-
Pharma Student
قبل ماندخل لازم نعرف يعنى ايه صيدلانيات ؟
بخصوص مادة الصيدلانيات
الأول عاوزين ناخد فكرة مبسطة على المادة
مادة الصيدلانيات " الفارماسيوتيكس " هي المادة المتخصصة في دراسة طرق تصنيع الأدوية , وخواص الأشكال الدوائية المختلفة .. سواء الأشكال الصلبة زي الأقراص , والكبسولات . أو السائلة زي المحاليل , أو شبه الصلبة زي المراهم والكريمات
وزي ما احنا عارفين , كل شكل دوائي من دول بيكون له تاريخ صلاحية , مكتوب على العلبة بتاعت الدواء من برة .. ومن خلال مادة الصيدلانيات هنفهم بناءً على ايه , وإزاي بيحسبوا تاريخ الصلاحية , ويزودوها من خلال إضافة بعض المواد للأدوية زي المواد الحافظة
ولازم نكون عارفين إن أي دواء , بيتكون من مكونين أساسيين :
المادة الفعالة . ودي اللي بتدي التأثير العلاجي المطلوب في الجسم .. ودي هايتم دراستها بالتفصيل ابتداءً من سنة تالتة في مادة الفارماكولجي , والكيمياء الطبية
أما المكون التاني , وده اللي هندرسه في مادة الصيدلانيات فهو المواد الإضافية اللي بنضفيها للدوا , ودي ظيفتها يا إما تحسين طعم الدواء , أو زيادة ثبات الدواء وبالتالي زيادة فترة صلاحيته , أو منع نمو الميكروبات ..الخ
كمان بندرس إزاي بنصنع الأدوية , ..بمعنى إن لو عندي مادة فعالة معينة , في شكل بودرة , إزاي بقدر احولها مثلاً إلى شكل قرص أو كبسولة , وايه المواد والأدوات والماكينات المستخدمة في الموضوع ده
هندرس كمان من خلال المادة , كيفية التعامل مع الروشتات , وأجزاء الروشتات , وأنواع الروشتات . وبعض العمليات الحسابية الخاصة بالروشتات
باختصار , المادة تعتبر من أهم مواد صيدلة , ودراستها وفهمها ضروري جداً , علشان تكون صيدلي ناجح .
د.محمد عبد الحفيظ
__________________________________________________ _________
بتبع باذن الله
Easy success team
-
Moderator
جزاكي الله خيرا
بس المنتدي بيمنع وجود روابط الفيس
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
رد مع اقتباس