ايهما ترى اهم "الطبيب ام الصيدلى "

[أمــ هـنـد ــة الله]

السلام عليكم ورحمة الله وبركاته
ازيكم يا جماعه يارب تكونو بخير.....
النهارده عاوزين ان شاء الله نتناقش ف موضوع وعنوانه
ايهما ترى اهم "الطبيب ام الصيدلى"
كتير بنسأل نفسنا مين اهم وافضل الصيدلى ام الطبيب ومين له دور اكتر من التانى وخاصه دلوقتى الطبيب بيشخص المرض وبيعطى الدوا كمان طب احنا دورنا ايه دلوقتى نبيع الدوا بس
يا ترى يا جماعه رايكم ايه هل هما بيكملو بعض ام لكل واحد فيهم دور يؤديه على اكمل وجه

ف امان الله

[hawsalek]

اكيد طبعا الاتنين بيكملوا بعض
بس الطبيب اهم لانه لازم يشخص الحالة كويس عشان الصيدلى يقوم بدوره

[pooooh]

السلام عليكم
انا الموضوع ده ياما حيرنى من اول مادخلت الكليه لحد ما الدكتور طارق ناقشنا فيه واقتنعت بوجهة نظره
احنا مش مجرد مخزنجى او بياع للدوا لا لحنا بنقدم للمريض خدمه اهم واكبر بالرغم من ان خدمه بيع الدوا كبيره الا ان مراجعتك مهمه يعنى لو جالك مريض وانت متاكد من ان الدوا اللى عايز يصرفه مش مناسب لحالته الصحيه المفروض تراجع الطبيب بطريقه مهذبه ومن غير حساسيات
وانت بتكون غالبا ادرى بالمريض لانك مكون علاقات باناس اللى حواليك وبيستشيروك لانهم واثقين فيك
غيركده كمان انت بتعرف المريض ازاى يستعمل الدوا وجرعته وتراجع معاه عشان ماينساش وده فى حد ذاته اهم من الدوا نفسه مش مجرد بياع وخلاص
يعنى من الاخر احنا فىامانه كبيييييييييييييييرة فى رقبتنا بس المهم نكون قدها
والامل فى الجيل الجديد كبير انه يقوم الصيدله من اول وجديد على ارض صلبه اساسها خدمه الناس مش الجرى ورا الفلوس
وربنا معانا

[dreamy girl]

انا عن نفسي شايفة ان الاتنين مهمين لانهم بيكملوا من بعض من غير الدكتور الصيدلي مش هيلاقي شغل ومن غير الصيدلي الدكتور مش هيقدر يكتب الروشتة امل هتتصرف ازاي صح ولا انا غلطانة

[أمــ هـنـد ــة الله]

شكرا يا جماعه على مروركم ورايكم وننتظر المشاركه من البقيه

[hawsalek]

هو حد فيهم بيرضى يتكلم...

[Aésmaïl]

صح كلامك يا محمود همه الإتنين بيكملوا بعض ايوه

بس من وجهه نظرى ان اللى يجتهد فى المجال اللى هوه حاسس انه يقدر يأدى فيه على اكمل وجه ..

خاصه دلوقتى الطبيب بيشخص المرض وبيعطى الدوا كمان طب احنا دورنا ايه دلوقتى نبيع الدوا بس

هوه اكيد على الدكتور التشخيص .. وكتابه الدواء اللازم للمريض

والصيدلى عليه .. بيع الدوااء واعطاء المعلومات المتاحه للمريض عن الدواء وكيفيه استخدامه وكده يعنى

بس الصيدلى مش عمله بس بيع الدوا او كده والا يبقى زى م بيقولوا على الصيادله " بقالين "
ولكن فيه نشاطات تانيه ليهم .. واكيد الكل عارفها

بس كده

[Drugs]

هوا هنا في الي انا شيفو بس مش مقتنع بيه ان لو الطبيب خد سنتين في صيدله خاصه سنه 3 و 4 معدناش هنلاقي شغل

[pharmacistina]

بصدق أعتقد في بلدنا و في وضعنا اللي هو غلط تماما ...
الطبيب بيقوم بدور أكبر من دور الصيدلي ..
زمااااان أيام آباءنا كانت الصيدليات بيقف فيها خمس صيادلة ع الأقل بيشتغلوا شغل من نااااار ممكن الشخص منهم ما يلاقيش وقت يشرب كباية ماية من كتر الشغل ..دي حقيقة مش مبالغة .. أنا خالي صيدلي قديم و حكالي ..
بيشتغلوا في مجالهم الأساسي اللي هو تحضير الأدوية ...
هو دة الصيدلي ..
ساعتها كان الصيدلي ليه احترامه و أهميته( في معمل الصيدلية واقف بيحضر بالبالطو الأبيض بيمثل رمز الدواء ورمز الشفاء )
دوره كان محدش أبداااا ولا أفضل و أشطر طبيب يفهم فيه حاجة ...
لكن دلوقت لما كل الأدوية أصبحت جاهزة ... أي شخص دبلوم أو معاه اعدادية بيعرف يقرأ و يكتب يقدر يقف في الصيدلية و يجيب للناس الأدوية اللي الطبيب وصفها بعد تشخيصه للحالة ... و يقدر يرص الأدوية و يمسح الصيدلية و يشيل الغبار .. دور عشرة على عشرة مش كدة ؟؟!!!!!!!!!
أنا مهمة في مجالي طول ما حدش يقدر يعمل شغلي الا أنا ... لكن once ان بقى في ناس تانية( و المشكلة انهم ناس مش متعلمة تعليم عالي كمان ) تقدر تقوم بدوري خلاص دوري أصبح هين ...
بصراحة .. كل دة مش ممكن يهز ثقتي بالعلم و العقل و الذكاء اللي عندنا كصيادلة .. لأن أنا اللي اخترت الكلية دي و أكتر من نصنا في الكلية دخلها برغبته و كان ممكن يدخلوا طب ..
أنا اخترت الصيدلة لأني بعشق الكيمياء .. اخترت الدراسة اللي أنا بحبها ... ما فكرتش أبداااا في الشغل ..
ما دخلتش طب لأني بكره الحفظ المطلق ...
و كلية الطب أكتر كلية فيها حفظ .. دة شيء لا يقبل الجدال ...
مش معناها ان الطب مش محتاج فهم ... لا الطبيب لازم يكون ذكي و حسن التصرف لكن قبل دة كله لازم تكون قدرته ع الحفظ عالية جداااا .. أنا معنديش القدرة دي .
أسفة اني طولت بس حبيت أقول وجهة نظري ..
ميرسي ع الموضوع

[أمــ هـنـد ــة الله]

شكر يا جماعه على ردودكم واكيد انا بحترمها جدا وشكر خاص للدكتوره جميل جدا وفيه بارقه امل