ماهو نظام الكليه فى الدراسات العليا

[semsema]

ممكن حد يجاوبنى عن نظام الكليه فى تقبل طلبه لم يكونوا من اوائل الدفعه للالتحاق بالدراسات العليا بالكليه لكن حاصلين على جيد جدا

[L.ELMISERY]

السلام عليكم ورحمة الله وبركاته

ما أعلمه ان كل قسم يعلن ان كان يقبل التسجيل فى الماجستير من الخارج-اى من غير الاوائل-ام لا ويحدد العدد الذى يقبله وأعتقد ان الافضلية للتقدير الاعلى

وهناك أقسام أخرى تعلن عن فتحها لباب التسجيل من الخارج للحصول على الدبلومة كالكيمياء الحيوية والعقاقير


ويفضل ان تسألى فى شئون الدراسات العليا حتى تحصلى على معلومات أكيدة وتعرفى طلبات الاقسام ومصاريف التسجيل وشروطه وما إلى ذلك

[Mr.Abd El Hamed]

الكلية فيها تسجيل فى 7 دبلومات ويكون التسجيل فى شهر 9 تقريبا

والدبلوم بيكون مدته سنه (12 شهر)

وممكن لاى خريج حاصل على اقل تقدير جيد يقدم فى اى دبلوم

و المتقدم بيكتب 3 رغبات ل3 دبلومات وحسب عدد المتقدمين و التقدير فى الماده دى بيتم توزيع الطلاب على الأقسام


بس دا بيكون مصاريفه حوالى 850 جنية للدبلوم الواحد

واى استفسار آخر انا ممكن اسأل لحضرتك

[s.m.e]

السلام عليكم


التسجيل فى الدبلومات الموجوده فى الجامعه مفتوح للجميع


والدبلومات المتاحه فى جامعه المنصوره هى

1- دبلومه الرقابه والتحليل الدوائى
2-دبلومه صيدله المستشفيات والصيدله الاكلينيكيه
3-دبولمه التكنولوجيا الصيدليه
4-دبلومه النباتات الطبيه
5- دبلومه التصميم والتشيد الكيميائى للأدويه
6-دبلومه الميكروبيولوجيا
دبلومه التحليل الكيميائى الحيوى


الاوراق المطلوبه للتسجيل

2 صوره شخصيه
2 شهاده بكالوريوس
1 شهاده تقديرات 4 سنوات
مستخرج رسمى شهاده ميلاد
صوره البطاقه
الموقف من التجنيد
موافقه جهه العمل
2 ملف بلاستيك
2 جنيه دمغه

ملحوظه مهمه جدا

التقديم للدبلومات مفتوح من نص شهر سبع لحد يوم الخميس القادم 2/8
يعنى لو فى رغبه فى التقديم ياريت تتوجه فورا خلال اليومين الجايين لمكتب الدراسات العليا والبحوث فى كليه الصيدله الجديده المبنى الادارى

______________________________

اما بالنسبه للماجيستير والدكتوراه فكل قسم بيعلن عن العدد المطلوب للتسجيل
وانا ما عنديش فكره كافيه بميعاد التسجيل
فللأستفسار اكتر ممكن تتوجه لمكتب الدراسات العليا

بس المهم دلوقتى ان ميعاد التقديم مفتوح ليوم الخميس القادم 2/8 فياريت تسارعوا بالتسجيل
ولو عاوز تستفسر اكتر اذا كان موعد التسجيل مفتوح لبعد كده فممكن تتوجه لمكتب الدراسات العليا
بس الافضل تتضمن وقتك او وقت اللى عاوز يقدم قبل يوم 2/8

[د.رضوى]

السلام عليكم ورحمه الله وبركاته
انا فعلا قدمت بس مش عارفه ايه اخبار النتيجه
يااريت لو حد يعرف يقولنا

[semosoro]

