تقييم .. كلية الصيدلة جامعة المنصورة .. خاص بطلاب الفرقه الرابعه فقط

[Amira]

السلام عليكم ورحمة الله وبركاته
بسم الله والصلاة والسلام علي رسول الله ... ...

إن شاء الله كلنا كلها أيام وتنقطع علاقتنا بالكليه تماما ....

ف بعد إذنكم كل واحد يقول رأيه .. تقييم عام لكل حاجه فى الكليه لكن الاستفتاء عن افضل قسم


معايير التقييم في اختيار القسم الأفضل

1- محاضرات الشرح

2- تناسب عدد ساعات الشرح النظرية مع حجم المنهج

3- شرح الدكاترة وتفاعلهم مع الطلاب أثناء المحاضرات

4- الكتب والمذكرات النظرية والعملية

5- استخدام الوسائل التقنية في الشرح

6- متابعة القسم لمنتدى الكلية ورفع المحاضرات الخاصة بالقسم عليه

7- الامتحان النظري وورقة الأسئلة

8- تعاون المعيدين أثناء المعامل

9- مناسبة مدة المعامل مع المطلوب فيها

10- المعامل وصلاحيتها

11- توافر الكيماويات في المعامل

12- معاملة العمال وتعاونهم في المعامل
.
.
.

اللى عاوز يكتب فى مشاركه كل قسم ومميزاته وعيوبه ياريت

= = = =

الكلام اللى فوق خاص بالاقسام ... الجزء ده خاص بالكليه عموما ...

يعنى إيه السلبيات اللى شايفينها فى الكليه وايه حلولها من وجهة نظرك ؟!
إيه الإيجابيات ؟!

= = = =

نرجو من الجميع الجدية فى الإختيار والمناقشه

[amira89]

Medicinal chemistry department

[basma 90]

الاختيار صعب لان كل قسم فيه عيووب ومزايا
ابدا التحليلية :
العملى المعيدين كانوا متعاونين جدا
النظرى الصراحة الشرح فى المدرج دكاترة ودكاترة دكاترة كانت بتحاول معانا هدفها فعلا اننا نفهم ودكاترة تانية مع احترامى بس مبيهمش احنا فهمنا ولا لا

العضوية : العملى اولا وقتها مش مناسب نهائى ملوش لازمة يبقى شغل المعمل ساعة ويتخصصله 3 او اربع ساعات ده تضييع وقت
النظرى :هى مادة تقيلة وفولاتيل بسهولة وبرضو دكاترة ودكاترة بس احسن دكتور عضوية هى دكتورة فاطمة ربنا يكرمها

البيو : العملى مهمل جدا والدكاترة نفسهم مش مدينه حقه
والابحاث والبوسرتات مش بتتقيم ومفيش منها وجه استفادة بالمرة
النظرى :هى مادة لذيذة بس مقدرش اقول ع شرح الدكاترة لانى محضرتش محاضرات من اول تالتة

الميدسنال :العملى المعيدين متعاونين جدا حتى مش بيوترونا وقت الامتحان
والنظرى الى حد كبير الدكاترة كلهم كويسين بس المادة مش مساعداهم

الصيدلانيات بقى :العملى سئ مفيش تعاون بالمرة مش عارفة بجد المعيدين بتكرهنا لدرجة ان الفنيين والعمال كانوا بيعاملونا باحتقار


الميكروبيولوجى : العملى المعيدين كانوا متعاونين وحريصين ع افادتنا بقدر كبير
النظرى :كان تقيل وطويل جدا خصوصا الترم الاول

الفارما : راى المفروض تبقى ع اكتر من سنة دى اهم مادة واكتر مادة بتفيدنا فى الشغل بعد كدا
العملى ملوش لزمة نعيد ونزيد فى حاجات خلاص وصلنالاها مطلوب تجديد فى العملى وبرضو الاساى

التوكسو قرينة الفارما عاوزة تفصيل اكتر ومينفعش فى سنة واحدة برضو

العقاقير : اسوء قسم مع احرتامى لدكاترتنا طبعا فى دكاترة انا بحبهم وبحب احضرلهم وبتابع شرحهم
بس عيوب القسم ملهاش حصر
اولا معاملة وحشة جدا ومعيد او اتنين اللى بيحترمونا الباقى لا
ومعاملة الدكاترة نفس الوضع وامتحانات ومنهج وكتب


وككل الاقسام الكتب محتاجة تطوير والحشو اللى ملوش لزمة فى العملى والنظرى يتشال ويبقى فى حرية انى اجيب الكتاب او لا من غير ابتزاز هننقص درجات

والتهريج اللى بيحصل فى الشفوى طبعا لايجوز خالص يعنى
بس خلاص

[dr.monalizaa]

احسن قسمين في الكليه .. تحليلية و مديسنال

[Hassan Sona]

اللى ملاحظه ان العقاقير بالصلاة على النبى 0 % لحاد امتى هتفضل النسبه دى

[kareem_abuzaid]

طبعا محضرتش لكل الدكاترة ولكن تقيمي بناء عن قصف فكري دام خمس سنين بينا كزملاء ومعتقدش حد يختلف على قسم المديسنال وانه منظم وهو دا بيت القصيد ((التنظيم))