~~ و لنفرض ~~

[dr-aya]

ســلام عليكــم جميعـــاً

...


و أخيراً ..
قصيدة كاملة ...
من بعد جفاف شعرى لأكتر من شهر و نص ..
يااااااااااااااااه ..
تصدقوا كتير قوى
^___^
و نقووووووووووووووووووووووووووووووووول .....
.....
و لنفـــــرض
...
و لنفرض إن الدنيا بخيــر
و كمان الأرض بقت بمبــى
و سحاب الكون و بكل كسوف
بيضلل على حلمى الوردى ...
و بيمشى معاه
و ف كل مكان ..
و مفيش إنسان ..
عايش مخنوق ..
أو مبيضحكش ..
و لنفرض إن اليوم هيفوت ..
من غير ما يعدى عليك و لا خدش ..
و لا لمحة تكشيرة بسيطة
و لا حتى تقول على حاجة _ ياريت _
و كمان حبيت ..
نفسك جداً ..
من غير إضافات ..
أو رسميات ..
و بتجرى و تلعب لو عايز
و تجيب مصاصة و غزل بنات
و تصرَّخ فجأة كمان برضه
من غير ما يقولوا عليك مجنون ..
و تلون قلبك مليون لون
على لون الفرح
و بتسمع ضحكك تتبسم
و بتتطور ..
تضحك أكتر ...
لو حتى يكون من غير أسباب
من بعد غياب
صدقنى غباء...
إنك تستنى الكون فجأة
يجى و يديلك ضحكة كادوه ..
أو حتى يطبطب على قلبك ..
و أنا لما حلمت بإنى بطير
على خيط شايلاه طيارة ورق
أنا روحى تملِّى كانت جمبك
و لنفرض إن الحلم دا فرض
و مهوش مرفوض
علشان من حقك _ تختاره _
و تعيش الحلم كما _ المفروض_

............
((بقلمى / آيــة خضــــر ))
27/9/2012
11:38 pm

..........

[Aya Farouk]

جميلة يا يويو
مش عادة بكتب فرايحى بس انتى كنتى ملهمتى فى أخر حاجة كتبتها والله ♥
تسلم ايدك

[amira89]

كالعادة يا يويو
كتابتك كلها اكتر من رائعة

ولنفرؤض ان الدنيا بخير
ونعيش حياتنا متفائلين
ايه المانع ؟؟
ودى هدية بسيطة منى ليكى

[dr-aya]

جميلة يا يويو
مش عادة بكتب فرايحى بس انتى كنتى ملهمتى فى أخر حاجة كتبتها والله ♥
تسلم ايدك

حبيبتى يا يويو و الله يااااااااااااارب دايماً متفائلة و مبسوطة فى كل حاجة تكتبيها يااااااااااارب

...........

كالعادة يا يويو
كتابتك كلها اكتر من رائعة

ولنفرؤض ان الدنيا بخير
ونعيش حياتنا متفائلين
ايه المانع ؟؟
ودى هدية بسيطة منى ليكى

هدية جميلة من إنسانة أجمل
تسلميلى يا ميرو ياااااااااارب ♥♥♥

[eeeman]

للمرة التانية جميييييييييييييلة جدااا

[dr-aya]

للمرة التانية جميييييييييييييلة جدااا

حبيبتى و الله تسلميلى يااااااااااااااااااااااارب

[chocolata]

عودة رائعه يا ايويه
اكثر ما اعجبنى هو الفكرة طبعا كبيرة جدا باسلوب سلس
واحييكى على اختيارك اسلوب سهل اشبه بالعامى وعدم استخدامك لالفاظ كبيرة ومعقدة
لانها هتبين ثقل الموضوع واد ايه انه مثير للاحباط ان نفقد القدرة على الحلم او الرغبه
لكن وانا بقرا كملت رغم معرفتى بالواقع المعاكس
وكملت بابتسامه كمان
تسلم ايديكى ودايما منورة المنتدى وادام الله ابداعك
والحمد لله اننا مؤمنين ومتمسكين بان الحلم على الاقل ما بينا وبين نفسنا مش مرفوض ابدا
والا كنا متنا واحنا عايشين لسه
وكنا فهمنا الدنيا على حقيقتها وعمرنا ضاع اكتر ماهو ضايع فى توهان


شيكو

[dr-aya]

عودة رائعه يا ايويه
اكثر ما اعجبنى هو الفكرة طبعا كبيرة جدا باسلوب سلس
واحييكى على اختيارك اسلوب سهل اشبه بالعامى وعدم استخدامك لالفاظ كبيرة ومعقدة
لانها هتبين ثقل الموضوع واد ايه انه مثير للاحباط ان نفقد القدرة على الحلم او الرغبه
لكن وانا بقرا كملت رغم معرفتى بالواقع المعاكس
وكملت بابتسامه كمان
تسلم ايديكى ودايما منورة المنتدى وادام الله ابداعك
والحمد لله اننا مؤمنين ومتمسكين بان الحلم على الاقل ما بينا وبين نفسنا مش مرفوض ابدا
والا كنا متنا واحنا عايشين لسه
وكنا فهمنا الدنيا على حقيقتها وعمرنا ضاع اكتر ماهو ضايع فى توهان


شيكو

دايماً الكومنت بتاعك يا شيكو بيبقى ليه رونق خاص و بيبقى إضافة ف حد ذاتها
بجد تسلميلى ياااااااااااارب

[محمد فهمي]

ايه البساطة والعذوبة دي بقه..

شخصياً أستمتع بكتاباتك يادوك.. ولا أندم علي قرائتها بل لها من العذوبة والحلاوة بمكان.. لأن أجد مايرضيني..
دايماً متألقة يادوك آية..

[M.Hegazy]

برغم إن موضوعها جميل و في نوع من الفرحة نحسها بريئة كده ^_^

إلا إنها بنائيا كده مش زي مواضيعك اللي فاتت ،،،

هقرب الصورة لحضرتك أنا قصدي إيه و اتمنى المعنى يوصل ..

حضرتك زي لاعب الكورة المحترف جدا ،، في كل مباراة بينزلها بيبقى نجم المباراة دي و بطلها ،،

اللاعب ده حصله مشكلة في رجله و اتكسرت - بعد الشر على حضرتك أو أي حد - زي ما حصلك فترة فتور كده ,,

المهم بعد ما ربنا كرمه و فك الجبس ،، نزل يلعب .. أكيد مش هيبقى مستواه زي المستوى اللي اتعودنا عليه و هياخد فترة على ما يرجع للفورمة تاني ,, لأنه أساسا موهوب بالفطرة و مجتهد و بيسعى دايما لأنه يطور نفسه و دايما ما بيجي في كل مرة و بيبهرنا بحاجة جديدة ,,

و دي عادة حضرتك يا دوك ,,

اتمنى لك مزيد من التوفيق ،،، و عودٌ حميد ,, و منور المنتدى أكيد ^_^

خالص تحياتي

-Mh