مش عاوز تخاف ليه....؟؟؟؟!!!!!

[شاعره البحر الصغير]

مش عاوز تخاف ليه.................؟؟؟؟؟!!!!!




وبنسأل نفسنا....تهنا فى الارض ليه؟؟؟
دا الجواب جوانا وبندور عليه.........!!
بس لو ركزنا شويه وواجهنا نفسنا بيه
يمكن ..نوصله وساعتها بس هنلاقيه
محفور جوانا بس عميانين عليه
بقصدنا والا مش بقصدنا
لكننا راضيين مش عاوزين
نوجع دماغنا بيه...وندور ليه عليه
ونحسس نفسنا بالالم ليه

ما الحياه حلوة طب ليه نعكرها
ونلوم نفسنا .....بالله عليك قول ليه؟؟

انا عايش وزى الفل..وذنبى ده ناسيه
ليه بس بتفكرنى ليه؟؟؟؟؟؟!!!!
دا انا ضميرى صاحى والله
ولو فكر فى كلامك هيبقى كتير عليه
سيبه بقى فى حاله انا مش ناقص
يمكن معرفش بعد كده اراضيه
بيقولوا ساعه لربك وساعه لقلبك
وعمرى قصير سيبنى اتهنى بيه

الله ع الامثال لما بنطلع وقت اللزوم
وعلى كيفك ومزاجك وهواك
بس مش ده اللى ربنا قال عليه
امثال كتير بنقولها وكلام مش حاسين بيه
يقولك اللى يحتاجو البيت يحرم ع الجامع
خلاص.........حرمتها.يا ساعت البيه!
يقولك لا بترحم ولا بتسيب رحمه ربنا تنزل
خلاص........هى الرحمه بايدك والا ايه؟
تقولك يدى الحلق للى بلا ودان
لا والله ليها ودان زيك بالظبط
ما تنضفى جواكى بقى والحقد ده شيليه
يقولك كتر السلام يقل المعرفه
وحديث رسولك اللى بيقول
(افشو السلام)ماسمعتش يوم عليه

وايمانات بنتلاعب بيها وكل ده ليه
بتكدب على ده وتنافق ده عشان ترضيه
لحساب مين وهترضي مين ما تعقلها
وشوف مين واجب تراعيه وترضيه؟!
وتخلص له وتقدم الطاعه بين ايديه..

فكر فى كلامك قبل ما تقوله
واعرف ان وقتك ده هتكون مسؤل عليه
وتهاونك فى افعالك ونسيانك لذنبك
هيجمد قلبك مش عايز تخاف ليه؟؟!
مش عايز تخاف ليه؟؟؟؟؟؟؟؟؟؟؟؟!!

[samehgg_2004]

عندك حق فكل كلمه ولتيها ربنا يهدي الناسجميعا ويقربهم من ربنا ويصحي ضميرهم

[شاعره البحر الصغير]

عندك حق فكل كلمه ولتيها ربنا يهدي الناسجميعا ويقربهم من ربنا ويصحي ضميرهم

اللهم انا نعوذ بك من
علم لا ينفع
ومن قلب لا يخشع
ومن عين لاتدمع
ومن دعوه لا يستجاب لها

[عامر إبراهيم]

جزاك الله خيرآ يا دكتورة.

[Ramy Saad]

ماشاء الله كلام جميل

[:|©؛°¨¨°؛©الصيدلى الذهبى©]

والله قابل كل شىء حلو او مر بابتسامه هتلاقيه بقى سهل يعنى مثلا لو حصلك مصيبه وزعلت هتخف عنك بالعكس انت كده بتزودها عليك فابتسم دائما تبتسم لك الحياه

[* Esraa_resala *]

GAZAKE ALLA KOL KHEAR
WF3LAN KLAMEK TMAM GDAN
BAS YARB N3ML BEH
rabena yehdena game3n lema yohboh w yartah

[شاعره البحر الصغير]

ماشاء الله كلام جميل

[Chemy-chan]

الصراحه مش عارفه اقولك ايه
كل اللي قلتيه لاغبار عليه
و الغريب ان اكتره كنت بسال نفسي عنه واقول ليه؟؟
ليه الناس بتقول كلام ولا هي عارفه عواقبه ايه!!
تسلم ايديكي الحلوه عالشعر الجميل...
و بجد بجد...ما شاء الله عليكي و عليه !!

أختك في الله

[B@Ssma]

بجد كلامك ده اكتر من رائع ........ بجد اتر فيا كتير

وفعلا معظم الامثال اللى بتتقال دى كلها غلط ف غلط ... بس هنقول ايه ؟؟؟

جزاكى الله كل خير ...وربنا يهدينا جميعا