عتاب

[صاحبة القلم الحائر]

كنت هقول انى بحبك

فجأة لقيتنى قتلت الكلمة

كنت هقول انى نسيتك

فجأة لقيت قتلتنى الكلمة

مش من حقى انى اهواك

ولا بايديا انى أنساك

أصل هواك كان دوا لجروحى

و بنسيانك أنا بقتل روحى

كنت ببص لنفسى فى عينك

أشوف عمرى ما عاد بهتان

أشوف الفرح بيرفرف

على القلب اللى صار هيمان

ألاقى حلمى بيعافر

وحلف ليقتل الأحزان

وألاقى قلبى كدا مالّك

ويكسر خوفه والجدران

وفجأة ألاقيك تقولى خلاص

مفيش فى حياتى ليكى مكان

بعد الحب الطاهر بينا

جاى تطالبنى بالنسيان

طب أنسى ازاى أول كلمة

قالها قلبى ليك بأمان

أنسى ازاى كل وعودنا

ان حياتنا تكون بستان

نزرع فيه عمر جديد

عمر يعوّض جرح زمان

قبل ما تيجى تقولى أنساك

اسأل قلبك بصوت مسموع

انت صحيح حبيتنى بجد

ولا دى رغبة الممنوع

مش هتحس بوجعى فى يوم

انك تبكى ما تلقى دموع

انك تصرخ من غير صوت

انك تهمس بصوت موجوع

ان حياتك تصبح ضلمة

من غير نور ولا حتى شموع

واسمع منى آخر كلمة

مش راحة أقولك تانى عتاب

ولا راحة أقولك ترجع ليا

أصل الحب يا قلبى عذاب

انت حقيقى كنت حبيبى

كنت حبيبى بدون أسباب

[**mahasen mohamed fouad**]

بجد والله ما لاقيه كلام يوفيكى حقك ...تسلم ايدك واحساسك ...دمتى مبدعه ومتألقه دوما يا قمر ^_^

[امانى*]

حدوته جميله جدآ فيها ،،رائعه بجد ..يسلم قلمك يادوك

[eeeman]

جمييلة جدااا...تسلم ايدك وعود حميد متغيبيش علينا تانى

[Aya Farouk]

حلوة يا بيرو
الموسيقى مكسورة فى حتت كتير جامد بس الاحساس حلو
خلى بالك من وزن الودن يا بيرو ^_^

[dr.noody]

روووووووووووووووووووووووعة بجد يا دوك
سلمت يداك دوما ...

[E.Raafat]

عودة‏ ‏قوية‏ ‏جدا‏ ‏,,,‏ ‏احساسها‏ ‏عالي‏ ‏جدا‏ ‏بس‏ ‏ياريت‏ ‏حضرتك‏ ‏متغبيش‏ ‏عن‏ ‏المنتدى‏ ‏تاني‏ ‏

[صاحبة القلم الحائر]

ميرسى جداااا على الاراء الجميييييلة دى
ويارب أكون دايما عند حسن ظنكم
جزاكم ربى كل الخير

[الملاك الضاحك]

تسلم ايديكى يابيرو
ما شاء الله حاجه رائعه
استمرى بقى كدا ف الرومانسيه
وسيبك بقى من الحزن
ومتغبيش عن المنتدى كتير تانى
بالتوفيق

[friend]

تحفه يادكتوره وكلامتها حلوه قوى بجد
ماشاء الله عليكى