تعالو نتكلم بصراحة

[ahmed2006]

تعالو نتكلم بصراحة

فى البداية أنا واحد من المواظبين على الحضور رغم ذلك نسبة النجاح 70% كل عام واضح طبعا المستوى ثابت
قدراتى على الحفظ ضعيفة جدا والكلام ده من الثانوية العامة وهى ده الامكانيات
وعندما سمعت رأى أحد الزملاء فى الحضور قررت أن بكون هناك وقفة
وهذا الرأى يقول (كنت أحضر وأجيب 80% وماحضرتش وبرده 80% اذن من الأحسن ماأحضر ولكن الفرق هو لما كنت أحضر أفهم 60% وأحفظ 20% ولم أحضر فهمت40% وحفظت 40%)
أناعاوز الناس تكلم عن رأيها فى الكلام ومنتظر الردود
لكن الآن تعالو نقسم الطلبة فى الكلية الى 4 أقسام
القسم الأول ناس بتحضر وبتجيب تقدير جيد جدا وامتياز
ونلاحظ أن هؤلاء من داحل المنصورة أو مقيمين فى المدينة الجامعية وعندهم قدرات على الحفظ جيدة
القسم الثانى ناس بتحضر ومفيش تقدير أو جيد
ودول عكس الأول من خارج المنصورة وقدرات ضعيفة على الحفظ وده له حل بس الى عاوز يحفظ
القسم الثالث ناس ما بتحضر وبتجيب تقديرات عالية ومنهم مرتب
ودول معروفين راحوا الدروس وقدرات عالية غلى الحفظ ماساء الله
ورغم المجهود الكبير المبذول من قيل أصحاب الدروس الا انهم مابيفهم شئ الا من رحم عارفيييييييين لييييييه
وأنا لاحظت الموضوع ده بنفسى
القسم الرابع ناس لاحضور ولا تقدير
ودول مش فى دماغهم الموضوع أصلا وبعد التخرج لن يقحمووووا أنفسهم فى هذا المجال

ياجماعه اعتقد أنتم عرفتم
لييييه الصيادلة ما بيفهموووا والى مش عجبه الكلام أنا ممكن أثبت ذلك
وكمان عرفنا ليييييه الدروس
أنا منتظر الردود

[dr noha]

تسمحلى أقولك رأيى يا ahmed2006

ياريييت ما تخليش جواك قناعات ممكن تقلل من قدراتك بعد كده ..
و الناس مش زى ما انت صنفت كده حتى لو كان دا الشكل اللى بيبان
هى الفكرة بس تكون محدد انت عاوز ايه بالظبط
و لازم برضه يكون هدفك فى حدود امكانياتك علشان ما يحصلكش احباط ...

يعنى مثلا مرة دكتور فى المحاضرة قلنا أسوء مذاكرة هى مذاكرة اللى عايز ينحج او يقدر و خلاص
بغض النظر بقى انه يفهم او لأ .. و برغم تأيدى المطلق لكلامه و اننا اصبحنا فى عالم أسهل حاجه فيه انى احفظ بيانات او استرجعها من على اى جهاز فى ثوانى .. إلا أنه وقتنا فى كليه فعلا كان ضيق لاننا نفهم كل حاجة صح ... و كمان طريقه الامتحان كانت بتبقى مشكله ساعات
يعنى انا طبعا كان بيبقى حظى من السما لما يجى الامتحان mcq برغم انه ساعات بيبقى اصعب شويه
بس اعتقد العالم كله بقى كده دلوقتى ... المهم انى أكون فاهم مش حافظ و خلاص
و برضه المفروض الدكتور يكون شرحه على نفس مستوى امتحانه
ويكون عنده هدف حتى لو كانت معلومه واحده بس يكون متأكد إن شاء الله 95% على الأقل من الناس فهموه "دا مجرد رأى"

بس الخلاصه من الكلام على فكرة
أن اهم حاجة فى رأيى هى مذاكرتك انت سيبك بقى دروس او محاضرات او سفر
الوقت اللى بتقعده مع نفسك و تذاكر فيه أهم من أى حاجة تانيه
وحضور المحاضرات بيساعدك على انك تفهم اسلوب الدكتور "مش كلهم طبعا "
أوهو بيحب الاجابه تبقى عامله ازاى أو على الأقل استفيد من خبرته فى الحياه
و أعتقد عدنا ناس حقيقى يستحقوا اننا نحضرلهم
و ربنا يوفقك ان شاء الله

[elsaid2087]

يادكتور احمد المشكلة ان اللى عايز يذاكر بيذاكر عشان امتحان واحنا كلية هنستخدم اللى بندرسه بعد التخرج ودى الكارثة زى طب بالضبط الواحد يقعد يحفظ الست سنين ويخرح لا يفقه اى شى فى اى شى يعنى ملخص الكلام ان جميع طلاب مصر بيذكره عشان امتحان مش عشان العلم فى حد ذاته الا ما رحم ربى سواء باى طريقة يرتاح ليها بس المهم عنده انه يعدى نظيف ............ وهذا مجرد راى..

[soso.love]

انا كمان زيك يادكتر لااستطيع الحفظ بس انا اكت شفت ان مع كتر المذاكرة المعلومة بتثبت يعنى عندك مثلا امتحان الصيدلانيات بنعانا كان جاى20درجة على ارقام وانا ماكنتش حفظاهم بس لانى كنت مذاكرة المادة اكتر من مرة فلارقام ثبتت فى دماغى وجبت فيها جج هو الموضوع بس عاوز شوية صبر وشوية مذاكرة

[ahmed2006]

هو مين الى هيغير احنا الى نغير فى الناس ولا العكس
اعتقد أن المشاكل والأخطاء الى بتحصل فى الصيدليات الآن دليل واضح على كل الى بقوله

[ahmed2006]

انا كمان زيك يادكتر لااستطيع الحفظ بس انا اكت شفت ان مع كتر المذاكرة المعلومة بتثبت يعنى عندك مثلا امتحان الصيدلانيات بنعانا كان جاى20درجة على ارقام وانا ماكنتش حفظاهم بس لانى كنت مذاكرة المادة اكتر من مرة فلارقام ثبتت فى دماغى وجبت فيها جج هو الموضوع بس عاوز شوية صبر وشوية مذاكرة

أكيد بس لازم انت ماكنت بتحضر فعند الوقت