ايةرأيك في عملي الفيتو؟؟

[XFady]

السلام عليكم
طبعا واضح ان الموضوع هايكون مخصص لعملي الفيتو
أكيد الكل عرف المطلوب الجديد مننا في العملي
هانعمل بحث عن دواء لمرض معين و نستخلصة و نعملة Quality Control
طبعا الكلام دا اول مرة يتعمل السنة دي و الفكرة جديدة و لذيذة و هاتبقي الحدوتة اللى الطلبة السنة دي هاتتكلم عنها
و طبعا لأن الطلبة بتعشق كل ماهو جديد في المنظومة التعليمية فعايزين نتكلم عن الموضوع دا و نقول ارائنا
و تقولوا وصلتوا فين في الابحاث علشان الناس تستفيد منها

على العموم احنا منتظرين ما سوف تسفر عنه الايام القادمة
و ان شاء الله لما أجمع خطوط الموضوع هاكتب مشاركة وافية عنه

سلااااام مؤقت
فادي محمد

[silvy]

السلام عليكم ورحمة الله وبركاتههوه مفيش ردود ليه..........؟؟؟؟!!!!...هبقى انا اول رد..!!!!!!...ماشىبصراحه الفكره حلوه وعجبانى اوى....ياما من زمان كان نفسى اوى الخمس ساعات بتوع سيكشن العقاقير دول يبقوا على الاقل مفيدين فى اى حاجهيعنى حاجه هتنفعنا اوى فى شغلنا بعد كدا وفى حياتنا الخاصه كمان لما نعرف الاعشاب اللى فى مصر اللى بتعالج الامراض الشائعه مش اعشاب العالم اللى بنحفظ لها ال origin اللى مش نعرف اصلا جاى منين....؟؟؟؟؟؟احنا المجموعه بتاعتنا موضوعها عن cardiac disease ...ان شاء الله ربنا يعينا ونطلع بحاجه مفيده منه....يالا ربنا معانا كلنا ان شاء الله

[abo elmawaheb]

بصراحة اولا انا بعتب على الفرقة الثالثة انها مش بتشارك كتيير فى الرد على الموضوعات وبالذات الموضوع اللى امامنا لانه بجد موضوع جميل وكل راى فيه جديد اكيد هيساعد ناس كتيير اااسف هيساعد دكاترة كتيير فى الاستفادة منه بصورة كبيرة وبالنسبة لى بحث المجموعة اللى انا فيها عن Anti cancerوان شاء الله ساعلمكم بما فيه بعد عرضه وشكرا يافادى لاهتمامك بالموضوع وعرضه

[DoAa_RESALA]

انا عاجبني الموضوع جدا ومتهيألي دي اول مرة هنحس اننا بنعمل حاجة جديدة وفيها ابتكار شوية
الفكرة جميلة ومفيدة اوي مع انها جت متأخر شوية بس أحسن من مفيش

[XFady]

السلام عليكم ورحمة الله وبركاته هو مفيش ردود ليه..........؟؟؟؟

و عليكم السلام و رحمة الله و بركاتة
-معلش على تاخر الرد بس انا كنت في القاهرة في الدورة الصيدلية بقالي 3 ايام
على العموم ازيك يا silvy
انتي عارفة الشعب سلبي اد اية محدش بيتكلم لا طلبة و لا مشرفين ولا دكاترة
و دا نتيجة اما ان الناس ماتعرفش حاجة عن المنتدي و دي تكون بسبب المشرفين اللى مش عامليين دعاية للمنتدي في الكلية
أو ان الناس منفضيين و مش معبرين و دي مشكلة الشعب المصري و ماعتقدش ان ليها حل
- بعدين دا شرف ليا انك تكوني اول واحدة تردي على الموضوع

مش اعشاب العالم اللى بنحفظ لها ال origin اللى مش نعرف اصلا جاى منين....؟؟؟؟؟؟احنا المجموعه بتاعتنا موضوعها عن cardiac disease ...

