يا ترى حضور المحاضره بالنسبه لك؟ حاجه اساسيه؟ ولا بظروفها؟ ولا مش بتحضر خالص؟
استفتاء
يا ترى حضور المحاضره بالنسبه لك؟ حاجه اساسيه؟ ولا بظروفها؟ ولا مش بتحضر خالص؟
صراحه انا والله اكتشفت ان حضور المحاضره بجد له اهميه كبيره حتى لو مش بتفهم من الدكتور احضر عشان تعرف المنهج وكمان والله الورق فى الغالب يبقى ناقص او فيه حاجات ذياده وانا والله اخدت درس من الشفوى كتبت اللى فى الورق وطلع غلط بس الحمد لله وان شاء الله نحاول نحضر كل المحاضرات من اول الترم اللى جاى ان شاء الله
اكيد عشان مش عندنا شفوى فده اكيد كان بظروفها فى معظم المحاضرات ...يا ترى حضور المحاضره بالنسبه لك؟ حاجه اساسيه؟ ولا بظروفها؟ ولا مش بتحضر خالص؟
لكن فيه محاضرات كانت لازم احضرها يعنى عندنا .. زى الزولوجى للدكتور م النجار بارك الله فيه
ومحاضرات الفيزيكس كلها اكيد كانت جميله وبجد ما شاء الله على دكاتره كليه علوم
لكن فى التيرم الجاى هنشوف كده اول اسبوع هقدر استفاد ولا لأ ...
لو مش هقدر استفاد ... يبقى مش هكرر غلطه التيرم الأول ده .. واروح ...
سورى على الإطاله
والله يا نسمة زى ما قلتى بالظبط ان حتى لو مش بنفهم
يبقى علشان نحدد المنهج ونبقى ماشيين مع الدكتور
بس طبعا فى محاضرات مش ليها لازمة وتضييع للوقت
أنا بحضر المحاضرة بظروفها ،
بس و الله ما ليها أى لزمة معظم الدكاترة بيشتغلوا من الفلاشا و أنا مش بفهم منها حاجة و ببقى مش شايفة و حاجات كتيييييييييييييييييييييييييييييييييير
أنا عن نفسي بحضر كل المحاضرات
فهمت..
مفهمتش..
هحضر
أصل بينى وبينكم هعمل إيه يعنى أصل الواحد مبيذاكرش يبقى على الأقل نعرف المنهج
وأهو الواحد بيروح يضحك شوية مع أصحابه و ..و.....و....و... .
انا بقى نص نص يعنى بمزاجى الحضور ده
يعنى مثلا محاضرات الصبح دى اكيد ضايعه لانى بروح ع عشرة كده
وبرضه لو ف النصف محاضرة مش حاباها مش بحضر
وحتى لو حباها ومليش مزاج يبقى اكيد برضه مش هحضر
بصراحه انا الترم ده محضرتش حاجات كتير جدا بس مش لاقيه فرق اهو بنعرف المنهج من اصحابنا
ربنا يخليهم
مع انى كنت ف اعدادى بحضر ع طول
وده السبب الرئيسى اللى بيخلينى اروح صحاااااااااااااااااااااااااااابىأهو الواحد بيروح يضحك شوية مع أصحابه و ..و.....و....و... .
انا شايفة ان انك عشان تحضر محاضراتلازم يكون عندك درجة عالية من التركيز وطبعا ده يكاد ان يكون منعدم عند معظم الطلبة لان مين اللى هيقدر مركز منسلعه 7ل1 وحاجه تانيه اللي بيحضر محاضراتيكون بغرض ان انت توفر وقت في المذاكره بحيث تذاكر مباشرة من غير ماتحتاج لوقت تفهم نفسك لكن بتلاقي نفسك في النهايه ولا انت فاهم ولا حتى وفرت وقت
انا حضور المحاضرات بالنسبالي شيء اساسي ده حتى امتحان التحليلية غلط فيه في المحاضرة الوحيدة اللي ما حضرتهاش واهو برده الواحد بيهزر ويرفه عن نفسه شوية
ضوابط المشاركة
