هل لبس المرأه يحدد أخلاقها؟؟؟؟

[dark13angel]

لبس الشعوب بأنواعه يعتبر منظر حضاري وتاريخي فأحيانا يتم التعرف على جنسية الشخص وبلده من خلال لبسه .

ولكن بعد ظاهرة الانفتاح والعوامل التي ادة الى جعل الكره الارضيه كقريه واحده تداخلات الحضارات مع بعضها وغيرت ازياء واشكال الملابس .

ولكن ...

هل اصبح البس وسيله لتحديد شخصية الانسان واخلاقه ؟

الفتاة تلبس قصير=غير شريفه وتهين سمعت مجتمعها

الفتاة تلبس ضيق=غير شريفه وتهين سمعة مجتمعها

الفتاة لبسها واسع=انها حقا 100%

الفتات لبسها اسلامي=هذه الفتاة آية من الأخلاق

هل هكذا أصبحت الأحكام الآن .. ؟

وهل هي بنظركم صحيحه .. ؟

أرجوااااااااااااااااااا منكم الاجابة بكل صدق ومنطقيه

واتمنى من الجمييييييييع انه يتفاعل مع الموضوع

وياريت يا كلام نواعم

تتبنو موضوعي

وتناقشوه من وجهة نظرتكو يمكن فيه حاجات انا مش شايفاها

SEE U

[lost*soul]

عمر اللبس محدد شخصيه اى حد
بنات لبسهم كويس وبيعملو حاجات مفيش بنت م الى شايفنها بتلبس وحش تقدر تعملها

كمان ف بنات منتقبات وانا بكره التعامل معاهم وبنات لبسهم عادى وبموووووت وبرتاح ف التعامل معاهم

ف النهايه ف ناس بتحكم بالمظهر الخارجى بس العاقلين مش بيحكمو كدة

[qamar el zaman]

لا مااظنش ابدا ان اللبس ممكن يحدد اخلاق المرأه كتير اوى بيبقو لابسين ضيق او مش الزى الاسلامى يعنى بس بتبقى اخلاقهم عاليه جدا والعكس بردو فى حاله لو حد لبس الزى الاسلامى ممكن يكون بيتخفى فيه ودى حاجه بقت شائعه اوىىىىى دلوقتى بس على العموم المفروض محدش يحكم على حد غير لما يعرفو الاول والا مايتكلمش اصلا
وبجد فعلا دا موضوع جميييييييييييييييل ومهم اوى ميرسى يا سمر

[MaHoRa]

هو بصراحه مش بيحدد اوي بس عادي

بيدي انطبعا او دجزء بسيط يعني زي ما قلتوا في ناس بتلبس جينز بس مش بتبقي حجات اوووفر يعني

لكن في حجات من الاول بيدي انطباع وحش جدا وبتبقي يعني خلاص مش مستريح

[ماهيتاب]

لا مااظنش ابدا ان اللبس ممكن يحدد اخلاق المرأه كتير اوى بيبقو لابسين ضيق او مش الزى الاسلامى يعنى بس بتبقى اخلاقهم عاليه جدا والعكس بردو فى حاله لو حد لبس الزى الاسلامى ممكن يكون بيتخفى فيه ودى حاجه بقت شائعه اوىىىىى دلوقتى بس على العموم المفروض محدش يحكم على حد غير لما يعرفو الاول والا مايتكلمش اصلا
وبجد فعلا دا موضوع جميييييييييييييييل ومهم اوى ميرسى يا سمر

وهو ده بالظبط ردى على الموضوع بتاعك يادكتورة سمر كريم
يعنى رأيى متفق مع رأى حبيبتى الدكتورة قمر الزمان والمكان
ولكم تحياتى جميعآ

[violet]

لا طبعا ما اظنش ان لبس المراه بيدى انطباعا عن اخلاقها
لان فى ناس كتيره ملتزمه جداااااا فى لبسها بس طبعا ده مش دليل ان اخلاقها تمااااام
لان اللبس ده بيتحكم فيه عوامل مثلا ممكن التعود على نظام لبس معين وطبعا فى اسر متشدده ان بناتها لازم تلبس واسع وملتزم وفى اسر تانيه مش متشدده اوووووى للدرجادى
يعنى من الاخر عمر ما كان نظام اللبس ده بيدل على شخصية المراه
موضوع جمييييييييييييييييييل يادكتوره الف شكر وتقبلى مرورى

[Aésmaïl]

موضوع جامد يا سمر تسلمى عليه

بس هوه فيه حاجه ..

