واقع مضحك "متجدد إن شاء الله"
إن شاء الله في الموضوع ده سنتناول بعض السلبيات بطريقة نقدية ظريفة ياريت تعجبكم
يلا نبدأ مع بعض وياريت اللي عنده إضافة يضيفها بدون تردد
من أبرز احداث 2007
اتساع هامش الحرية فى مصر بشكل غير مسبوق،
فالان المواطن يستطيع أن بختار وبكل حرية ..
كارت ..
كنترول ..
أو خط مفتوح
مع العام الجديد ..
وزير التضامن يتعهد بإنهاء طوابير الخبز ..
الكلام دا بيفكرني بمشهد فؤاد خليل في فيلم جاءنا البيان التالي وهو بيقول " هابي نيو يير"
بصراحه نفسي أزور مصر اللي المسؤولين بيكلمونا عنها كل يوم ..
اللي مليانه فرص عمل ..
اللى عمالة تتحرك ..
واللي فيها ميه نظيفة ..
وتعليم كويس ..
ممكن حد يجيب لي تأشيره لمصر ؟؟
المصري هايغرق هايغرق..
يا في بلاعة يا في عبارة
ممدوح اسماعيل يا هايغرق قبل ما يوصل ايطاليا يا اما هايغرق في الديون ..
المهم انه غرقان غرقان
مجلس محافظة كفر الشيخ قرر زيادة أجور عمال النظافة
من 6 جنيهات يوميا إلى 7 جنيهات
وذلك تشجيعا لهم ..
يالا علشان تجوزوا العيال واللي عاوز يبني الدور التاني كمان واتبرعوا بالباقي لسداد ديون مصر ..
محافظ الدقهلية بيقول:
أزمة المياه بسبب كثرة استحمام المواطنين
ومحافظ المنوفية بيقول:
المواطن ينبسط بالليل.. والحكومة تتحمل مشاكله في النهار ..
لا تعليق !!
الدول الخليجية بتحاول تخلي النت ببلاش والوايرليس مالى الشوارع والمولات واحنا فى مصر بيحسبونا بالجيجا والجيجا بعشره جنيه والحسابه بتحسب
إحمد ربك مش أحسن من مفيش!!!!!!!!!!!!!!!!
الكهرباء أصبحت بكروت شحن في بعض المدن
بس أن عندي إستفسار بسيط هل "في تحويل رصيد أو شحن عالطاير" ؟!!!!!!
انا باقترح عمل كروت شحن للهواء اللى الحكومة سايباه للمواطن يتنفسه ببلاش ويحددوا الاستهلاك اليومى للتنفس
واللى يزيد عن الحد المسموح يشترى انبوبة اكسجين من الشركة الموزعة للغاز الطبيعى
صحيح مبتجوش اللي بالعين الحمرا
رد مع اقتباس
