فى لجنة إمتحان الفارما للفرقة الإعدادية (هيس معانا)
الساعة التاسعة صباحآ
وبدأت لجنة إمتحان الفارما للفرقة الإعدادية
والكل داخل بيقول يارب إسترها معانا
الفارما صعبة أووووووووووى
يارب تعدى على خير
ونشوف كل واحد هيعمل إيه بعد إستلامه ورقة الأسئلة
الكل متنح ونايم على روحه من فرط الدهشة والتعجب
إيه ده
هو إحنا أخدنا الحاجات دى يا جماعة؟
أحمد محمد شاف أول سؤال وكان هيعيط من كتر الغيظ
يتجاوب إزاى السؤال ده يا ساد بيرد
يابنى رد علية
إنت اللى جنبى
هجيب حد غيرك منين دلوقتى
آآآآآآآآآآآآآآآآآآآآآآآآآآآآه
فينك ياعراقى
ياريتك كنت جنبى الساعة دى
مش عارف أجااااااااوب
إهىء إهىءإهىء
طويب
أشوف السؤال التانى
يانهار مش فايت
لا بقى
دى مؤامرة ومعمولة ضدى
فيه حد بيضطهدنى فى الكلية
ولا السؤال ده كمان عارف إجابته إيه
هما جايبين الأسئلة دى منين بس
وفضل أحمد محمد على هذا الحال
ينتقل من سؤال إلى سؤال
ولا يعرف لهم أى إجابة
ودعا رب السماء
أن ينقذه من هذا العذاب
وقال يارب
ياااااااااااااارب
إفرجها علية ياكريم
وتلفت يمنة ويسرة
وشاف زميله أحمد على نازل كتابة ودافن وشه فى الورقة
قال بس
جالى الفرج
وقرب الكرسى بتاعه شوية من زميله أحمد على
وضرب نص عين كدة ناحية المراقبين
لقاهم مش واخدين بالهم منه يعنى
وهمس بصوت خفيض
يا ميدو ياحمادة
إنت ياااااااااااااااااد
رد علية
عايز إجابة السؤال الأول
يلا بسرعة
قرب ورقتك منى شوية
وأنا هنقل الإجابة
وقرب أحمد على ورقته من أحمد أبو سماعين عشان يغش
وبالعافية عرف أبو سماعين ينقل الإجابة من زميله
وقال فى نفسه
يابنى مش تحسن خطك شوية
هو ده خط يتقرى يابنى
ده عامل زى نبش الفرااااااخ
أحس أبو على إن أبو سماعين بيسخر من خطه
قال فى نفسه هو الآخر
ياأخى إحمد ربنا إنى سايبك تغش منى وتنجح على قفايا
إيه مفيش شكر أبدآ
ونسيب بقى أبو أحمدات
ونطلع على لجنة تانية
نطلع على لجنة حرف الميم
ومعانا فى اللجنة
مازن بجلالة قدره
ومحمد العراقى طبعآ
قاعدين ورا بعض
ومازن محتاس زى عوايده ونازل ضحك مش عارفة ليه
مذهول باين من الأسئلة يعنى ولا إيه
وشاف صاحبنا العراقى نازل إجابة هو كمان
ياحظك الحلو يامازن
ربنا بيحبك يااااااااد
ربنا عارف
إنت تعبت أوى إمبارح وسهرت تراجع
لكن كله إتمسح من مخك أول ماشفت الهيروغليفى اللى فى ورقة الأسئلة دى
واد ياترايلس
إنت ياوااااااااااااد
ياللى قدامى رد علية وعبرنى بإجابة من إجاباتك ياعبقرى
قرب منى حبة ياعراقى
ياد إنت ماتكبر خطك ده شوية
ده أنا عايز لى منظار عشان أشوفه
إيه الخط المنمنم ده
ياعم إنت داخل مسابقة خط
آل يعنى الواد واثق من نغسه أووووى
مش يمكن بتجاوب غلط وهتوقعنى معاك
بس أعمل إيه
مش لاقى غيرك قدامى
ياترايلس
إنجز يابنى
الوقت أوشك على الإنتهاء