فيه بعض الناس بتحكم على الأشخاص من مظهرها
وبيقولوا ان الجواب بيبان من عنوانه ..بس مش معنى كده ان الملابس او استايل اللبس بيبن الجوهر الداخلى للإنسان ده .. فده يعنى مش صحيح بنسبه كبيره ..

لأن اى انسان بأخلاقه وبإسلوبه وبتعاملاته مع الناس
فمفيش اى حد يحكم على حد غير لما يكون عارفه او ليه تعاملات معاه
وفى الحاله دى يقدر يحكم وينقد فيه زى م هوه عاوز

بس الموضوع ده بيثير مشكله الوقتى اللى هوه عدم التزام بعض الفتيات بالزى الإسلامى
وده بيرجع لعده اسباب الإنفتاح على المجتمع الغربى والتقليد الأعمى اللى معظم الناس بتعمله الوقتى شباب وفتيات .. بس بالنسبه للشباب فأرى ان الموضوع اقل خطوره من الفتيات لأن ده بيأثر بعد كده على حاجات تانيه ... ويعنى لو البنت عاوزه تلبس استايل وموضه وكده اوك بس مش تبقى اوووووووووفر زى م مهوره قال

وسورى على الإطاله

[°ღ(｡كلام نواعم｡)ღ°]

شكرا يادكتر سمر على الموضوع الرائع دا

وياريت يا كلام نواعم

تتبنو موضوعي

وتناقشوه من وجهة نظرتكو يمكن فيه حاجات انا مش شايفاها

بجد حلو اوي بارك الله فيكي....ويارب يارب نعرف نناقش الموضوع زي ماحضرتك تحبي

بصي ياجميل انا من رائي ان لبس البنت مش دليل على شخصيتها خالص
بس في نفس الوقت بيعكس تفكريها ازاي وطريقة حياتها ونظامها وطباعها
والى حد ما بيعكس برده الحال النفسية
يعني لما البنت تكون صاحية من النوم رايقة تلبس وتنزل الكلية
غير خالص لما تكون صاحية من الصبح عشان تلحق السكشن
بتبقى نازلة يادوب شايفة ادامها

والكلام دا مينطبقش على كل البنات برده
لان فيه بنات بتهتم بنفسها وبلبسها اي وقت واي زمان
وساعات كتيرة الاهتمام الزايد دا بيتحول ل تبرج او بهرجة

وفيه بنات مبتهتمش باللبس والموضوع دا وعادي عندها ....وبيوصل ساعات لدرجة الاهمال فالنفس

ف خير الامور الوسط في كل امور الحياة
وبرده موضوع اللبس مفروض انو ميزدش عن حد معين
مفروض لما البنت تنزل الصبح من البيت تبص فالمراية وتراعي انها في مجتمع شرقي عربي اسلامي ليه عادات وتقاليد اللي لازم نحافظ عليها

واحنا كان لينا شويا تعليقات كدا على الردود :

كمان ف بنات منتقبات وانا بكره التعامل معاهم وبنات لبسهم عادى وبموووووت وبرتاح ف التعامل معاهم

طيب انتى على اي اساس حكمتي على المنقابات ؟ لمجرد النقاب يعني
بيتهيالي فيه تناقض فالكلام...لما تقولي في بنات منتقبات بكره التعامل معاهم ونفس الوقت تقولي :
ف النهايه ف ناس بتحكم بالمظهر الخارجى بس العاقلين مش بيحكمو كدة

