~...ألحق الحجز للتدريب الصيفى بدأ...~
السلام عليكم ورحمة الله وبركاته ......
ان شاء الله يا جماعه للى ناوى يتدرب فى صيدليه الاجازه اللى جايه ..
فيه تدريب فى صيدليات حكوميه تبع المحافظة للى عايز يعنى ،
انا اشتركت النهارده فيه ، ويااااا رب كل اللى يشترك يستفيد ،
أنا بصراحه اللى قاللى على الموضوع ده واحده صاحبتى ،
أنا كنت ناويه اتدرب فى اى صيدليه والسلام ،
بس هى اقنعتنى فعلا ان التدريب تبعا للمحافظه افضل بكثيييييييييير ،
والحجز للتدريب بدأ الاسبوع ده واحنا حجزنا النهارده ،
كل ما عليكم هو انكم تخدوا صورة للبطاقه الشخصية وصورة لكارنيه الكليه بتاع السنه دى وخمسه جنيه ،
الحجز هيكون فى شئون الطلاب بالمحافظه (مدخل 6)
التدريب ان شاء الله هيكون فى الصيدليات الحكوميه زى الصيدليات
فى مستشفى الجامعه والتامين الصحى والمؤسسات الطبيه الحكوميه يعنى .
كل واحد هيتوزع فى مكان تبع عنوانه ،
والتدريب شهر واحد بس
شهر 7 أو 8 ،
للى عايز يحجز .... يا ريت تروح بسرعه لان الاعداد بتبقى كبيره واحتمال ان الحجز يخلص ،
على فكره فيه مكافئه ماليه بعد التدريب
حوالى 100 جنيه وسمعت انهارده هناك انها ممكن تكون 75 جنيه
لو الاعداد كبيره قوى .
يااااااااا رب نستفيد فعلا ... لان كل الدكاتره مش مصدقين اننا
لسه ما اتدربناش فى صيدليه ،
لما نشوف بقى ....
وبالتوفيق لنا كلنا ان شاء الله .
المشاركة الأصلية كتبت بواسطة whitebird