ولسة بنقل إجابة السؤال التالت
يلا ربنا يكرمك ويكرمنا
ونرجع تانى لأحمد أبو سماعين فى لجنته
ونشوف كاكا بيعمل إيه هو وأحمد سماحة
هما الإتنين قاعدين ورا بعض برضه
كاكا بينادى على سماحة
وسماحة مش سائل فيه
وكاكا بيحاول يستعطفه
يا سماحة ياحبى
أبوس إيدك
إدينى إجابة
هروح فى الكازوزة كدة يا سموحتى
هعيط حرام عليك
يخونك الكفتة والكباب اللى كنت بعزمك عليهم بعد المحاضرات
إخص عليك إخص
ربنا يسامحك
لا كفتة ولا كباب بعد اليوم
أسقط أسقط مش مهم
وطبعآ
كاكا صعب على سماحة
راح مقرب له ورقة الإجابة وسابه يغش براحته
ونروح نشوف البنات عاملين إيه
منى ومى وخلود وبسمة
ياخبر أبيض
يانهار زى بعضه
البنات هتقطع بعض
خناقة كبيرة
منى بتخبى ورقتها من مى
ومى شايطة ع الآخر
ومستحلفة لمنى
ماشى يامنى
لما بس نخرج من اللجنة
هتشوفى هعمل فيكى إيه
ومى بقى تقول لها
هههههههههههههههه
ولا يهمنى أبدآ منك
حد قالك متذاكريش ياختى
أما بسمة وخلود دول بقى عسل خالص
خلود مسكت جنبها اليمين بإيديها وقالت آه ياجنبى
جابوا لها الدكتورة تديها حقنة مسكنة
وبسرعة بسرعة
خلود طلعت البرشامة اللى معاها وكان فيها إجابة السؤال الأول
قالت أهو حتى الواحد يكتب حاجة
ولا يعنى أسيب الورقة فاضية خالص
وبسمة بقى اللذيذة عملت إيه
قالت لهم أنا عطشانة أوووووى
جابوا لها زجاجة مياه معدنية مثلجة
راحت بحركة خفيفة وسريعة
دلقت المية على بلوزتها
وقالت لهم ياخبر
لازم أخرج حالآ أنشف بلوزتى
وراحت تجرى وطلعت البرشامة بتاعتها من جيب الجيبة وغشت بسرعة إجابة السؤال الرابع
ودخلت تكمل إمتحانها
وعدى الوقت وأخذ المراقبون فى لم أوراق الإجابة من الطلبة والطالبات
وخرجوا جميعآ من لجنة الإمتحان
واللى نازل على مازن بالضحك
واللى نازل على أبو سماعين بالذهول
واللى نازل على كاكا ماسك سماحة وهاتك ياشكر
ربنا يخليك لية ياسموحتى
إن شاء الله لما أنجح هجيب لك هدية معتبرة
إتنين كيلو كباب وكفتة
ههههههههههههههه
واللى نازل على مى ومنى
مى ماسكة منى
وتقولها هقطعك يامنى
وماسكين فى خناق بعض
حد يحوشهم ياجماعة
حد يخلص
لا ومازن نازل ضحك برضه
ويقول إيه
على رأى المثل (ماينوب المخلص إلا تقطيع هدومه)
هههههههههههههههه
ويقول بينه وبين نفسه
فينك ياماهى
بلعب أهو لعبة الأمثال الشعبية حتى وأنا خارج من الإمتحان
وبسمة وخلود طالعين ياعينى معيطين بقى
هو سؤال واحد اللى جاوبوه
قصدى غشووووووووووووووه
هههههههههههههههههههههههه
والأمل فى ربنا كبير
وأبو سماعين والعراقى وأحمد على
طالعين بقى مهيسين
ده إمتحان يجيبوه لنا
ربنا يستر ويعديها على خير
إنسوا ياجماعة وكبروا
وركزوا فى اللى جاى
اللى جاى
الفيزيا
ياحلاوتها
ونسيبهم بقى يروحوا يذاكروا الفيزيا
وربنا يوفقهم جميعآ
وشكرآ لكم
ماااااااااااااااااااااااااهى
رد مع اقتباس