لكن في حجات من الاول بيدي انطباع وحش جدا وبتبقي يعني خلاص مش مستريح

حسب اراء علماء النفس....اول انطباع هوا اخر انطباع
ودا بيبقى باللبس والمظهر طبعا

ويعنى لو البنت عاوزه تلبس استايل وموضه وكده اوك بس مش تبقى اوووووووووفر

اه طبعا مش شرط ان البنت تكون استيل او على الموضوع انها تأفور فاللبس....ممكن تحافظ على حدود الاحترام في لبسها وتنقي من الموضة اللي يناسب اخلاقها والمجتمع اللي هيا فيه

وشكرا اوي يادكتورة سمر على الموضوع دا
ومستنيني منك مزيد من المواضيع المتميزة

[dark13angel]

السلام عليكم ياجماعه
انا قريت جميع ردودكم وكان عندي تعقيب عليها

أغلبكم اتحد ان لبس الفتاه مش دليل على أخلاقها .....
وبرده اغلبكم اتحد ان في بنات كتير محجبات وملتزمات ومش كويسين
وبنات لبسهم مش قوي وكويسين


يعني كلكم جبتو العكس
طيب ماهو كمان في بنات محترمات ومحجبات ومنقبات وأخلاقهم عاليه جدا
وبنات لبسهم ضيق ومش قوي وطبعهم طبعا زي لبسهم

وانا من رأي ان احنا كلنا في مجتمع عربي مهما كان متحضر ومهما كان منفتح لازم نراعي ربنا ونراعي نفسنا في أي حاجه بنعملها

واشكركم كلكم على ردودكم مع احترامي

وأنتظر المزيد من الاراء

[عامر إبراهيم]

السلام عليكم ورحمة الله وبركاته, و الصلاة والسلام على رسول الله, وعلى آله وصحبه وأزواجه أجمعين.

جزاك الله خيرآ يا دكتورة على الموضوع,

بالنسبة لقضية اللبس, هل ممكن يحدد أخلاق البنت دى ولا لأ؟

95 % تقريبآ, نعم, بيحدد أخلاق البنت دى, بغض النظر عن الدين, وبغض النظر عن الأخلاق والعادات والقيم التى تختلف من مكان لآخر, ونحن كمسلمين, يجب أن يحكم عاداتنا وأخلاقنا الشرع الإسلامى وتعاليمه.
وبغض النظر عن الدين, ولكن بالنسبة للمجتمع الشرقى اللى بنعيش فيه.
فى 2 نصرانيات, واحدة لبسها طويل والتانية لبسها قصير, تعتقدوا مين فيهم أكثر إحترامآ وخوفآ على أغلى ما لديها, وحرصآ على ألا تكون فتاة ذات سمعة سيئة بين الشباب؟

نيجى فى النقطة الأهم, والسؤال اللى كان المفرو يتسأل, لأن زى ما قلت المفروض إن اللى بيحكم أخلاقنا وعاداتنا هو دينا, هل لبس الفتاة أو المرأة يحدد مستوى دينها؟؟؟

بالتأكيد 100 % نعم, ورأيى مش محتاج مثال, لأن كل ما فى الأمر إمتثال لأمر ربنا أو عدم إمتثال, ومافيش حاجة إسمها نص نص.
ولكن ممكن الحالات الشاذة اللى بنشوفها فى مجتمعنا, بتكون ناتجة عن إن الأهل بيكون ليهم دور فى تحديد اللبس بطريقةمطلقة, وليس التربية على إختيار اللبس.
أقصد إن الأهل بيجبروا بنتهم أو إبنهم على اللبس, من غير ما يعرفوه إن ده الصح والمفروض, ويكتفوا بكده من غير أسس وقواعد كتير فى التربية وترسيب مبادئ الأخلاق عند الفتاة أو الولد بشكل عام.

يعنى ممكن بالنسبة لسؤال, هل اللبس يحدد مستوى تدين الفتاة أم لا؟
نعم بنسبة 100 لمن يختارون ملابسهم بدون تدخل أحد آخر فى مساعدتهم أو إجبارهم على ذلك.

وأكيد مش هننسى أولياء الأمور ربنا يهديهم اللى بيجبروا بناتهم على اللبس السئ, بس ندعى إن ربنا يهدينا ويهديهم ويهدى المسلمين جميعآ يارب ويغفر لنا ويرحمنا جميعآ بإذن الله.