هل انت دكتور؟؟؟؟؟؟؟؟

[د\بوسى ربيع]

السلام عليكم ورحمه الله وبركاته

• موضوع كتير اوى مننا بتعرض له وبيسبب احراج كبير جدا هو ان الناس بتبقى متصوره انك دكتور يبقى المفروض تبقى عارف كل حاجه وتعرف ازاى على الاقل تعالج اى حاله ولو معرفتش يقولولك امال دكتور ازاى يبقى انت اكيد مش شاطر

طيب احنا هنعمل ايه وياترى العيب فينا ولا فى المناهج الللى بندرسها وولا العيب فى الناس اللى بتفتكر ان اى واحد دخل اى كليه من المجموعه الطبيه لازم يبقى دكتور وعارف كل حاجه يلا مستنيه مشاركتكم

[MAI HABIB]

بصي هوا المفروض اننا نعالج دي كبيرة علينا شويا
يعني على اللاقل يكون عندنا خلفية عن الامراض الاساشية وازاي نتصرف فيها
نكتسب الخبرة دي بقا من الصيدلة او القراءة او الندوات وغيرو وغيرو

بس فعلا بتبقى عيبة اوي اوي لما أتسأل على حاجة ومعرفش اجاوب ويقولولي
يافرحتي بيك ولا الكلية الي انتي فيها دي لزمتها ايه
ولا اي كلمة من الكلام دا......الناس مش عارفة اللي فيها التحليلة والعضوية والفيزيا والنبات

وشكرا ياpretty على الموضوع الحلو دا

[~Am@ny~]

موضوع جميل يا دوك
والله انا كمان مش عارفه العيب فينا ولا فى طريقه التعليم عندناااااا
انا حصلى موقف كده وانا فى اعدادى السنه الى فاتت يعنى
حد معرفه كان مريض شويه وانا كنت موجوده
وسألونى فى حاجات كده ولا حته طالب طب يعرف يجاوبها
واحرجونى جامد جداااا وقالوا ليه امال دكتوره ايه ؟؟؟؟!!!!
انا بقى ارد اقول ايه ؟؟
بس على فكره الناس معزوره لما تقول كده هما صحيح مش يعرفوا احنا بندرس ايه بس
احنا المفروض اننا نعرف خلفيه عن الامراض الشائعه وطريقه علاجها وكده
بس دى مش هتيجى الا لما الشخص نفسه يكون عاوز يتعلمها ويحاول يبحث ويعرف بنفسه
ويقرا ويتثقف نفسه بنفسه.
ده رأيى الشخصى
شكرا للموضوع الجميل

[Khaled Ali]

و الله انا عن نفسي مليش علاقة بكل الكلام اللي الناس بتقوله ده .. لان أساسا كتير من الناس بتتكلم و هي مش فاهمة حاجة..... مع احترامي ع اللي بيقول علينا دكاترة ايه ...

أولا الكلية 5 سنين مش سنة واحدة و لا 2 ... يعني لا يمكن يكون حد ع الاقل قبل تالتة عارف كل حاجة عن الامراض و عن العلاج و الا كانوا خلو الكلية سنتين او 3 و انتهينا ...

ثانيا مش عيب ابدا لما الواحد يقول انه معندوش فكرة عن موضوع معين أو مرض معين ... و بعدين ما هو معلش لو انا عايز اشتغل اللي ادامي و اعمل فيها فاهم .. هقوم رازع له بقين م اللي بيعجبوا الناس و اروح قايله
" ايه اللي انت عامله ده .. مين الحمار اللي كاتب لك الدوا ده .. انت مش عارف ان ال active constituent اللي موجودة ف الدوا ده هي سابع امينات الكلورومفينيكول "

اللي ادامي هيندهش و هيقول ماشاء الله .. ايه الراجل العالم ده( و طبعا كل اللي انا قلته تخريف و كلام ملوش معنى) .. لكن طبعا انا كدة انسان غير امين لاني عمال اخرف و اقول كلام مش فاهم فيه حاجة .. و ممكن أذي بيه اللي ادامي

ثالث نقطة .. لو حد عايز يحاسبني يبقى يحاسبني على حاجة درستها و مش عارف عنها حاجة خااالص .. انما ميجيش يسالني عن حاجة لسه متعرضلهاش و لما معرفش ارد عليه يقول عليا انا مش فاهم ...

ده رأيي .. ممكن يعجب ناس او ميعجبش ناس تانية... و اسف للاطالة ..
و شكرا dr/pretty على موضوعك المهم

[د\بوسى ربيع]

ميرسى ليكم كلكم يا جماعه على مشاركتكم وارائكم الجميله

[A H M E D]

موضوع جميل يا دوك
والله انا كمان مش عارفه العيب فينا ولا فى طريقه التعليم عندناااااا
انا حصلى موقف كده وانا فى اعدادى السنه الى فاتت يعنى
حد معرفه كان مريض شويه وانا كنت موجوده
وسألونى فى حاجات كده ولا حته طالب طب يعرف يجاوبها
واحرجونى جامد جداااا وقالوا ليه امال دكتوره ايه ؟؟؟؟!!!!
انا بقى ارد اقول ايه ؟؟

هو نفسه الموقف البايخ اللي بيحصلي علي طوووووووووووووول

واقولهم يا جماعة أنا مخدتش أي حاجة في الكلية ليها علاقة بالأدوية

ولا حياااااااااااااة لمن تنااااااادي

شكرا ليكي يا دكتورة علي موضوعك الرائع

[:|©؛°¨¨°؛©الصيدلى الذهبى©]

والله كل المشاكل دى بتتحل لما تتدربى فى صيدليه انا كنت كده ولما اتكسفت من نفسى قولت ابدء تدريب على الرغم ان المفروض التدريب بعد السنه دى بس بعد اما اتدربت بدءت اعرف ومعدش حد بيحرجنى يعنى تقريبا بقيت اعرف الحاجات المشهوره

[د\بوسى ربيع]

يارب بس فعلا بيكون شىء محرج جدا

[:|©؛°¨¨°؛©الصيدلى الذهبى©]

اكيد بس بكره لما تتدربى وتدرسى فارما وتتخرجى وتعرفى هتبقى حاجه عاديه وبعدين من قال لاادرى فقد افتى وياريت لو تقرأى فى مواضيع otc drugs وكمان الcontra indication

[ماهيتاب]

الموقف ده بتعرض له كتير
والناس فاكرة إن الدكتور ده فاهم كل حاجة وفاهم كل التخصصات
طبعآ إحنا درسنا كل شىء لكن كل واحد بعد كدة إتجه لتخصص معين
الناس بقى مش فاهمة كدة
حاجة تجنن
مشكورة يادوك
وتقبلى تحياتى