بفـك الخـط :)
.. سلام عليكم جميـــــــــــــعاً ...
المنتدى وحشنى جداً و الله بجد و كل الناس هنا مفتقداكوا و الله
...
أنا قلت آجى أسلم عليكوا و أنزل حاجة بسيطة عشان متنسونيش
...
...
بفُــك الخط بالإحســاس ..
و رسمــى طفــولى كالعـادة ..
و متعادة ...
سطور تشبـــه كدا البسمـــة ..
_ و مش هـــىَّ _
لـكن قلبــى أنـــا .. يرضــى ..
عشان سهــلة بكــام دايرة ..
و أنزِّل خط للآخــر ..
تفتَّــح ف القلوب .. وردة ..
كتـابة إسمــى بالراحــة ..
مهوش تخطيط ..
و لا إهمال كــدا منــى ..
عشــانه بسيط ..
لكـــن أقـــرب ..
لخــوف مالتوهـــة بين حرفين ..
و كام معنى .. لكام مــرة ..
بتتهجــى قلوب تايهيين ...
ف سطــر إمبارح الخــايب ...
و سطــر ف صفحتين .. جايين ..
أنا و قلمــى صحيح مجانين ..
لـكن ملنــاش نقول تخاريف ..
و لا إحساس تكون كاتبــاه ..
مشاعر زيـف ...
و لا عالشعــر نتصنَّــف ..
كدا يعنــى .... مجــــرد ضيـف ..
أنا شــاعــر _ صحيح بلا فخــــر _
يا دوب ناقصُــه .. تلات تربـــع ..
أنا أربـــع ...
نقط تايهـــة ..
على طــول المــدى و الشــوف ..
أنــا و قلمـــى ..
و حلمـــى فى الهوا .. و الخــوف ..
إيــدين شابكــة .. بتتشكـِّــل على كيفهــا ..
أنا المكتوبـــة بالمللـــى ..
لكن سهـــواً ... على حروفهــا
أنــا " آيـــة " ..
بدون ترتيـــل ..
و لا تشكيــل ..
و لا زيـــادة ..
بفُـــك الخـــط بالإحســـاس ...
و رسمـــى طفولــــى ... كالعادة ...
.........
((لــ آيــة خضـــر))
^_^
........
رد مع اقتباس
المشاركة الأصلية كتبت بواسطة dark flower