يا جماعه هو ايه موقف اللى عايز يعمل دبلومه مثلا هربل وعنده جيش أيه الحل هل ممكن الجيش يسهل لى الموضوع ده مع العلم انى عايز اخدها دلوقتى لانى الراجل اخد جيش 3 سنين فلو طلع لو طلع من الجيش هيبقى 26 سنه هيعمل ايه ساعتها هيدور على عروسه ولا شقه ولا شغلانه ولا هيروح يعمل دبلومه
ارجو الافاده

[pharmacistina]

أعتقد الديلومات بالنسبة للشباب لازم بعد الجيش .. للناس اللي عايزة و دة أكيد بيكون صعب جداااا ..
بس السؤال بالنسبة ليا .. هل لو أنا عملت دبلومة في المجال اللي أنا بحبه و بفهم كويس فيه ممكن دة يحقق طموحي بشغل كويس أو طموح أعلى شوية طول عمري بتمناه و هو التعيين في الجامعة ( جامعات الخليج بتاخد أي حد )
ولا هعمل الدبلومة و في الفاضي .. و بعدين هل عمل الدبلومة ممكن يخليني أهرب من قعدة الصيدلية مع بتوع الدبلومات لأن دة شيء بيحطم طموحي ..

[dr..asma]

بجد يا د/ فارمسيستيانا بتقري اللي في دماغي

[HuSSeiN]

ممكن حد يوضح اكتر لو سمحتم ايه فايدة الدبلومات هنا في مصر يعني للشباب اللي عايزين يحصلوا علي دبلومات ايه المجالات اللي ممكن تتفتح ليهم لو اخدوا الدبلومات دي ؟؟؟

وشكراً

[m_pharmacist89]

ممكن حد يوضح اكتر لو سمحتم ايه فايدة الدبلومات هنا في مصر يعني للشباب اللي عايزين يحصلوا علي دبلومات ايه المجالات اللي ممكن تتفتح ليهم لو اخدوا الدبلومات دي ؟؟؟

وشكراً

ممكن الواحد يعمل دبلومة ميكروبيولوجى او كيمياء حيوية عشان لو عايز يتخصص فى التحاليل الطبيه ويشتغل فى هذا المجال

والبعض الاخر يتجه لتحضير دبلومات فى مستحضرات التجميل ورقابة الجودة عليها ودى دبلومة موجودة فى صيدلة القاهرة وعين شمس عشان يشتغل فى هذا المجال (دول نسبة قليلة من الصيادلة)
وممكن مجال السموم والطب الشرعى نظرا لان الاولوية او الافضلية فى التعيين فى هذا المجال بتكون للحاصلين على دراسات عليا فى السموم والمخدرات

وايضا هناك دبلومة رقابة الجودة الدوائية ودى للناس اللى عاوزة تشتغل فى المصانع (وان كان الشغل هناك فى بعض الاحيان يتطلب ك......ة)

وطبعا اكثر الدبلومات التى يتجه اليها الصيادلة -بعد دبلومات التحاليل الطبية- دبلومة الصيدلة الاكلينيكية عشان لو حب يسافر يشتغل فى احدى مستشفيات دول الخليج لانها بتشترط الحصول على دراسات عليا فى هذا المجال وان كان حاليا بيفضلوا الحاصلين على الماجستير

وفى دبلومة الصيدلة النووية وهى مازالت قيد الدراسة يعنى بيدرسوا بروتوكول تطبيقها فى مصر والهيئات اللى هتتولى الاشراف عليها كهيئة الطاقة الذرية والمركز القومى للبحوث وغيرها من الهيئات وبالنسبة للدبلومة دى عشان يتم تفعليلها فى مصر فقدامها حوالى من خمس الى ست سنوات وده رغبة من وزارة الصحة وهيئة الطاقة الذرية فى تفعيل دور الصيدلى فى هذا المجال (ويارب يطلع كلامهم بجد )

ده اللى اعرفه عن الدبلومات وفايدتها او المجالات اللى ممكن تتفتح بعد الحصول عليها