رسالة لقلبي (إرتجالة بقلمي)

[A.Elrayes]

بعد فشل محاولاتي اني أكتب فصحي من إمبارح كتبت الإرتجالة دي. انا عارف ان مش أد المستوي. بس إستحملوا كتابات ضعيفة الفترة دي لحد ما أرجع أقوي ‎:-)‎

ما خلاص بقا وإهدا شوية
ما كفاية حب وحنية
هو انت إيه
مخلوق من إيه
الحزن بقا صعب عليا
حبيت في ناس خدعوك ورموك
ورجعت حبيت ناس نسيوك
بالحب ليه الناس يجفوك
راجع تقول مش بإدايا؟
خلاص بلاش مالحب خلاص
ما كفاية كده جرحوك الناس.
ويوم تقول دا حبيبي يا ناس.
تلاقيه يقولك مش ليا.
عشنا غراب وبقينا أصحاب
لكن كفاية مفيش أحباب.
نرجع لنقطة لقيانا.
ويموت كلامنا جوانا
وترجع انت بجرح كبير
حرمت أعيش للحب أسير
وبلاش يا قلبي زن كتير
هاعيش وأكون لحياتي أمير.
ما خلاص بقا وإهدا شوية.
ما كفاية حب وحنية.

[قطر الندى]

جميلة جدااااااااااا ومن سلاسة أسلوبها حبيت اقراها اكتر من مرة بجد
وفى انتظار المزيد