ها ... عملتم ايه ؟؟؟؟؟؟؟

[dr queen]

السلام عليكم ورحمة الله وبركاته .........
انا عايزه اعرف رايكم بقى ف امتحان الصيدلانيات النهارده ؟
يا ترى عملتم ايه ؟؟؟؟؟؟؟؟؟؟؟؟؟؟

طمنونى يالا .......

وماتنسوش امتحان الشفوى كماااااااااااااان.


يا رب تكونوا كلكم حليتوا كويس يااااااااااااااااااااا رب.

[m_pharmacist89]

بصراحة يا دكتورة امتحان الصيدلانيات مفيش بعد كده الحمد لله جزء دكتور اسامة كنت قلقان منه جه عكس توقعاتى تماما
والحمد لله الشفوى كان حلو كنت مع دكتورة external

وربنا يوفقنا فى العضوية المهم طمنينا بقى عليكى وياريت باقى الزملاء يطمنونا عليهم

[dr queen]

المهم طمنينا بقى عليكى

أنا الحمد لله حليت كويس ،
يمكن ما يكونش بالنسبه لناس تانيه كويس ،
بس أنا الحمد لله الحمد لله يعنى
بحمد ربنا انى حليت ،

جزء د/أسامه فعلا كان جميل وغير متوقع ،
بس لا يخلو من اللخبطه الرائعه
لانى داخله من غير ما اذاكر شويه فيه لا بأس بهم ،
وربنا يستر .........

والشفوى كمان الحمد لله كان كويس
وكنت عند دكتورة external برضه و كانت طيبه
وكنا اخر مجموعه عندها ............. بس درجاتها بقى ربنا هو الاعلم بيها ،

عقبال العضويه يااااااااا رب لما تعدى هى كمان ........
يكون فات الكتير وما بقى الا القليل .


بس انت ليه ما سجلتش توقعك لنتيجتك فى الصيدلانيات يا د/m_pharmacist89 ؟؟؟؟؟؟؟؟

[dr /roka]

النظرى كان حلو الى حد ما والشفوى عند دكتور الحسينى ربنا يكرمه سالنى فى تعريف syrup بس
المهزله الى حصلت علشان ندخل امتحان الشفوى لا يقبلها بشر
وكأننا فى يوم الحشر
حوالى نصف الدفعه عند الباب فى مكان ضيق جدا بالنسبه لهذا العدد
مفيش نسمه هواء
معامله سيئه جدا من العمال والمعيدين اللى بينظموا الموضوع
الى من اساسه يفتقد ادنى انواع التنظيم
وبعد طول اتنظار وبعد ما شربنا المرار وبعد ما الواحد انهار
دخلنا الساعه 2
من 11 ل2 واقفين على رجلنا فى زحام لا يوصف
كان قليل من التنظيم ممكن يحل الموضوع
نتمنى ان المأساه دى متتكرشش تانى
لانها ماساه لا تليق بكليه محترمه زى كليتنا

[Dr.Sheko0o0o]

سلام عليكو
ازيكم يا بنأدمين
الامتحان كان تمام أوي الحمد لله والشفوي كان كويس كمان
وبالنسبة لمشكلة الزحمة يا dr\ roka فالحمد لله محستش بيها غير بعد فترة وده لأني قرأت الأرقام في جدول تالتة (: تقريبا ورحت انا وواحد صاحبي قدام باب دكتور وفضلنا واقفين نص ساعة لا دكتور جه ولا حد من معانا في السيكشن ظهر بس كان شكلنا جامد أوي واحنا واقفين لوحدنا زي الهبل كده وبعد كده اكتشفنا الخدعة بأه ولقينا الزحمة فعلا
معلش بأه الصيدلانيات تعمل أكتر من كده ههههههههههههههههه

يلا خير ربنا يستر والعضوية تعدي على خير هي كمان

[RASPUTIN]

والله النظري كان ظريف الي ابعد الحدود....
اما الشفوي فكان تقريبا يشبه معسكرات الاستجواب النازيه....
الدكتوره كانت بتعد مع كل حمسه تقريبا نص ساعه....وطبيعي اسئله من خارج المنهج-external بقي-
بس الحمدلله كانت درجاتها حلوه.....

