مش صعب ،، 09 - 11 - 2012

[M.Hegazy]

مش صعب ندوس على ذكرى و نعديها

مدام عندنا حياة نحيا فيها

الحزن لوحده مش كفاية

و لو قررنا نبكي

مش هنلاقي لبكانا نهاية

و نهاية البكا بداية

لفرحة جاية

لذكرى حلوة

لأحلى حكاية

الضي في عينينا إحنا منستناهوش من حد

حتى من نور الشمس

لأن الشمس أحيانا بتغيب

و مهما قلنا و عدنا كلام في مواويل

أحيانا كلامنا بيبقى همس

لا حد هيسمعه

و لا حد قلبه هيحن لينا و يطيب

09 - 11 - 2012

By : Dr.M.Hegazy

[محمد فهمي]

ياسلام ع الكلام الحكم..
تسلم ياحجازي..كلامك في محله..
سيبني انت بقه شوية أردد شوية الكلام دول مع نفسي كده:
الضي في عنينا منستناهوش من حد..
حتي من نور الشمس
لأن الشمس أحياناً بتغيب..
* فعلاً لازم تكون ارادتنا نابعة من ذاتنا. ارادة السعادة.ارادة الفرحة.. ارادة العمل.. ارادة النجاح.. ارادة الجهاد بأنواعه.. كل هذ الإرادات هي هذا الضي الذي لن ننتظره حتي من الشمس..بل من تلك الذات الكامنة في أنفسنا..

ومهما عِدنا كلام في مواويل..
احياناً بيبقي كلامنا همس لاحد هيسمعه..
ولاحد قلبه هيحن لينا ويطيب..

* هو الصراخ بلا صوت.. هو الألحان التي نعزفها علي أوتار حزننا وفرحنا وهمنا في مقطوعة تمزق القلوب حزناً علينا وتجعلنا نحن أنفسنا نتأثر ونشفق علي أنفسنا .. وتدعو المآقي لتسكب مافيها.. وتجعل الأجساد ترتعش.. ولكن نسينا أن تلك الأجساد وهذه القلوب وتلك الأعين: صماء....إذاً فلتعزف كما شئت!!
وعجبي

[M.Hegazy]

حبيبي حبيبي حبيبي يا فهمي ,,,

بعشق تعليقاتك و فلسفاتك و تحليلك ،، بجد إنتا شخصية رائعة و مفكر و أديب له وزن ...

متحرمش منك و لا من وجودك أبدا يا رب ,, و يا رب أشوفك أحسن واحد في الدنيا ^_^

[rose smile]

^_^

حمدلله على السلامه
ايوه كده كان المنتدى بيحتضر

منورين يادكاتره

[dark flower]

جميله اوي
بس انا مش واخده على التفاؤل ده للاسف :d

[M.Hegazy]

التفاؤل !!

يبقى حضرتك مقرأتليش حاجة قبل كده ,,

أنا الراعي الرسمي للحزن و التشاؤم و الكآبة .. ^_^

أسعدني مرورك و تواجدك يا دوك ^_^

شكرا لحضرتك

[تابعة محمد]

بسم الله الرحمن الرحيم
مفيش حاجة اسمها مستحيل مدام ربنا موجود