ههههههه حلوة الأورجن اللى مش عارفيين جاي منين دي
- ربنا يوفقك في البحث بتاعك و مستنيين منك تفاصيل اكتر في المستقبل عن تطورات الوضع

[XFady]

بصراحة اولا انا بعتب على الفرقة الثالثة انها مش بتشارك كتيير فى الرد على الموضوعات وبالذات الموضوع اللى امامنا لانه بجد موضوع جميل وكل راى فيه جديد اكيد هيساعد ناس كتيير اااسف هيساعد دكاترة كتيير فى الاستفادة منه بصورة كبيرة

و الله يا abo elmawaheb انا بدأت أخد على انعدام الردود من الفرقة التالتة لدرجة اني باقيلي سنة كمان (بكسر السين) و معتش اشارك في المنتدي (هو احنا بنكتب الكلام دا لنفسنا)
اما الدكاترة فلا أعتقد انهم بيقرأوا اللى بنكتبه اساسا

وبالنسبة لى بحث المجموعة اللى انا فيها عن Anti cancerوان شاء الله ساعلمكم بما فيه بعد عرضه

ربنا يوفقك في بحثك و مستنيينك بعد ماتيجي من عند العطار

وشكرا يافادى لاهتمامك بالموضوع وعرضه

ربنا يخليك ياabo elmawaheb يا رافع معنوياتي
انتا اللى مشكور على المرور و الرد

[XFady]

الفكرة جميلة ومفيدة اوي مع انها جت متأخر شوية بس أحسن من مفيش

الفكرة مش جت متاخرة شوية الفكرة جت متأخرة جدا
و الفكرة دي هاتفتح النار على قسم العقاقير كله
يعنى لما احنا بنتخنق في العملي و عمالين نشتغل في عملي أصعب حاجة فيه انى لما أحط على النشا يود يدي ازرق يبقى يا فرحتى و المعيدين مش ينزلوا كل السكريات مع بعض ،لأ كل نصف ساعة ينزلوا واحد، يعنى قاعدين قاعدين
ومع ذلك مابنتكلمش (بنقول هما مش لاقيين حاجة يدرسوها في العملي)
بس لما الفكرة دي اتعملت قلنا طب ما فيه حاجات كويسة ممكن تتعمل اهو
الأفكار دي كانت فين من زمان
على العموم انا اتمنى ان الفكرة دي تتعمم في جميع سنين العقاقير من اعدادي لحد رابعة
انا لو كنت بأتعلم كدا من اعدادي اعتقد انى كنت حاشعر انى تعلمت حاجة في حياتى او على الاقل بجمال العملية التعليمية
نورتي الموضوع يا دعاء و نتمني نعرف أكتر عن البحث بتاعك

[fathybehery]

ازيك يا عم فادى
انا فتحى كنت معاك فى الرحلة
اخبارك اية.....احب اقوللكان الموضوع الجديد دة هيبقى مفاجأة بس انت اتعاون معانا

[رقة القلب]

السلام عليكم
شكرا كالعاده يافادى على انك دايما تاخد رايئنا فى جديد الكليه عندنا

لكن أكبر شكر فعلا لأستاذى الفاضل الدكتور عطا الله

فعلا لاول مرة بدأت أحس ان العقاقير مش مجرد احفظ وسمع
ولاول مرة أحس أصلا ان العملى فيه حاجه شيقه جدا ومفيده

انا مجموعتى بحثها عن امراض الكبد
رغم ان احنا درسنا كتيير وحفظنا كتيييييييييييييييير عن الكبد ووظائفه وأمراضه
لكن بجد انا بالبحث دا اكتشفت واتعلمت حاجات كتير جدا

ويارب كل الاقسام تبدأتغير وجهة نظرها فى العملى واللى مظمنا مش بيستفيد منه استفاده كبيره

وفقنا الله جميعا لما يحبه يرضاه

[XFady]

السلام عليكم
شكرا كالعاده يافادى على انك دايما تاخد رايئنا فى جديد الكليه عندنا

الله يخليكي يا رقة القلب نورتي الموضوع

و فعلا نتمني أن جميع الأقسام تبدا تغير من اسلوب العملي بتاعنا

عايزين نعرف أية النبات اللى اختاروه ليكم علشان تشتغلوا عليه
و مستنين منك اخبار اكتر بما أنك في السكاشن الغير مظلله و بتشتغلوا قبلنا باسبوع