يلا اهي الصيدلانيات خلصت عقبال الباقي....وربنا معانا كلنا.......

[B@Ssma]

الحمد لله النظرى كويس جدااااااااااااااااااا
الصراحه متوقعتش انى احل كويس كده بالذات ف جزء دكتور اسامه
وسبحان الله كل اللى جه ف جزء د/ اسامه كنت مزاكراه ومجتش ولا كلمه من الجزء اللى مفتحتوش

الشفوى بقه ........ ف الضياع
ده كفايه الزحمه الرهيبه اللى كنا فيها ........ ايه ده ؟؟؟؟؟
دخلت للدكتور بعدها مش مستعده انى اجاوب ع حاجة اصلا وتقريبا كده مجاوبتش فعلا

يبقى ممكن اخد كاااااام ؟؟؟ بتهيالى مش هحصل عشرين

يالا الحمد لله اهو احسن من مفيش .... كويس انى حليت ف النظرى

[~Am@ny~]

بغض النظر عن الزحمه ............والفوضى وعدم النظام
الى يخليك تدخل الشفوى تتنح من الحر والبهدله الى كنا فيها

الا انه بصراحه امتحان كان كويس جداااااااا جداااااااااا
والرااجل قال فيه كلام زى الفل ....... الحمد لله

[Anas]

السلام عليكم ورحمة الله وبركاته .........
انا عايزه اعرف رايكم بقى ف امتحان الصيدلانيات النهارده ؟
يا ترى عملتم ايه ؟؟؟؟؟؟؟؟؟؟؟؟؟؟

طمنونى يالا .......

الحمد لله الامتحان كان جميل جدا

و معلش يا جماعة محدش يزعل منى لو قلت ان جزء د/الحسينى تقريبا محليتهوش .!!!!!!

لانه كان قال انه هيجيب الامتحان أكمل و اختيارى و صح و غلط و مراجيح و حلاوة

وانه مبيحبش اسئلة المقال خاااااااالص ....... " و ده كان واضح من الامتحان ..... 25 نقطة أكمل "

و انا صدقت .......... و حصل اللى حصل و كانت الاجابات " أجب بنفسك "

يللا ................ خييييييييييير

وماتنسوش امتحان الشفوى كماااااااااااااان.

ده الحاجة الوحيدة الحلوة اللى حصلتلى النهاردة .... " بعد جزء د/ أسامة "

كان عند دكتورة من القاهرة و كنا أول ناس ندخل.......... و الحمد لله "

يا رب تكونوا كلكم حليتوا كويس يااااااااااااااااااااا رب.

الحمد لله على كل حااااااااااال

المهزله الى حصلت علشان ندخل امتحان الشفوى لا يقبلها بشر
وكأننا فى يوم الحشر
حوالى نصف الدفعه عند الباب فى مكان ضيق جدا بالنسبه لهذا العدد
مفيش نسمه هواء

احمدو ربنا انكم و قفتو فى الطرقة ... على الاقل كان ممكن تخرجو لو زهقتو

انما كنا احنا اربع أولاد فى وسط **** من البنات واقفين قدام المكتب " و الدكتورة لسه مجتش أساسن "

لدرجة اننا دخلنا فى دورة المياة اللى كانت مفتوحة جنبنا ..........

يلا .................. خيييييييييييييييييير

[DR\TARE2]

لووووووووووووووووووووووووووووووووووووووووووووووووو ووووووووووووووووووووووووووووووولى
الحمد للة يا جماعة الامتحان كان فمستوى الطالب الى زيى
انا والاهى كنت داخل الامتحان وحاسس انى مش هفتكر اى حاجة فاى اتجاة لكن الحمد للة جزء دكتور اسامة كان جميل طبعا انا لما استوعبت انو كويس كان فات نص الوقت اى نعم كان فية حاجات وغلطات كدة بس اهو احسن من مكان الارسال يتقطع خالص
وجزء دكتور الحسينى كان روعة والاهى الواحد يلم منو درجات وجزء دكتور عبد المنعم كان سهل الى حد ما اى نعم كان فية شوية غلطات كدة منى بس اهو الحمد للة
والشفوى دخلت لدكتورة اكسرنال بس كانت طيبة جدا وسالتنى فحتة من الامتحان
عقباااااااااااااااااااااااال العضوية