم
جزاكم الله جميعا كل الخير علي التعاون علي البر و التقوي

كان في فكرتين خطرو علي بالي و حبيت أقولهم

الأولي : اللي يقف قدامه اي حاجة صعبة او مش عارف معناها سواء اذا كان
يقولنا هنا و إن شاء الله يلاقي تفسيرها

التانية : طبعا و احنا بنقرأ ممكن يستوقفنا معني او آية تدبر فيها
يا ريت ميحرمناش من الثواب العظيم ده و يشركنا معاه


و محدش ينسي
ان شاء الله بكره الجمعة اول رجب
يعني في وردين هيتقرأو
الجزء الأول و سورة الكهف
ربنا يساعدنا و يعينا جميعا

اللهم تقبل ......... آميييييييين

[dr queen]

جزاكم الله خيرا د/أنس ،
ربنا يعينا ويهدينا ان شاء الله ،
وان شاء الله يكون حفظ ومراجعه ، مش قراءة بس .

وكل عام وأنتم جميعا بألف خير .

[Ramy Saad]

ماشاء الله الموضوع جميل وفكرته أحلى بالضبط زي موضوع د . زهرة الياسمين
وبالنسبة للكلمات الصعبة سيبوها عليا أنا هدور عليها عندي أكتر من كتاب في الموضوع ده وأديني باستفاد أنا كمان
شدوا بس حيلكم في الموضوع ده وربنا يكرمنا جميعا ويرزقنا الإخلاص
وبالتوفيق لموضوعات أكثر فائدة
جزاكم الله عنا خيرا

[Ramy Saad]

طول عمرك سباق للخير يا أنس